Crime News: తూర్పుగోదావరి జిల్లాలో దారుణం.. భర్తను అతి కిరాతకంగా హత్య చేసిన భార్య..

ఆంధ్రప్రదేశ్ (Andhra Pradesh) లోని తూర్పుగోదావరి (East Godavari) జిల్లాలో దారుణం చోటు చేసుకుంది. రఘుదేవపురం (Raghudeva Puram) గ్రామంలో ఓ మహిళ తన భర్తను హత్య చేసింది.

Basha Shek |

Updated on: Jan 28, 2022 | 2:00 PM

ఆంధ్రప్రదేశ్ (Andhra Pradesh) లోని తూర్పుగోదావరి (East Godavari) జిల్లాలో దారుణం చోటు చేసుకుంది. రఘుదేవపురం (Raghudeva Puram) గ్రామంలో ఓ మహిళ తన భర్తను అతికిరాతకంగా హత్య చేసింది. అంతే కాకుండా నేరం నుంచి తప్పించుకోవడానికి తన భర్త మూర్ఛవ్యాధి కారణంగా చనిపోయాడని పోలీసులను తప్పుదోవ పట్టించేందుకు ప్రయత్నించింది. కాగా మృతుని శరీరంపై గాయాలను పరిశీలించిన నార్త్ జోన్ పోలీసులు ఇది హత్యేనని నిర్ధారించారు. భార్యే అతనని హత్య చేసిందని పోలీసులు చెబుతున్నారు. కాగా మృతదేహాన్ని పోస్ట్ మార్టం నిమిత్తం రాజమండ్రి ప్రభుత్వాసుపత్రికి తరలించారు. కేసు నమోదు చేసుకున్న పోలీసులు దర్యాప్తు ప్రారంభించారు.

మద్యం మత్తులో..

పోలీసులు తెలిపిన వివరాల మేరకు.. సీతానగరం మండలం రఘుదేవపురానికి చెందిన మర్రే అబ్బులు(46), ముత్యాలు భార్యాభర్తలు. వీరికి మద్యం తాగే అలవాటుంది. బుధవారం రాత్రి కూడా ఇద్దరూ తాగి గొడవపడి బయటకు వెళ్లిపోయారు. కాగా తెల్లవారుజాము ముత్యాలు మాత్రమే ఇంటికి తిరిగి వచ్చింది. మరోవైపు రాపాక గ్రామ శివారు కల్వర్టు వద్ద ఓ మృతదేహం ఉందని పోలీసులకు ఫిర్యాదు అందింది. వారితో పాటు స్థానికులు, ముత్యాలు అక్కడికి చేరుకున్నారు. తన భర్త కు ఫిట్స్‌ (మూర్ఛవ్యాధి) సమస్య ఉందని, దాని వల్లే చనిపోయాడని భర్త మృతదేహాన్నిదహన సంస్కారాలకు తీసుకువెళ్లే ప్రయత్నం చేసింది. అయితే మృతదేహాన్ని పరిశీలించగా శరీరంపై తీవ్ర గాయాలు ఉన్నాయి. అదేవిధంగా పురుషాంగం కోసేసి ఉండడంతో పోలీసులకు అనుమానమొచ్చింది. దీంతో పోలీసులు విచారించగా మృతుడి భార్యే ఈ దారుణానికి ఒడిగట్టినట్లు అంగీకరించింది.