విద్యార్ధులకు గుడ్‌న్యూస్‌! తెలంగాణ CPGET 2022 ఫలితాలు విడుదల చేసిన ఉస్మానియా యూనివర్సిటీ
తెలంగాణ కామన్‌ పోస్ట్‌ గ్రాడ్యుయేట్‌ ఎంట్రన్స్‌ టెస్ట్‌ (CPGET-2022) ఫలితాలను హైదరాబాద్‌లోని ఉస్మానియా యూనివర్సిటీ సెప్టెంబర్‌ 20న విడుదలచేసింది..
TS CPGET 2022 Results: తెలంగాణ కామన్‌ పోస్ట్‌ గ్రాడ్యుయేట్‌ ఎంట్రన్స్‌ టెస్ట్‌ (CPGET-2022) ఫలితాలను హైదరాబాద్‌లోని ఉస్మానియా యూనివర్సిటీ సెప్టెంబర్‌ 20న విడుదలచేసింది. తెలంగాణ స్టేట్‌ కౌన్సిల్‌ ఆఫ్‌ హైయర్‌ ఎడ్యుకేషన్‌ ఛైర్మన్‌ ఆర్‌ లింబాద్రి, ఓయూ వీసీ డి రవీందర్‌ మంగళవారం మధ్యాహ్నం 3 గంటల 30 నిముషాలకు ఫలితాలను విడుదల చేశారు. ఈ పరీక్షకు హాజరైన విద్యార్ధులు అధికారిక వెబ్‌సైట్‌లో ఫలితాలు చెక్‌ చేసుకోవచ్చు. ఈ యేడాది ఆగస్టు 11 నుంచి 23 వరకు ఆన్‌లైన్‌ విధానంలో సీపీగెట్‌ 2022 పరీక్ష జరగగా దాదాపు 57,262 మంది విద్యార్ధులు హాజరయ్యారు. ఈ ప్రవేశ పరీక్ష ద్వారా రాష్ట్ర వ్యప్తంగా ఉన్న 8 (ఉస్మానియా, కాకతీయ, తెలంగాణ, పాలమూరు, మహాత్మా గాంధీ, శాతవాహన, తెలంగాణ మహిళా విశ్వవిద్యాలయం, జవహర్‌లాల్ నెహ్రూ సాంకేతిక విశ్వవిద్యాలయం- హైదరాబాద్) యూనివర్సిటీల్లో, 50 సబ్జెక్టుల్లో పీజీ, ఐదేళ్ల ఇంటిగ్రేటెడ్‌, పీజీ డిప్లొమా కోర్సుల్లో ప్రవేశాలు నిర్వహించనున్నారు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
