Online Class with Towel: ఆన్‌లైన్‌ క్లాసులకు టవల్‌తో రండి..! విద్యార్థినిలకు ఆర్డర్ చేసిన టీచర్..! కట్ చేస్తే…

తమిళనాడులోని ఓ స్కూల్ టీచర్ ఆన్ లైన్ క్లాసులకు టవల్‌తో రావాలంటూ ఆర్డర్ జారీ చేశాడు. ఆన్‌లైన్ క్లాసులను అడ్డుగా పెట్టుకుని తన పిచ్చి బుద్దికి పనిచేప్పాడు. వెకిలిచేష్టలను మొదలు పెట్టాడు. తాను చదువు చెప్పే విద్యార్థినిలకు వాట్సాప్‌లో అసభ్య సందేశాలు పంపించి వేధించసాగాడు. చెనైలోని పద్మ శేషాద్రి బాల భవన్ స్కూల్ స్టూడెంట్స్ లైంగిక వేధింపులకు గురి చేస్తున్నాడంటూ టీచర్ పై స్థానిక పోలీస్ స్టేషన్‌లో విద్యార్థులు, పూర్వ విద్యార్థులు ఫిర్యాదు చేశారు.  విద్యార్థినుల ఫిర్యాదు మేరకు కేసు నమోదు చేశారు.

తాజాగా వెలుగులోకి వచ్చిన ఈ వివరాలను పరిశీలిస్తే, చెన్నైలోని ప్రముఖ కార్పొరేట్ పాఠశాలలో అకౌంటెన్సీ, బిజినెస్ స్ట‌డీస్ బోధించే రాజ‌గోపాలన్ అని తెలుస్తోంది. నిందితుడైన టీచర్‌ను వెంటనే సస్పెండ్ చేసిన స్కూల్ డీన్.. విషయంపై విచారణ జరపాలని ఆదేశించారు. ట‌వ‌ల్‌తో ఆన్‌లైన్ క్లాసుల‌కు హాజ‌ర‌య్యే రాజ‌గోపాల‌న్ స్టూడెంట్స్‌ను కూడా ట‌వ‌ల్ ధ‌రించాల‌ని కోరేవాడు. ఆ వ్యక్తి ఫిజికల్ క్లాసుల్లో బాలికను అసభ్యకరంగా ముట్టుకునేవాడని.. వింత ప్రశ్నలు అడిగే వాడని లైంగికపరమైన కామెంట్లు కూడా చేసినట్లు విచారణలో వెలుగు చూసింది. ఇక ఆఫ్‌లైన్ క్లాసుల్లోనూ రాజ‌గోపాలన్ విద్యార్ధినుల‌ ప‌ట్ల అస‌భ్యంగా వ్య‌వహ‌రించేవాడ‌ని ఆరోప‌ణ‌లున్నాయి.

క్లాస్ మొత్తం ముందు ఫిమేల్ స్టూడెంట్స్ శరీరాకృతి గురించి వర్ణిస్తూ మాట్లాడేవాడని.. వాళ్లు మహిళలు స్లీవ్ లెస్ దుస్తులు లేదా అసంప్రదాయ బట్టలు వేసుకోగలరని వెక్కిరిస్తుండేవాడని విద్యార్థులు తమ ఫిర్యాదులో పేర్కొన్నారు.

తాజాగా లాక్‌డౌన్ సమయంలో టవల్‌తో మాత్రమే ఆన్ లైన్ క్లాసులకు హాజరైన ఈ ఉపాధ్యాయుడు.. స్టూడెంట్లకు వాళ్ల వాట్సప్ ప్రొఫైల్ పిక్చర్ల గురించి కామెంట్లు చేశాడని విద్యార్థులు ఆరోపించారు. కొందరి ఫొటోలకు బాగా క్యూట్‌గా ఉన్నావని, కొందరికి పిచ్చి కామెంట్లు లాంటివి చేసేవాడని ఫిర్యాదులో పేర్కొన్నారు.

ఇవి కూడా చదవండి : 5,656 మద్యం బాటిళ్లు ధ్వంసం… మహిళా శక్తితోనే ఈ మహమ్మారికి చెక్ పెట్టాలంటున్న పోలీసులు

ప్రైవేటు ఆస్పత్రులను స్వాధీనం చేసుకుని.. ఉచిత వైద్యం అందించండి..! ప్రభుత్వానికి మావోయిస్టుల లేఖ..!