UPSC NDA NA 2026 Notification: త్రివిధ దళాల్లో ఉద్యోగాలకు.. యూపీఎస్సీ ఎన్‌డీఏ, ఎన్‌ఏ 2026 ఎగ్జామ్‌ నోటిఫికేషన్‌ విడుదల

త్రివిధ దళాలైన ఆర్మీ, నేవీ, ఎయిర్ ఫోర్స్ విభాగాలలో ప్రవేశాలు కల్పించే నేషనల్ డిఫెన్స్ అకాడమీ, నేవల్ అకాడమీ ఎగ్జామినేషన్ (1) 2026 (NDA & NA) నోటిఫికేషన్‌ను యూనియన్‌ పబ్లిక్‌ సర్వీస్‌ కమిషన్‌ (UPSC) తాజాగా విడుదల చేసింది. 2026 ఏడాదికి సంబంధించి మొత్తం 394 ఖాళీలను యూపీఎస్సీ ఈ నోటిఫికేషన్ ద్వారా భర్తీ చేయనుంది. ఇందులో పురుషులకు 370 పోస్టులు, మహిళలకు 24 పోస్టులను కేటాయించారు. అర్హత కలిగిన అభ్యర్థులు డిసెంబర్‌ 30 వరకు ఆన్‌లైన్‌ విధానంలో దరఖాస్తు చేసుకోవచ్చు. రాత పరీక్ష ద్వారా నేషనల్ డిఫెన్స్ అకాడమీ (NDA), ఇండియన్ నేవల్ అకాడమీ కోర్సుల్లో ప్రవేశాలు కల్పిస్తారు. ఇతర వివరాలు ఈ కింద చెక్‌ చేసుకోండి..

పోస్టుల వారిగా ఖాళీల వివరాలు..

• ఆర్మీలో పోస్టుల సంఖ్య: 208 (పురుషులకు 198 పోస్టులు, మహిళలు-10 పోస్టులు)
• నావీలో పోస్టుల సంఖ్య: 42 (పురుషులకు 37 పోస్టులు, మహిళలకు 5 పోస్టులు)
• ఎయిర్ ఫోర్స్‌లో పోస్టుల సంఖ్య: 92 (పురుషులకు 90 పోస్టులు, మహిళలకు 2 పోస్టులు)
• గ్రౌండ్‌ డ్యూటీస్‌ (టెక్‌)లో పోస్టుల సంఖ్య: 18 (పురుషులకు 16 పోస్టులు, మహిళలకు 2 పోస్టులు)
• గ్రౌండ్‌ డ్యూటీస్‌(నాన్‌ టెక్‌)లో పోస్టుల సంఖ్య: 10 (పురుషులకు 08 పోస్టులు, మహిళలకు 2 పోస్టులు)
• నేవల్ అకాడమి(10+2 క్యాడెట్‌ ఎంట్రీ కేటగిరి స్కీమ్‌)లో పోస్టుల సంఖ్య: 24 (పురుషులకు 21 పోస్టులు, మహిళలకు 3 పోస్టులు)

పోస్టులను అనుసరించి సంబంధిత విభాగంలో ఫిజిక్స్‌, కెమిస్ట్రీ, మ్యాథమెటిక్స్‌ సబ్జెక్టులతో ఇంటర్మీడియట్‌ ఉత్తీర్ణత పొంది ఉండాలి. పురుషుల ఎత్తు 157 సెం.మీ, మహిళా అభ్యర్థుల ఎత్తు 152 సెం.మీ ఉండాలి. అభ్యర్ధుల వయోపరిమితి 16 1/2 నుంచి 19 1/2 ఏళ్ల వరకు ఉండాలి. 2007 జులై 1 కంటే ముందు 2010 జులై 1 తరువాత అభ్యర్థులు జన్మించిన వారు అనర్హులు. ఈ అర్హతలు ఉన్న వారు ఎవరైనా ఆన్‌లైన్‌ విధానంలో డిసెంబర్‌ 30, 2025వ తేదీలోపు దరఖాస్తు చేసుకోవచ్చు. దరఖాస్తు ఫీజు కింద జనరల్, ఓబీసీ, అభ్యర్థులు రూ.100 చెల్లించాలి. ఇతరులకు ఫీజు లేదు. రాత పరీక్ష, ఇంటర్వ్యూ ఆధారంగా తుది ఎంపిక ఉంటుంది. ఎంపికైన వారికి నెలకు రూ.56,100 చొప్పున స్టైపెండ్‌ చెల్లిస్తారు. రాత పరీక్ష తేదీ ఏప్రిల్‌ 12, 2026వ తేదీన ఉంటుంది. రాత పరీక్ష ఫలితాలు 2026 మే నెలలో విడుదలవుతాయి. ఎస్‌ఎస్‌బీ ఇంటర్వ్యూ 2026 జూన్‌ నుంచి జులై వరకు జరుగుతాయి. ఎన్‌డీఏ 157వ కోర్సు 2027 జనవరి 1 నుంచి ప్రారంభమవుతుంది. ఎన్‌ఏ 119వ కోర్సు ప్రారంభ తేదీ: 2027 జనవరి 1 నుంచి ప్రారంభమవుతుంది.

రాత పరీక్షవిధానం ఇలా..

యూపీఎస్సీ నిర్వహించే ఈ రాత పరీక్షలో మ్యాథమెటిక్స్ (300 మార్కులు), జనరల్ ఎబిలిటీ టెస్ట్ (600 మార్కులు) చొప్పున మొత్తం 900 మార్కులకు పరీక్ష ఉంటుంది. అన్ని సబ్జెక్టులకు ఆబ్జెక్టివ్ విధానంలో ప్రశ్నలు వస్తాయి. నెగటివ్ మార్కింగ్ ఉంటుంది. సర్వీసెస్ సెలక్షన్ బోర్డ్ (SSB) టెస్ట్/ఇంటర్వ్యూ రాత పరీక్షలో అర్హత సాధించిన అభ్యర్థులకు ఉంటుంది. ఇందులో ఇంటెలిజెన్స్, పర్సనాలిటీ టెస్ట్ నిర్వహిస్తారు. ఇది 900 మార్కులకు నిర్వహిస్తారు.

ఇవి కూడా చదవండి

ఆ ఊరి చెరువులో రాత్రికి రాత్రే మొసళ్లు ప్రత్యక్ష్యం.. జనాలు గజగజ!

స్కూల్లో కుప్పకూలిన పదో తరగతి బాలిక.. క్షణాల్లోనే మృతి! వీడియో

దారుణం.. పెళ్లైన 5 నెలలకే నవ వధువు సూసైడ్!

రాత పరీక్షలేకుండానే UPSCలో ఉద్యోగాలు.. ఎంపికైతే లక్షల్లో జీతం

యూపీఎస్సీ ఎన్‌డీఏ & ఎన్‌ఏ-2026 ఎగ్జామినేషన్‌-1 నోటిఫికేషన్‌ కోసం ఇక్కడ క్లిక్‌ చేయండి.

మరిన్ని విద్యా, ఉద్యోగ కథనాల కోసం క్లిక్‌ చేయండి.