OU Recruitment: ఉస్మానియా యూనివర్సిటీలో లెక్చరర్‌ పోస్టులు.. ఎవరు అర్హులు? ఎలా ఎంపిక చేస్తారంటే..
హైదరాబాద్‌లోని ఉస్మానియా యూనివర్సిటీ పలు పోస్టుల భర్తీకి నోటిఫికేషన్‌ జారీ చేసింది. డైరెక్టర్ ఆఫీస్‌, డిస్ట్రిక్‌ పీజీ కాలేజీల్లో ఈ పోస్టులను భర్తీ చేయనున్నారు. ఇందులో భాగంగా పార్ట్‌టైమ్‌ లెక్చరర్‌ పోస్టులను భర్తీ చేయనున్నారు. కాంట్రాక్ట్ విధానంలో ఈ ఖాళీలను తీసుకోనున్నారు
Updated on: Nov 04, 2022 | 7:54 AM
హైదరాబాద్‌లోని ఉస్మానియా యూనివర్సిటీ పలు పోస్టుల భర్తీకి నోటిఫికేషన్‌ జారీ చేసింది. డైరెక్టర్ ఆఫీస్‌, డిస్ట్రిక్‌ పీజీ కాలేజీల్లో ఈ పోస్టులను భర్తీ చేయనున్నారు. ఇందులో భాగంగా పార్ట్‌టైమ్‌ లెక్చరర్‌ పోస్టులను భర్తీ చేయనున్నారు. కాంట్రాక్ట్ విధానంలో ఈ ఉద్యోగాలను తీసుకోనున్నారు. ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్‌లో భాగంగా ఎంఏ- ఎకనామిక్స్, ఇంగ్లిష్; ఎంఎస్సీ- గణితం, రసాయన శాస్త్రం; ఎంఎల్‌ఐఎస్సీ; ఎంబీఏ, ఎంసీఏ విభాగాల్లో ఉన్న ఖాళీలను భర్తీ చేయనున్నారు.
* పైన తెలిపిన పోస్టులకు దరఖాస్తు చేసుకునే అభ్యర్థులు సంబంధిత సబ్జెక్టుల్లో మాస్టర్స్ డిగ్రీతో పాటు నెట్/ స్లెట్‌/ సెట్‌ లేదా పీహెచ్‌డీ ఉత్తీర్ణత పొంది ఉండాలి.
* అభ్యర్థుల వయసు 65 ఏళ్లు మించకూడదు.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆఫ్‌లైన్‌ విధానంలో దరఖాస్తు చేసుకోవాల్సి ఉంటుంది.
* దరఖాస్తులను డైరెక్టర్ ఆఫీస్‌, డిస్ట్రిక్ట్‌ పీజీ కాలేజీలు, ఉస్మానియా యూనివర్సిటీ, హైదరాబాద్‌ అడ్రస్‌లో సమర్పించాల్సి ఉంటుంది.
* అభ్యర్థులను రాత పరీక్ష, ఇంటర్వ్యూ ఆధారంగా ఎంపిక చేస్తారు.
* దరఖాస్తుల స్వీకరణకు 07-11-2022ని చివరి తేదీగా నిర్ణయించారు.
* నోటిఫికేషన్‌ కోసం క్లిక్‌ చేయండి..
* పూర్తి వివరాల కోసం క్లిక్‌ చేయండి..
మరిన్ని విద్య, ఉద్యోగ వార్తల కోసం క్లిక్‌ చేయండి..
