క‌రోనా విల‌యంః వంద మంది వైద్య సిబ్బందికి వైర‌స్

మూతపడ్డ ఆస్పత్రులుః ముంబైలోనిపెద్ద ఆస్పత్రులు జాస్లోక్‌, వోక్హార్డ్‌, భాటియా వంటివి  మూత‌ప‌డ్డాయి. వీటిలో సుమారు 800-900 పడకలు ఇప్పుడు అందుబాటులో లేకుండా పోయాయి. ఆస్పత్రుల్లోనే పాజి టివ్‌ కేసుల నమోదు.. రోగుల భద్రతను ప్రశ్నార్థ‌కం చేసింది. మ‌రోవైపు, బ్రీచ్‌ క్యాండీలో మరో ఇద్దరు నర్సులకు పాజిటివ్‌ వచ్చింది. దీనికి ముందే.. ఐసీయూలో పని చేస్తున్న 180 మంది సిబ్బందిని క్వారంటైన్‌కు తరలించారు. కోవిడ్‌ వార్డుల్లో పని చేసే సిబ్బందికి పీపీఈ కిట్‌లు ఇవ్వకపోవడంతోనే వైరస్‌ సోకుతోందని దక్షిణ ముంబైలోని ఓ ఆస్పత్రిలో పని చేసే నర్సు చెప్పుకొచ్చింది.

సిబ్బంది ఆందోళ‌నః సుశ్రుత ఆస్పత్రిలో 27, 42 ఏళ్ల ఇద్దరు నర్సులకు పాజిటివ్‌ రావడంతో మిగిలిన 28 మందిని క్వారంటైన్‌కు తరలించారు.రక్షణ చర్యలు తీసుకోకపోవ‌డం వ‌ల్లే కేసులు నమోదవు తున్నాయని స్థానిక అధికారి ఒకరు తెలిపారు. కస్తూర్బా ఆస్పత్రిలో ఇప్పటి వరకు ఎలాంటి కేసు నమోదు కాలేదని, దీనికి కారణం కఠిన ఆంక్షలు, చర్యలే అని వివరించారు. పీపీఈ కిట్‌ల కొరత కారణంగానే పాజిటివ్‌ రోగుల నుంచి సిబ్బందికి వైరస్‌ సోకినట్టు ఆస్పత్రి వర్గాలు చెబుతున్నాయి.