Property Transfer: వీలునామా లేకపోతే ఆస్తి బదిలీ కుదరదా? అసలు నిబంధనలు ఏంటంటే?
సాధారణంగా సంపాదించిన ఆస్తులతో పాటు ఇతర ఆస్తులు ప్రతి ఒక్కరూ తమ వారసులకు చెందాలని కోరుకుంటూ ఉంటారు. కొంత మంది యజమానులు ముందు చూపుతో వీలునామా రాయించి తమ ఆస్తులు ఎవరికి చెందాలో? పేర్కొంటూ ఉంటారు. మరికొంత మంది తమ తదనానంతరం వారసులకు చెందాలని ఎలాంటి వీలునామా రాయరు. అయితే ఈ ఆస్తులు వారసులకు ఎలా చెందుతాయో? మరిన్ని వివరాలను తెలుసకుందాం.
Updated on: Jun 21, 2025 | 3:15 PM
అందరు తల్లిదండ్రులు తమ పిల్లల కోసం ఆస్తిని కూడబెట్టుకుంటారు. అయితే వారి మరణం తర్వాత ఆస్తులను ఎలా విభజించాలో స్పష్టంగా పేర్కొనడానికి వీలునామా రాస్తారు. వీలునామా అమలులో ఉన్నప్పుడు ఆస్తిని వారసుల మధ్య తదనుగుణంగా పంపిణీ చేస్తారు. ఇది కుటుంబంలో వివాదాలు, న్యాయ సంబంధిత పోరాటాలను నివారించడానికి సహాయపడుతుంది. అయితే కొంతమంది వీలునామా రాయకుండానే మరణిస్తారు. దీని వల్ల కుమారులు, కుమార్తెల మధ్య వారసత్వంతో పాటు ఆస్తి విభజన గురించి ప్రశ్నలు తలెత్తుతాయి. కుమార్తెలు, వివాహితులు లేదా అవివాహితులు అయినా వారసులందరికీ వారి తండ్రి స్వయంగా సంపాదించిన ఆస్తిలో చట్టబద్ధమైన వాటా ఉంటుందని నిపుణులు చెబుతున్నారు. హిందూ వారసత్వ (సవరణ) చట్టం, 2005 ప్రకారం కుమార్తెలు తమ తండ్రి ఆస్తిలో కుమారులతో సమాన హక్కులను కలిగి ఉంటారు. తండ్రి లేదా కుమార్తెకు సంబంధించిన వైవాహిక స్థితితో సంబంధం లేకుండా ఈ చట్టం వర్తిస్తుంది.
ఒకవేళ తండ్రి వీలునామా రాయకుండా మరిణిస్తే పిల్లలను హిందూ వారసత్వ చట్టం ప్రకారం క్లాస్ 1 చట్టపరమైన వారసులుగా పరిగణిస్తారు.అ లాగే వారి తండ్రి స్వయంగా సంపాదించిన ఆస్తిలో సమాన వాటాకు అర్హులు. ఈ సమాన హక్కు కుమారులు, కుమార్తెలు ఇద్దరికీ వర్తిస్తుంది. అయితే తండ్రి వీలునామా రాసి తన ఆస్తిని వేరొకరికి వారసత్వంగా ఇస్తే పిల్లలు ఆ స్వయంగా సంపాదించిన ఆస్తిలో వాటాను క్లెయిమ్ చేయలేరు. పూర్వీకుల ఆస్తి విషయంలో వీలునామాతో సంబంధం లేకుండా అన్ని చట్టపరమైన వారసులకు సమాన హక్కులు ఉంటాయి. భవిష్యత్తులో ఆస్తి వివాదాలను నివారించడానికి చాలా మంది తమ జీవితకాలంలో ఎవరికి ఏమి వస్తుందో స్పష్టంగా నిర్వచించే వీలునామా రాయడానికి ఎంచుకుంటారు.
కొన్ని సందర్భాల్లో, తల్లిదండ్రులు తమ జీవితకాలంలో తమ ఆస్తులను పిల్లలకు బహుమతిగా ఇవ్వడంతో పాటు నగలు లేదా డబ్బును పంచడానికి ఇష్టపడతారు. ముఖ్యంగా తమ వివాహిత కుమార్తెలకు ఇల్లు లేదా భూమితో సహా సంపదలో న్యాయమైన వాటాను ఇవ్వాలని కోరుకునే తల్లుల్లో ఇది సర్వసాధారణం. వారు జీవించి ఉన్నప్పుడు వారిపై ఉన్న అవిభాజ్య ప్రేమకు చిహ్నంగా ఇలా చేయాలరని కోరుకుంటూ ఉంటారు. విడాకులు తీసుకున్న స్త్రీకి పుట్టిన బిడ్డకు ఆ స్త్రీ మాజీ భర్త పూర్వీకుల ఆస్తిపై ఏదైనా హక్కు ఉందా? అనేది సాధారణంగా అడిగే ప్రశ్న అందరికీ ఉంటుంది. అయితే హిందూ వారసత్వ చట్టం ప్రకారం ప్రత్యక్ష వారసులకు పూర్వీకుల ఆస్తిపై చట్టపరమైన హక్కు ఉంటుంది. మాజీ భర్త తిరిగి వివాహం చేసుకుని ఎక్కువ మంది పిల్లలను కలిగి ఉన్నప్పటికీ మొదటి వివాహం ద్వారా పుట్టిన బిడ్డకు వారి పూర్వీకుల ఆస్తిపై వారి చట్టపరమైన హక్కు ఉంటుందని నిపుణులు చెబుతున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
