Groups Free Coaching 2022: తెలంగాణ మైనార్టీలకు గ్రూప్‌ 1, 2, 3, 4 ఉద్యోగాలకు ఉచిత శిక్షణ.. ఇలా దరఖాస్తు చేసుకోండి..
తెలంగాణలో గ్రూప్‌ 1, 2, 3, 4 ఉద్యోగాల కోసం ప్రిపేరవుతున్న మైనారిటీ అభ్యర్ధులకు ఉచితంగా కోచింగ్ క్లాసులు నిర్వహించడానికిగానూ, దరఖాస్తులు కోరుతూ డిస్ట్రిక్ట్‌ మైనారిటీస్‌ వెల్ఫేర్‌ ఆఫీసర్‌ మహమ్మద్‌ ఆదివారం (ఏప్రిల్‌ 17) ప్రకటన విడుదల చేశారు..
Updated on: Apr 17, 2022 | 3:58 PM
Groups Free Coaching 2022 for Telangana Minority aspirants: తెలంగాణలో గ్రూప్‌ 1, 2, 3, 4 ఉద్యోగాల కోసం ప్రిపేరవుతున్న మైనారిటీ అభ్యర్ధులకు ఉచితంగా కోచింగ్ క్లాసులు నిర్వహించడానికిగానూ, దరఖాస్తులు కోరుతూ డిస్ట్రిక్ట్‌ మైనారిటీస్‌ వెల్ఫేర్‌ ఆఫీసర్‌ మహమ్మద్‌ ఆదివారం (ఏప్రిల్‌ 17) ప్రకటన విడుదల చేశారు. మొత్తం 90 రోజుల పాటు హైదరాబాద్‌ సిటీలో ఈ కోచింగ్ ప్రోగ్రాం నిర్వహించనున్నారు. మే మొదటి వారంలో కోచింగ్ క్లాసులు ప్రారంభమౌతాయి. గ్రూప్‌ 1,2,3 అభ్యర్ధులకు ఉమ్మడిగా, గ్రూప్‌ 4 అభ్యర్ధులకు విడిగా తరగతులు నిర్వహించనున్నారు. ముందస్తు దరఖాస్తు చేసుకున్నవారికి ప్రాధాన్యత ఇవ్వబడుతుంది. ఏప్రిల్‌ 18 ఉదయం 10.30 గంటల నుంచి ఏప్రిల్‌ 30 సాయంత్రం 5 గంటల వరకు దరఖాస్తు చేసుకోవచ్చు.
ఆసక్తి కలిగిన మైనారిటీ అభ్యర్ధులు పోస్టు లేదా ఈ మెయిల్‌ ద్వారా దరఖాస్తు చేసుకోవచ్చు.
- ఆఫీస్‌ ఆఫ్‌ ది డిస్ట్రిక్‌ మైనారిటీస్‌ వెల్ఫేర్‌ ఆఫీసర్‌, హైదరాబాద్‌ #606, 6వ ఫ్లోర్‌, హజ్జీ హౌస్‌, ఆపోజిట్‌ పబ్లిక గార్డెన్‌, నాంపల్లి, హైదరాబాద్‌. లేదా
- తెలంగాణ స్టేట్ మైనారిటీస్‌ స్టడీ సర్కిల్‌, 3మ ఫ్లోర్‌, జామియా నిజామియా కాంప్లెక్స్, గన్‌ఫౌండ్రీ, హైదరాబాద్‌ అడ్రస్‌లకు దరఖాస్తులు పోస్టు చేయవచ్చు.
- లేదా coachingforminorities.hyd@gmail.com కు మెయిల్‌ చేయవచ్చు.
Also Read:
Keerthi Suresh: స్పెషల్ డిజైన్‌ చీరలో మెరిసిపోతోన్న కీర్తీ సురేష్‌.. వైరలవుతున్న లేటెస్ట్‌ ఫొటోలు..
