భ‌యంక‌రంగా క‌రోనా వ్యాప్తి.. ఇవాళ ఒక్క‌రోజే 12 మంది మృతి..

ఆంధ్రప్రదేశ్‌లో కరోనా పాజిటివ్ కేసుల సంఖ్య రోజు రోజుకీ పెరుగుతూనే ఉన్నాయి. తాజాగా ఇవాళ కొత్తగా 1062 పాజిటివ్ కేసులు నమోదైనట్లు రాష్ట్ర వైద్య ఆరోగ్యశాఖ హెల్త్ బులిటెన్ విడుదల చేసింది. అలాగే ఇవాళ ఒక్క రోజే 12 మంది మృతి చెందారు. ఇక‌ కోవిడ్ వల్ల క‌ర్నూలులో ముగ్గురు, అనంత‌పూర్‌లో ఇద్ద‌రు, కృష్ణ‌లో ఇద్ద‌రు, ప‌శ్చిమ‌గోదావ‌రిలో ఇద్ద‌రు, చిత్తూరులో ఒక‌రు, గుంటూరులో ఒక‌రు, వైజాగ్‌లో ఒకరు మరణించారు. ఇక ఏపీ రాష్ట్ర వ్యాప్తంగా మొత్తం కేసుల సంఖ్య 22259కి చేరింది. అలాగే ఇప్పటివరకూ 264 మంది మృతి చెందారు. ప్ర‌స్తుతం 10,894 క‌రోనా యాక్టివ్ కేసులు ఉండగా, వీరిలో 11,101 మంది వైరస్ బారి నుంచి కోలుకుని డిశ్చార్జ్ అయ్యారు. ఇక గ‌డిచిన 24 గంట‌ల్లో 27,643 శాంపిల్స్‌ను ప‌రీక్షించ‌గా 1051 మందికి కోవిడ్ పాజిటివ్ వ‌చ్చింది. ఏపీలో మొత్తం ఇప్ప‌టివ‌ర‌కూ 10,77,733 క‌రోనా ప‌రీక్ష‌లు చేసిన‌ట్లు వైద్యారోగ్య శాఖ పేర్కొంది.

ఇక సోమవారం కొత్తగా నమోదైన కేసుల్లో అనంతపురం 87, చిత్తూరు 255, ఈస్ట్ గోదావరి 125, గుంటూరు 173, కడప 71, కృష్ణ 70, కర్నూలు 51, నెల్లూరు 51, ప్రకాశం 2, శ్రీకాకుళం 31, విశాఖపట్నం 38, విజయనగరం 38, వెస్ట్ గోదావరిలో 47 కేసులు నమోదయ్యాయి. ఇక గత 24 గంటల్లో ఏపీలో 16,712 సాంపిల్స్‌ని పరీక్షించగా 1263 మందికి కోవిడ్ పాజిటివ్‌గా తేలింది.

#COVIDUpdates: 08/07/2020, 10:00 AM రాష్ట్రం లోని నమోదైన మొత్తం 19,571 పాజిటివ్ కేసు లకు గాను *9346 మంది డిశ్చార్జ్ కాగా *264 మంది మరణించారు * ప్రస్తుతం చికిత్స పొందుతున్నవారి సంఖ్య 9,961#APFightsCorona #COVID19Pandemic pic.twitter.com/1Pt8f7irqh

— ArogyaAndhra (@ArogyaAndhra) July 8, 2020