TSLPRB SI Exam 2022: ప్రారంభమైన ఎస్ఐ ప్రిలిమినరీ పరీక్ష.. భారీగా తరలివచ్చిన అభ్యర్థులు..

Telangana TS Police Recruitment 2022: తెలంగాణ రాష్ట్రవ్యాప్తంగా 554 ఎస్సై పోస్టుల భర్తీకి.. ఆదివారం ఉదయం 10గంటలకు ప్రాథమిక రాత పరీక్ష ప్రారంభమైంది. తెలంగాణ రాష్ట్ర స్థాయి పోలీస్ రిక్రూట్‌మెంట్ బోర్డ్ (TSLPRB) నిర్వహిస్తున్న ఎస్ఐ ప్రిలిమ్స్ పరీక్ష ఉదయం 10 నుంచి ఒంటి గంట వరకు ఈ పరీక్ష జరగనుంది. దీనికోసం పోలీస్ శాఖ పకడ్బందీ ఏర్పాట్లు చేసింది. రాష్ట్రవ్యాప్తంగా 538 పరీక్ష కేంద్రాల్లో పరీక్ష జరుగుతోంది. ఈ మేరకు అభ్యర్థులను 9 గంటల నుంచే పరీక్షా హాలులోకి అనుమతించారు. హాల్‌టికెట్లు, ఐడీ కార్డుల పరిశీలించి తనిఖీలు నిర్వహించిన అనంతరం లోపలికి పంపించారు. కాగా.. రాష్ట్రంలో మొత్తం 554 ఎస్సై పోస్టులకు గాను 2,47,217 మంది అభ్యర్ధులు దరఖాస్తు చేసుకున్నారు. ఒక్కో పోస్టుకు 446 మంది పోటీ పడుతున్నారు.

పరీక్షకు దరఖాస్తు చేసుకున్న అభ్యర్థుల నుంచి బయోమోట్రిక్‌ విధానంలో హాజరు తీసుకున్నారు. పరీక్షా పరిసరాల్లో సీసీటీవి కెమెరాలను సైతం ఏర్పాటు చేశారు. ఆయా జిల్లాల పరిధిలో ఎస్పీలు, పోలీస్‌ కమిషనర్లు స్వయంగా పరీక్ష ఏర్పాట్లను పర్యవేక్షించారు.

కాగా.. పోలీస్‌ రిక్రూట్‌మెంట్‌ పరీక్షకు హాజరయ్యే అభ్యర్థులు సకాలంలో పరీక్ష కేంద్రానికి చేరుకోవాలని అధికారులు అంతకుముందే సూచించారు. నిమిషం ఆలస్యమైనా అనుమతించబోమంటూ స్పష్టం చేశారు.

ఇవి కూడా చదవండి

Ulcerative Colitis: అల్సర్ సమస్యతో బాధపడుతున్నారా..? అయితే, ఈ పండ్లను ఆహారంలో చేర్చుకోండి..

Flaxseeds Benefits: రోజూ ఈ గింజలను తింటే ఆ సమస్యలకు చెక్.. మధుమేహం నుంచి గుండె జబ్బుల వరకు అన్నీ..

Male Fertility: ఈ ఒక్క చెడు అలవాటుతోనే పురుషుల్లో వంధత్వం.. లైంగిక సామర్థ్యం పెరగాలంటే ఇలా చేయండి..

Chest Infection: శరీరంలో ఈ లక్షణాలు కనిపిస్తున్నాయా..? అయితే ఛాతీ ఇన్ఫెక్షన్ ఉన్నట్టే.. అస్సలు నిర్ణక్ష్యం చేయొద్దు

మరిన్ని తెలంగాణ వార్తల కోసం..