Zomato: జొమాటోకు పెద్ద దెబ్బ.. కంపెనీ సహ వ్యవస్థాపకుడు గుంజన్ పాటిదార్ రాజీనామా

ఫుడ్ డెలివరీ ప్లాట్‌ఫామ్ జొమాటో సహ వ్యవస్థాపకుడు, చీఫ్ టెక్నాలజీ ఆఫీసర్ గుంజన్ పాటిదార్ రాజీనామా చేశారు. కంపెనీ కోసం కోర్ టెక్ సిస్టమ్‌లను రూపొందించిన మొదటి కొద్దిమంది..

Zomato

Subhash Goud |
Updated on: Jan 03, 2023 | 5:55 AM

ఫుడ్ డెలివరీ ప్లాట్‌ఫామ్ జొమాటో సహ వ్యవస్థాపకుడు, చీఫ్ టెక్నాలజీ ఆఫీసర్ గుంజన్ పాటిదార్ రాజీనామా చేశారు. కంపెనీ కోసం కోర్ టెక్ సిస్టమ్‌లను రూపొందించిన మొదటి కొద్దిమంది జొమాటో ఉద్యోగులలో పాటిదార్ ఒకరు. గత 10 సంవత్సరాలకు పైగా అతను సాంకేతిక నాయకత్వ బృందాన్ని ఏర్పాటు చేశారు. గుంజన్ పాటిదార్ జొమాటోతో సుమారు 14 సంవత్సరాలు పనిచేశాడు. అతను ఇండియన్ ఇన్‌స్టిట్యూట్ ఆఫ్ టెక్నాలజీ, ఢిల్లీ (IIT) విద్యార్థి. స్టాక్ మార్కెట్‌కు ఇచ్చిన సమాచారంలో ‘కంపెనీని ముందుకు తీసుకెళ్లడంలో అతని సహకారం అమూల్యమైనదని జొమాటో పేర్కొంది. అయితే ఆయన రాజీనామాకు గల కారణాలను కంపెనీ వెల్లడించలేదు.

గతంలో కూడా చాలా మంది రాజీనామా చేశారు

గతేడాది నవంబర్‌లో కంపెనీకి చెందిన మరో సహ వ్యవస్థాపకుడు మోహిత్ గుప్తా రాజీనామా చేశారు. గుప్తా నాలుగున్నరేళ్ల క్రితం జొమాటోలో చేరారు. అతను కంపెనీ ఆహార పంపిణీ వ్యాపారం సీఈవో పదవి నుండి 2020లో సహ వ్యవస్థాపకుడిగా పదోన్నతి పొందాడు. గతేడాది న్యూ ఇనిషియేటివ్స్ హెడ్‌గా ఉన్న రాహుల్ గంజు కంపెనీకి రాజీనామా చేశారు. ఇది కాకుండా మాజీ వైస్ ప్రెసిడెంట్-ఇంటర్‌సిటీ చీఫ్ సిద్ధార్థ్ ఝవార్, సహ వ్యవస్థాపకుడు గౌరవ్ గుప్తా కూడా కంపెనీని విడిచిపెట్టారు.

టెక్ స్టాక్‌ల క్షీణత మధ్య, ఫుడ్ డెలివరీ కంపెనీ 2022లో మార్కెట్ నష్టాలను చవిచూసింది. ఎందుకంటే బీఎస్‌ఈలో దాని షేర్ ధర రూ.162 గరిష్ట స్థాయి నుండి 50 శాతానికి పైగా పడిపోయింది. సోమవారం ఈ షేరు రూ.60.30 వద్ద ముగిసింది. 2022-23 ఆర్థిక సంవత్సరం రెండవ త్రైమాసికంలో జొమాటో నికర నష్టం రూ. 250.8 కోట్లుగా ఉంది. గత ఏడాది ఇదే త్రైమాసికంలో రూ. 434.9 కోట్లుగా ఉంది. కంపెనీ ఆదాయం 62.20 శాతం పెరిగి రూ.1,661.3 కోట్లకు చేరుకుంది. దీని త్రైమాసిక విక్రయాలు ఏడాది ప్రాతిపదికన 22 శాతం వృద్ధి చెంది Q2FY22లో రూ.5,410 కోట్ల నుంచి Q2FY23లో రూ.6,631 కోట్లకు పెరిగాయి.

ఇవి కూడా చదవండి