AP SSC Hall Tickets 2025 Download: పదోతరగతి పబ్లిక్ పరీక్షల హాల్ టికెట్లు విడుదల.. వాట్సప్లోనూ నేరుగా డౌన్లోడ్!
ఆంధ్రప్రదేశ్లో 2024-25 విద్యా సంవత్సరానికి పదోతరగతి పబ్లిక్ పరీక్షల హాల్ టికెట్లను విద్యాశాఖ విడుదల చేసింది. పరీక్షలకు హాజరయ్యే విద్యార్ధుల మొబైల్ ఫోన్ వాట్సప్ నంబర్లకు నేరుడి హాల్ టికెట్లు జారీ చేసింది. సులువుగా విద్యార్ధులు వీటిని డౌన్లోడ్ చేసుకోవచ్చు. మార్చి 17 నుంచి పబ్లిక్ పరీక్షలు ప్రారంభంకానున్న నేపథ్యంలో ఈ మేరకు పాఠశాల విద్యాశాఖ ఈ పరీక్షల హాల్ టికెట్లను జారీ చేసింది..
అమరావతి, మార్చి 4: ఆంధ్రప్రదేశ్ రాష్ట్ర వ్యాప్తంగా పదోతరగతి పబ్లిక్ పరీక్షలు మార్చి 17 నుంచి ప్రారంభంకానున్న సంగతి తెలిసిందే. తాజాగా పాఠశాల విద్యాశాఖ ఈ పరీక్షల హాల్ టికెట్లను జారీ చేసింది. అయితే ఇంటర్మీడియట్ హాల్ టికెట్ల మాదిరి టెన్త్ హాల్ టికెట్లను కూడా వాట్సప్ ద్వారా డౌన్లోడ్ చేసుకునే సదుపాయం కల్పించినట్లు ప్రభుత్వ పరీక్షల విభాగం డైరెక్టర్ శ్రీనివాసులరెడ్డి ఓ ప్రకటనలో తెలిపారు. వాట్సప్ నంబరు 9552300009 ద్వారా హాయ్ అని మెసేజ్ పెట్టిన తర్వాత సేవలను ఎంచుకొని, హాల్ టికెట్ పొందవచ్చని ఆయన సూచించారు. అలాగే పాఠశాల లాగిన్ ద్వారా అధికారిక వెబ్సైట్ నుంచి కూడా హాల్టికెట్లు పొందవచ్చని తెలిపారు. కొన్ని ప్రైవేటు పాఠశాలలు ఫీజు చెల్లించలేదని హాల్ టికెట్లు నిలిపివేస్తున్నట్లు గతంలో పలుమార్లు ఫిర్యాదులు అందాయి. ఈసారి ఈ పరిస్థితి రాకుండా ఉండేందుకు ప్రభుత్వం నేరుగా విద్యార్ధుల మొబైల్ ఫోన్లకు నేరుగా హాల్ టికెట్లను పంపించి, అందుబాటులోకి తీసుకువచ్చింది.
కాగా షెడ్యూల్ ప్రకారం పదో తరగతి పబ్లిక్ పరీక్షలు మార్చి 17 నుంచి 31వ తేదీ వరకు జరగనున్న సంగతి తెలిసిందే. ఈ మేరకు ఇప్పటికే విద్యాశాఖ పదో తరగతి పబ్లిక్ పరీక్షల షెడ్యూల్ను విడుదల చేసింది. ఆయా తేదీల్లో ఉదయం 9.30 గంటల నుంచి మధ్యాహ్నం 12.45 గంటల వరకు పదో తరగతి పరీక్షలు జరుగుతాయి. సైన్స్ పేపర్లకైతే ఉదయం 9.30 గంటల నుంచి 11.30 గంటల వరకు పరీక్షలు జరుగుతాయి.
ఏపీ టెన్త్ 2024 పబ్లిక పరీక్షల పూర్తి షెడ్యూల్ ఇదే..
- మార్చి 17, 2025 (సోమవారం) ఫస్ట్ ల్యాంగ్వేజ్, ఫస్ట్ ల్యాంగ్వేజ్ పేపర్ 1 పరీక్ష
- మార్చి 19, 2025 (బుధవారం) సెకండ్ ల్యాంగ్వేజ్ పరీక్ష
- మార్చి 21, 2025 (సోమవారం) ఇంగ్లిష్ పరీక్ష
- మార్చి 22, 2025 (శుక్రవారం) ఫస్ట్ ల్యాంగ్వేజ్ పేపర్ 2, OSSC మెయిన్ ల్యాంగ్వేజ్ పేపర్ 1
- మార్చి 24, 2025 (సోమవారం) మ్యాథమెటిక్స్ పరీక్ష
- మార్చి 26, 2025 (బుధవారం) ఫిజికల్ సైన్స్ పరీక్ష
- మార్చి 28, 2025 (శుక్రవారం) బయోలాజికల్ సైన్స్ పరీక్ష
- మార్చి 29, 2025 (శనివారం) OSSC మెయిన్ ల్యాంగ్వేజ్ పేపర్ 2, SSC ఒకేషన్ కోర్సు
- మార్చి 31 లేదా ఏప్రిల్ 1, 2025 (సోమవారం లేదా మంగళవారం) సోషల్ స్టడీస్ పరీక్ష
మరిన్ని విద్యా, ఉద్యోగ వార్తల కోసం క్లిక్ చేయండి.