IGNOU Admission 2022: ఇగ్నో జనవరి 2022 సెషన్‌ అడ్మిషన్లకు దరఖాస్తు గడువు పొడిగింపు! ఎప్పటివరకంటే..
ఇందిరా గాంధీ నేషనల్ ఓపెన్ యూనివర్శిటీ (IGNOU) జనవరి 2022 సెషన్‌.. యూజీ, పీజీ ప్రవేశాలకు ఆన్లైన్ రిజిస్ట్రేషన్ చివరితేదీని పొడిగిస్తున్నట్లు ఇగ్నో నోటిఫికేషన్ విడుదల చేసింది..
IGNOU admission 2022-23 last date: ఇందిరా గాంధీ నేషనల్ ఓపెన్ యూనివర్శిటీ (IGNOU) జనవరి 2022 సెషన్‌.. యూజీ, పీజీ ప్రవేశాలకు ఆన్లైన్ రిజిస్ట్రేషన్ చివరితేదీని పొడిగిస్తున్నట్లు ఇగ్నో నోటిఫికేషన్ విడుదల చేసింది. ఐతే సెమిస్టర్, మెరిట్ ఆధారిత ప్రోగ్రాములకు ఈ పొడిగింపు వర్తించదని ఈ సందర్భంగా తెలియజేసింది. ఇగ్నో జారీ చేసిన అధికారిక నోటిఫికేషన్ ప్రకారం.. అడ్మిషన్లకు రిజిస్ట్రేషన్ గడువు మార్చి 25 వరకు పొడిగించింది. ఇప్పటివరకు దరఖాస్తు చేసుకోని అభ్యర్ధులెవరైనా ఉంటే అధికారిక వెబ్‌సైట్‌ ignouadmission.samarth.edu.inలో దరఖాస్తు చేసుకోవచ్చని తెలిపింది. ఈ మేరకు ఆన్లైన్ ప్రోగ్రాముల్లో ప్రవేశాలకు ఇగ్నో అవకాశం కల్పిస్తోంది. అభ్యర్థులు వచ్చే సంవత్సరం/సెమిస్టర్‌కు కూడా రీ-రిజిస్ట్రేషన్ చేసుకోవచ్చని తెల్పింది. కాగా గతంలో విడుదల చేసిన నోటిఫికేషన్ ప్రకారం జనవరి 2022 సెషన్‌కు రిజిస్ట్రేషన్, రీ-రిజిస్ట్రేషన్ చివరి తేదీగా మార్చి 5ను నిర్ణయించారు. ఈ తేదీని మార్చి 15 వరకు పొడిగించారు. ప్రస్తుతం మరోసారి చివరితేదీని మార్చి 25 వరకు యూనివర్సిటీ పెంపొందించినట్లు ప్రకటించింది.
Also Read: