UGC: విద్యార్థులకు యూజీసీ బంపరాఫర్‌.. ఉచితంగా 23,000కి పైగా కోర్సులు.. ఏఐ, సైబర్‌ సెక్యూరిటీతో పాటు మరెన్నో..
UGC: యూనివర్సిటీ గ్రాంట్స్‌ కమిషన్‌ (UGC) విద్యార్థులకు బంపరాఫర్‌ ప్రకటించింది. ఉన్నత విద్యకు సంబంధించి 23,000కిపైగా కోర్సులను ఉచితంగా అందిస్తోంది. ఈ ఆన్‌లైన్‌ కోర్సులను పూర్తిగా ఉచితంగా అందిస్తోంది...
Updated on: Jul 29, 2022 | 8:22 AM
UGC: యూనివర్సిటీ గ్రాంట్స్‌ కమిషన్‌ (UGC) విద్యార్థులకు బంపరాఫర్‌ ప్రకటించింది. ఉన్నత విద్యకు సంబంధించి 23,000కిపైగా కోర్సులను ఉచితంగా అందిస్తోంది. ఈ ఆన్‌లైన్‌ కోర్సులను పూర్తిగా ఉచితంగా అందిస్తోంది. ఇందుకోసం యూజీసీ కొత్త వెబ్ పోర్టల్‌ను లాంచ్‌ చేసింది. పూర్తిగా ఉచితంగా అందిస్తోన్న ఈ కోర్సుల్లో ఆర్టిఫిషియల్‌ ఇంటెలిజెన్స్‌, సైబర్‌ సెక్యూరిటీతో పాటు మరెన్నో డిమాండ్‌ ఉన్న కోర్సులు అందిస్తున్నారు.
దేశంలోని నలుమూలల ఉన్న విద్యార్థులకు రిమోట్‌ విధంలో ఉన్న విద్యను అందించే లక్ష్యంగా ఈ కొత్త పోర్టల్‌ను లాంచ్‌ చేశారు. నేషనల్ ఎడ్యుకేషన్‌ పాలసీ-2020 తీసుకొచ్చి రెండేళ్లు గడుస్తోన్న నేపథ్యంలో జులై 28 నుంచి ఈ పోర్టల్‌ను అందుబాటులోకి తీసుకొచ్చారు. ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వ శాఖతో ఒప్పందం చేసుకున్న యూజీసీ ఈ పోర్టల్‌ను తీసుకొచ్చింది. ఈ విషయమై యూజీసీ ఛైర్మన్‌ ఎమ్‌ జగదీశ్‌ కుమార్‌ మాట్లాడుతూ.. ‘అందరికీ ఉన్నత విద్య అందించాలనే లక్ష్యంతో ఈ పోర్టల్‌ను తీసుకొచ్చాము. ఇంగ్లిష్‌తో పాటు అన్ని స్థానిక భాషల్లో ఈ పోర్టల్‌ అందుబాటులో ఉంటుంది. కామన్‌ సర్వీస్‌ సెంటర్స్‌ ద్వారా గ్రామీణ ప్రాంతాల్లో వారికి కూడా డిజిటల్‌ నైపుణ్యాలు పెరుగుతాయ’ని చెప్పుకొచ్చారు.
ఈ పోర్టల్‌లో 23,000కిపైగా పోస్ట్‌ గ్రాడ్యుయేట్‌ కోర్సులను అందిస్తుండగా ఇందులో 137 SWAYAM MOOC కోర్సులతో పాటు 25 నాన్‌ ఇంజనీరింగ్ కోర్సులు అందుబాటులో ఉన్నాయి. కోర్సులన్నీ ఉచితంగా అందిస్తున్నప్పటికీ సీఎస్‌సీ/ఎస్‌పీవీ సేవలను పొందడానికి మాత్రం యూజర్లు రోజుకు రూ. 20 లేదా నెలకు రూ. 500 చెల్లించాల్సి ఉంటుంది.
మరిన్ని విద్య, ఉద్యోగ వార్తల కోసం క్లిక్ చేయండి..
