కరోనా టైంలో జాబ్ హుఫ్.. అదే బ్లెస్సింగ్ అయ్యింది! కట్చేస్తే రూ.75 లక్షల ప్యాకేజీతో కొలువు
ఇంజినీరింగ్ డిగ్రీ లేదు.. ప్రతిష్ఠాత్మక కాలేజీలో చదవలేదు. అయినప్పటికీ ఓ యువకుడు తన కెరీర్లో అద్భుతమైన జీతం వృద్ధిని సాధించాడు. ఏడాదికి కేవలం రూ.1.84 లక్షల జీతంతో కెరీర్ ప్రారంభించిన అతని వార్షిక వేతనం తొమ్మిదేళ్లలో ఏకంగా రూ.75 లక్షలకు చేరింది. ప్రస్తుతం ఈ రెడిట్ యూజర్ కెరీర్ జర్నీ సోషల్ మీడియాలో వైరల్గా మారింది. లేఆఫ్స్, కాలేజీ ర్యాంకింగ్స్, B.Tech డిగ్రీ లేకపోవడం వంటి విషయాలపై ఆందోళన చెందుతున్న వారికి తన అనుభవం ఆశ కలిగిస్తుందని భావించిన ఆయన ఈ వివరాలను Redditలో పంచుకున్నారు..
Updated on: Aug 18, 2026 | 12:37 PM
ఓ యువకుడు BSc Mathematics with Computer Applications చదివారు. అదీ Tier 3 కాలేజీలో. క్యాంపస్ ప్లేస్మెంట్ ద్వారా WITCH కంపెనీలో తొలి ఉద్యోగం పొందారు. అప్పుడు ఆయన వార్షిక వేతనం కేవలం రూ.1.84 లక్షలు మాత్రమే. కెరీర్లో మొదటి నాలుగేళ్లు జీతం పెరుగుదల అంతగా కనిపించలేదు. కోవిడ్-19 మహమ్మారి వచ్చే సమయానికి ఆయన వేతనం సుమారు రూ.4.5 లక్షలకు చేరింది. అయితే కరోనా కారణంగా ఉద్యోగ మార్కెట్లో ఏర్పడిన మార్పులు ఆయనకు కొత్త అవకాశాలను తెచ్చిపెట్టాయి. దీంతో Big Four సంస్థల్లో ఒకదానిలో ఉద్యోగం సంపాదించారు. అక్కడ ఆయన ప్యాకేజీ రూ.8 లక్షలకు చేరింది. అంటే గత జీతంతో పోలిస్తే దాదాపు 78 శాతం పెరుగుదల.
ఏడాదిలోనే రూ.17.4 లక్షలకు జంప్
ఆ ఉద్యోగంలో చేస్తున్న పని తనకు నచ్చకపోవడంతో ఏడాది తర్వాత మరోసారి ఉద్యోగాల కోసం ప్రయత్నించారు. ఈసారి వచ్చిన అవకాశాలను సీరియస్గా పరిశీలించి, పలు ఆఫర్లు అందుకున్నారు. జీతం విషయంలో కూడా చర్చలు జరిపి చివరకు రూ.17.4 లక్షల వార్షిక ప్యాకేజీని సాధించారు. ఇది ఆయన అప్పటి రూ.8 లక్షల జీతంతో పోలిస్తే రెట్టింపుకంటే ఎక్కువ. ఆ తర్వాతి మూడేళ్లలో కూడా ఆయన కెరీర్లో స్థిరమైన పురోగతి కనిపించింది. ఓ కఠినమైన మేనేజర్తో పనిచేయాల్సి వచ్చినప్పటికీ, వరుసగా వచ్చిన జీతాల పెంపుతో ఆయన వార్షిక వేతనం సుమారు రూ.30 లక్షలకు చేరింది. తర్వాత మెరుగైన జీతంతో పాటు ఆరోగ్యకరమైన పని వాతావరణం కోసం ఓ స్టార్టప్లో చేరాలని నిర్ణయించుకున్నారు. ఆ నిర్ణయం ఆయన కెరీర్కు మరో మలుపుగా మారింది. కొత్త కంపెనీలో ఆయన వేతనం రూ.42.2 లక్షలకు పెరిగింది.
