TS Inter Supply Exams 2022: ఇంటర్ అడ్వాన్స్డ్ సప్లిమెంటరీ దరఖాస్తు గడువు పెంపు.. ఎప్పటివరకంటే..
తెలంగాణ ఇంటర్మీడియట్ అడ్వాన్స్డ్ సప్లిమెంటరీ పరీక్షలకు దరఖాస్తు చేసుకోవడానికి తుది గడువు జులై 6వ తేదీతో ముగియనుండగా.. మరో రెండు రోజులకు గడువును పెంచుతూ ఇంటర్ బోర్డు ప్రకటించింది..
Telangana Inter Supplementary Exams 2022: తెలంగాణ ఇంటర్మీడియట్ అడ్వాన్స్డ్ సప్లిమెంటరీ పరీక్షలకు దరఖాస్తు చేసుకోవడానికి తుది గడువు జులై 6వ తేదీతో ముగియనుండగా.. మరో రెండు రోజులకు గడువును పెంచుతూ ఇంటర్ బోర్డు ప్రకటించింది. జులై 8 (శుక్రవారం) వరకు ఇంటర్ అడ్వాన్స్డ్ సప్లిమెంటరీ ఫీజులు ఆయా జూనియర్ కాలేజీల ద్వారా చెల్లించుకోవచ్చని ఈ సందర్భంగా తెల్పింది. కాగా అడ్వాన్స్ డ్ సప్లిమెంటరీ పరీక్షలు ఆగస్టు 1 నుంచి 10 వరకు నిర్వహించాలని ఇంటర్ బోర్డు నిర్ణయించింది. ఇంటర్ ఫస్టియర్ విద్యార్ధులకు ఉదయం 9 గంటల నుంచి మధ్యాహ్నం 12 గంటల వరకు, సెకండియర్ విద్యార్ధులకు మధ్యాహ్నం 2 గంటల 30 నిముషాల నుంచి 5 గంటల 30 నిముషాల వరకు నిర్వహించనున్నట్లు బోర్డు తెలిపింది. ఇక ప్రాక్టికల్స్లో ఫెయిలైన విద్యార్ధులకు జులై 26 నుంచి 30 వరకు ప్రాక్టికల్స్ నిర్వహిస్తారు. ఈ పరీక్షలకు సంబంధించిన హాల్ టికెట్లను త్వరలో విడుదల చేయనున్నట్లు ఇంటర్ బోర్డు తెల్పింది. ఇంటర్ సప్లిమెంటరీ ఫలితాలు ఆగస్టు నెలాఖరు నాటికి ప్రకటించనున్నారు.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.