Mazagon Dock Jobs 2022: పదో తరగతి అర్హతతో మజగాన్ డాక్ షిప్‌బిల్డర్స్ లిమిటెడ్‌లో 1041 నాన్‌ ఎగ్జిక్యూటివ్‌ ఉద్యోగాలు.. పూర్తి వివరాలు ఇవే..
ముంబాయి ప్రధాన కేంద్రంగా పనిచేస్తున్న మజాగాన్ డాక్ షిప్‌బిల్డర్స్ లిమిటెడ్ (Mazagon Dock Ltd).. ఒప్పంద ప్రాతిపదికన 1041 నాన్‌ ఎగ్జిక్యూటివ్‌ (Non-Executive Posts) పోస్టుల భర్తీకి అర్హులైన అభ్యర్ధుల నుంచి..
Updated on: Sep 12, 2022 | 2:45 PM
Mazagon Dock Shipbuilders Ltd Non Executive Recruitment 2022: ముంబాయి ప్రధాన కేంద్రంగా పనిచేస్తున్న మజగాన్ డాక్ షిప్‌బిల్డర్స్ లిమిటెడ్ (Mazagon Dock Ltd).. ఒప్పంద ప్రాతిపదికన 1041 నాన్‌ ఎగ్జిక్యూటివ్‌ (Non-Executive Posts) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి పదో తరగతి, సంబంధిత స్పెషలైజేషన్‌లో ఇంటర్‌, డిప్లొమా, ఐటీఐ, డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే దరఖాస్తు దారుల వయసు సెప్టెంబర్ 1, 2022వ తేదీలోపు 18 నుంచి 38 యేళ్ల మధ్య ఉండాలి. అలాగే సంబంధిత పనిలో అనుభవం కూడా ఉండాలి. ఈ అర్హతలున్నవారు ఆన్‌లైన్‌ విధానంలో సెప్టెంబర్ 30, 2022వ తేదీలోపు దరఖాస్తు చేసుకోవల్సి ఉంటుంది. దరఖాస్తు సమయంలో జనరల్‌/ఓబీసీ/ఈడబ్ల్యూఎస్‌ అభ్యర్ధులు రూ.100 అప్లికేషన్‌ ఫీజుగా చెల్లించవల్సి ఉంటుంది. ఎస్సీ/ఎస్టీ/పీడబ్ల్యూడీ అభ్యర్ధులకు ఫీజు మినహాయింపు వర్తిస్తుంది. రాత పరీక్ష, ట్రేడ్‌/స్కిల్‌ టెస్ట్‌ ఆధారంగా తుది ఎంపిక ఉంటుంది. ప్రతిభకనబరచిన వారికి నెలకు రూ.22,000ల నుంచి రూ.83,180ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.
పూర్తి సమాచారం కోసం క్లిక్‌ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