లేఆఫ్.. ఆ తర్వాతే అసలు టర్నింగ్ పాయింట్
అయితే రూ.42.2 లక్షల జీతంతో స్టార్టప్లో చేరిన ఏడాది తర్వాత అనూహ్యంగా ఆయన లేఆఫ్కు గురయ్యారు. చాలామందికి లేఆఫ్ అంటే కెరీర్కు పెద్ద దెబ్బగా అనిపించవచ్చు. కానీ ఆయన మాత్రం దానిని అవకాశంగా మార్చుకున్నారు. లేఆఫ్ తర్వాత లభించిన సమయాన్ని తదుపరి ఉద్యోగానికి అవసరమైన నైపుణ్యాలు, ఇంటర్వ్యూల కోసం సిద్ధం కావడానికి ఉపయోగించుకున్నారు. చివరకు మరో స్టార్టప్లో ఉద్యోగం సంపాదించారు. అక్కడ ఆయన వార్షిక వేతనం ఏకంగా రూ.75 లక్షలకు చేరింది. గత ప్యాకేజీ రూ.42.2 లక్షలతో పోలిస్తే ఇది దాదాపు 77 శాతం పెరుగుదల. తన తొమ్మిదేళ్ల కెరీర్ను వెనక్కి చూసుకుంటే విద్యార్హతలు ప్రారంభ ఉద్యోగం పొందడంలో సహాయపడవచ్చని, కానీ దీర్ఘకాలిక కెరీర్ వృద్ధికి నైపుణ్యాలే కీలకమని ఆయన అభిప్రాయపడ్డారు. Problem-solving skills, నిరంతరం కొత్త విషయాలు నేర్చుకోవడం, సరైన సమయంలో సరైన కెరీర్ నిర్ణయాలు తీసుకోవడం తన ఎదుగుదలకు ప్రధాన కారణాలని చెప్పారు. అలాగే జీతం విషయంలో negotiation ఎంత ముఖ్యమో కూడా ఆయన అనుభవం ద్వారా వివరించారు. రూ.8 లక్షల నుంచి రూ.17.4 లక్షలకు జీతం పెరగడంలో మొదటి ఆఫర్ను అంగీకరించకుండా, మెరుగైన ప్యాకేజీ కోసం చర్చలు జరపడం కీలకంగా మారిందని తెలిపారు.
From 1.84LPA to 75LPA in 9 years.
No BTech. Passed out from a Tier-3 college.
This is how he achieved it: pic.twitter.com/pJjQQGcfaA
— Swapna Kumar Panda (@swapnakpanda) August 16, 2026
లేఆఫ్ అంతం కాదు..
ఈ కెరీర్ కథలో మరో ముఖ్యమైన అంశం లేఆఫ్. ఏడాదికి రూ.42 లక్షలకుపైగా జీతం అందుకుంటున్న సమయంలో ఉద్యోగం కోల్పోయినప్పటికీ, అదే ఘటన చివరకు రూ.75 లక్షల ప్యాకేజీకి దారితీసింది. అందుకే కెరీర్లో ఎదురయ్యే ప్రతి ఎదురుదెబ్బను ముగింపుగా చూడాల్సిన అవసరం లేదని ఆయన కథ చెబుతోంది. డిగ్రీ, కాలేజీ బ్రాండ్ ప్రారంభ అవకాశాలను ప్రభావితం చేసినా.. నైపుణ్యాలు, నిరంతర అభ్యాసం, సరైన కెరీర్ నిర్ణయాలు, జీతం కోసం సమర్థవంతమైన చర్చలు దీర్ఘకాలంలో ఎంతో కీలకమని ఈ ప్రయాణం సూచిస్తోంది.
