TS Inter: తెలంగాణ ఇంటర్ రివాల్యుయేషన్కు రికార్డు దరఖాస్తులు.. ఎంత మంది దరఖాస్తు చేసుకున్నారో తెలుసా.?
TS Inter: తెలంగాణ ఇంటర్ ఫస్ట్ ఇయర్ ఫలితాలు ఎలాంటి ప్రకంపనలు సృష్టించాయో ప్రత్యేకంగా చెప్పాల్సిన పనిలేదు. కేవలం 49 మంది మాత్రమే ఉత్తీర్ణులుకావడంతో తీవ్ర చర్చనీయాంశంగా మారింది...
Updated on: Dec 23, 2021 | 2:59 PM
TS Inter: తెలంగాణ ఇంటర్ ఫస్ట్ ఇయర్ ఫలితాలు ఎలాంటి ప్రకంపనలు సృష్టించాయో ప్రత్యేకంగా చెప్పాల్సిన పనిలేదు. కేవలం 49 మంది మాత్రమే ఉత్తీర్ణులుకావడంతో తీవ్ర చర్చనీయాంశంగా మారింది. ఇదిలా ఉంటే తాజాగా ఇంటర్ బోర్డ్ జవాబు పత్రాల రీ వెరిఫికేషన్, రీ కౌంటింగ్కోసం ఆహ్వానించిన దరఖాస్తులకు భారీగా స్పందన కనిపించింది. రీ వెరిఫికేషన్ కోసం ఏకంగా 39 వేల మంది దరఖాస్తు చేసుకోగా.. రీకౌంటింగ్ కోసం 4 వేలకుపైగా మంది దరఖాస్తు చేసుకోవడం విశేషం. చివరి రోజైన బుధవారం ఒక్కరోజే ఏకంగా 15వేల దరఖాస్తులు అందాయి అంటేనే పరిస్థితి ఎలా ఉందో అర్థం చేసుకోవచ్చు.
సాధారణంగా రీ వెరిఫికేషన్ కోసం ఏటా సుమారు 20 వేల మంది మాత్రమే దరఖాస్తు చేసుకుంటారు. కానీ ఈ సారి ఆ సంఖ్య రెట్టింపు కావడం గమనార్హం. ఇదిలా ఉంటే సాధారణంగా రీవెరిఫికేషన్ రుసుము రూ. 600 ఉండగా, ప్రభుత్వం ఈసారి రూ. 300కు తగ్గిస్తూ నిర్ణయం తీసుకుంది. ఇదిలా ఉంటే ఓవైపు పరీక్షలను నిర్వహించడం మంచి విధానమే అని కొందరు మద్ధతు తెలుపుతుండగా, కరోనా సమయంలో గ్రామీణ ప్రాంతాలకు చెందిన వారు ఆన్లైన్ క్లాస్లకు దూరం కావడం వల్ల ఉత్తీర్ణత శాతం తగ్గిందని పలువురు అభిప్రాయపడుతున్నారు. ఇంటర్ బోర్డ్ కూడా ఇదే విషయాన్ని ప్రభుత్వానికి నివేధించినట్లు తెలుస్తోంది. దీంతో ప్రభుత్వం ఎలాంటి నిర్ణయం తీసుకోనుందో అన్న దానిపై సందిగ్థత నెలకొంది.
Hyderabad: ఆన్లైన్ క్లాస్లోకి ఎంటరైన అగంతకుడు.. మరి ఆ టీచర్ ఏం చేసిందంటే..!
