TSPSC JL 2023 Hall Tickets Download: తెలంగాణ జూనియర్‌ లెక్చరర్ పోస్టులకు హాల్ టికెట్లు విడుదల.. ఒక్క క్లిక్‌తో ఇక్కడ డౌన్‌లోడ్‌ చేసుకోండి

తెలంగాణ రాష్ట్ర వ్యాప్తంగా ఉన్న జూనియర్ కాలేజీల్లో జూనియర్‌ లెక్చరర్ పోస్టుల భర్తీకి ఈనెలలో నియామక రాత పరీక్ష నిర్వహించనున్న సంగతి తెలిసిందే. ఈ పరీక్షకు సంబంధించిన హాల్‌ టికెట్లు తాజాగా విడుదలయ్యాయి. ఈ పోస్టులకు దరఖాస్తు చేసుకున్న అభ్యర్ధులు అధికారిక వెబ్‌సైట్ నుంచి హాల్ టికెట్లు డౌన్‌లోడ్‌ చేసుకోవచ్చు. కాగా మొత్తం 1392 జూనియర్‌ లెక్చరర్ పోస్టుల భర్తీకి టీఎస్‌పీఎస్సీ ఈ నియామక ప్రక్రియ..

TSPSC JL hall tickets

Updated on: Sep 06, 2023 | 3:11 PM

హైదరాబాద్, సెప్టెంబర్ 6: తెలంగాణ రాష్ట్ర వ్యాప్తంగా ఉన్న జూనియర్ కాలేజీల్లో జూనియర్‌ లెక్చరర్ పోస్టుల భర్తీకి ఈనెలలో నియామక రాత పరీక్ష నిర్వహించనున్న సంగతి తెలిసిందే. ఈ పరీక్షకు సంబంధించిన హాల్‌ టికెట్లు తాజాగా విడుదలయ్యాయి. ఈ పోస్టులకు దరఖాస్తు చేసుకున్న అభ్యర్ధులు అధికారిక వెబ్‌సైట్ నుంచి హాల్ టికెట్లు డౌన్‌లోడ్‌ చేసుకోవచ్చు. కాగా మొత్తం 1392 జూనియర్‌ లెక్చరర్ పోస్టుల భర్తీకి టీఎస్‌పీఎస్సీ ఈ నియామక ప్రక్రియ చేపట్టింది. ఆన్‌లైన్‌ విధానంలో నిర్వహించే ఈ పరీక్షలు సెప్టెంబర్‌ 12 నుంచి అక్టోబర్‌ 3వ తేదీ వరకు జరగనున్నాయి. దాదాపు 11 రోజులపాటు ఆయా తేదీల్లో 16 సబ్జెక్టులకు ఈ పరీక్షలు నిర్వహిస్తారు.

ఒక్కోరోజు రెండు సెషన్ల చొప్పున పరీక్షలు ఉంటాయి. ఉదయం జనరల్ స్టడీస్ పేపర్ ఉంటుంది. మధ్యాహ్నం సంబంధిత సబ్జెక్టు పేపర్ పరీక్ష జరగుతుందని ఇప్పటికే తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) వివరించింది కూడా. తెలంగాణలో ఇంత భారీ మొత్తంలో జూనియర్‌ లెక్చరర్‌ పోస్టులను భర్తీ చేయడం ఇదే తొలిసారి. 2008లో ఉమ్మడి తెలంగాణ రాష్ట్రంలో 1100 జూనియర్‌ లెక్చరర్‌ పోస్టులను భర్తీ చేశారు. ప్రత్యేక తెలంగాణ ఏర్పడిన తర్వాత తొలిసారి గరిష్ఠంగా 1392 పోస్టులను భర్తీ చేస్తున్నారు.

ఈ నెల 12 నుంచి అక్టోబర్‌ 3వ తేదీ వరకు నిర్వహించనున్న రాత పరీక్షలకు సరిగ్గా వారం రోజుల ముందు హాల్‌టికెట్లను కమిషన్‌ అందుబాటులో ఉంచింది. ఒకే అభ్యర్థి రెండు మూడు సబ్జెక్టులకు దరఖాస్తు చేసినట్లయితే సబ్జెక్టు వారీగా వేరు వేరు హాల్‌టికెట్లను పొందాలని కమిషన్‌ సూచించింది. అన్ని సబ్జెక్టులకు ఒకే హాల్‌ టికెట్‌ ఉండని స్పష్టం చేసింది. జేఎల్‌కు సంబంధించి అభ్యర్థులు నమూనా పరీక్షలు రాయడానికి అవకాశం కల్పిస్తున్నట్లు పేర్కొంది. అందుకు సంబంధించిన లింక్‌ను వెబ్‌సైట్‌లో ఉంచినట్లు పేర్కొంది.

ఇవి కూడా చదవండి