CBSE Schools: సీబీఎస్ఈ విద్యార్థులకు రేడియో పాఠాలు .. త్వరలోనే కమ్యునిటీ స్టేషన్ ఏర్పాటు
సీబీఎస్ఈ తమ విద్యార్థులు, ఉపాధ్యాయులు, ఇతర భాగస్వామ్య పక్షాలకు ఉపయోగపడేలా కమ్యూనిటీ రేడియో స్టేషన్ను ఏర్పాటు చేయనుంది. ఇందుకు సంబంధించిన ప్రతిపాదనలకు ఇటీవల జరిగిన బోర్డు సమావేశంలో ఆమోదం లభించింది. కమ్యూనిటీ రేడియో లైసెన్స్ కోసం దరఖాస్తును సిద్ధం చేయడం, ప్రాసెస్ చేయడం కోసం వాటాదారులు, నిపుణులతో వచ్చే ఆరు నెలల్లో సంప్రదింపుల..
హైదరాబాద్, ఆగస్ట్ 12: సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) తమ విద్యార్థులు, ఉపాధ్యాయులు, ఇతర భాగస్వామ్య పక్షాలకు ఉపయోగపడేలా కమ్యూనిటీ రేడియో స్టేషన్ను ఏర్పాటు చేయనుంది. ఇందుకు సంబంధించిన ప్రతిపాదనలకు ఇటీవల జరిగిన బోర్డు సమావేశంలో ఆమోదం లభించింది. కమ్యూనిటీ రేడియో లైసెన్స్ కోసం దరఖాస్తును సిద్ధం చేయడం, ప్రాసెస్ చేయడం కోసం వాటాదారులు, నిపుణులతో వచ్చే ఆరు నెలల్లో సంప్రదింపుల సమావేశాలు నిర్వహించనున్నట్లు CBSE సీనియర్ అధికారి ఒకరు తెలిపారు. ఇందుకు సంబంధించిన ఆర్థిక చిక్కులను కూడా పరిష్కరించాలని బోర్డు నిర్ణయించిందని అధికారి తెలిపారు.
CBSE ఇప్పటికే శిక్షా వాణి అనే పాడ్కాస్ట్ను నిర్వహిస్తోంది. ఇది 9-12 తరగతుల వివిధ సబ్జెక్టులకు సకాలంలో ఆడియో కంటెంట్ను అందిస్తుంది. CBSE-శిక్షా వాణి ఆండ్రాయిడ్ ఫోన్ వినియోగదారుల కోసం ప్లే స్టోర్లో అందుబాటులో ఉంచింది. శిక్షా వాణి ఇప్పటివరకు NCERT పాఠ్యాంశాలకు అనుగుణంగా సుమారు 400 కంటెంట్ పాడ్కాస్ట్లు అప్లోడ్ చేసింది. కమ్యూనిటీ రేడియో స్టేషన్లో ప్రసారం చేసే కంటెంట్ విధానాలను లైసెన్స్ వచ్చిన తర్వాత సిద్ధం చేస్తామని సీబీఎస్ఈ పేర్కొంది.
కమ్యూనిటీ రేడియో అనేది రేడియో ప్రసారంలో ఒక ముఖ్యమైన మూడవ శ్రేణికి సంబంధించింది. ఇది ప్రజా సేవా రేడియో ప్రసారం, వాణిజ్య రేడియో కంటే భిన్నంగా ఉంటుంది. కమ్యూనిటీ రేడియో స్టేషన్లు తక్కువ-శక్తి రేడియో స్టేషన్లు. వీటిని స్థానిక సంస్థలు ఏర్పాటు చేసి నిర్వహిస్తుంటాయి. ముఖ్యంగా అట్టడుగు వర్గాల ఆరోగ్యం, పోషకాహారం, విద్య, వ్యవసాయం మొదలైన అంశాలపై వారి గళాలను వినిపించడానికి వేదికను అందిస్తుంది. అంతేకాకుండా ఇందులో ప్రసార కార్యక్రమాలు స్థానిక భాషలు, మాండలికాలలో ఉన్నందున ప్రజల మధ్య మరింత అనుసంధానం ఏర్పడే అవకాశం ఉంది. గణాంకాల ప్రకారం దేశ వ్యాప్తంగా ప్రస్తుతం 540 కమిషన్డ్ కమ్యూనిటీ రేడియో స్టేషన్లు ఉన్నాయి. ఈ స్టేషన్లను విద్యా సంస్థలు, NGOలు, సంఘాలు వంటి లాభాపేక్షలేని సంస్థలు నిర్వహిస్తున్నాయి.
మరిన్ని విద్యా, ఉద్యోగ కథనాల కోసం క్లిక్ చేయండి.