Home Loan: మీరు హోమ్ లోన్ తీసుకుంటున్నారా? తక్కువ వడ్డీకి రుణాలు అందించే బ్యాంకులు!
Home Loan: మీరు గృహ రుణం తీసుకోవాలని ప్లాన్ చేస్తుంటే మీకు మంచి అవకాశం ఉంది. అనేక బ్యాంకులు తక్కువ వడ్డీకే రుణాలను అందిస్తున్నాయి. వీటిలో సెంట్రల్ బ్యాంక్ ఆఫ్ ఇండియా, బ్యాంక్ ఆఫ్ బరోడా, పంజాబ్ నేషనల్ బ్యాంక్, కెనరా బ్యాంక్, ఇండియన్ బ్యాంక్ ఉన్నాయి. ఈ బ్యాంకులు SBI కంటే చౌకైన గృహ రుణాలను అందిస్తున్నాయి..
Updated on: Feb 26, 2025 | 7:20 PM
మీరు లోన్ మీద ఇల్లు కొనాలని ప్లాన్ చేస్తుంటే మీకో శుభవార్త ఉంది. దేశంలోని 5 నుండి 6 ప్రభుత్వ రంగ బ్యాంకుల కంటే చౌకగా గృహ రుణాలు ఇస్తున్నాయి. చౌకగా ఇల్లు కొనడానికి మీకు మంచి అవకాశం ఉంది. ఇటీవల రిజర్వ్ బ్యాంక్ ఆఫ్ ఇండియా (RBI) రెపో రేటును 0.25 శాతం తగ్గించిన తర్వాత ఈ బ్యాంకులు వడ్డీ రేట్లను తగ్గించాయి.
ప్రభుత్వ రంగ స్టేట్ బ్యాంక్ ఆఫ్ ఇండియా (SBI) గృహ రుణాలపై ఫ్లోటింగ్ రేటును 0.25 శాతం తగ్గించింది. ఇప్పుడు 8.25 శాతం వడ్డీకి గృహ రుణం ఇస్తోంది. ఎస్బీఐ ఈ ఫ్లోటింగ్ రేటు ప్రైవేట్ రంగ హెచ్డీఎఫ్సీ, ఐసీఐసీఐ బ్యాంక్ ప్రారంభ రేట్ల కంటే చౌకైనది. అదే సమయంలో ప్రైవేట్ రంగంలోని హెచ్డీఎఫ్సీ బ్యాంక్, యాక్సిస్ బ్యాంక్, కోటక్ మహీంద్రా బ్యాంక్, ఐసీఐసీఐ బ్యాంక్ 8.75 శాతం వడ్డీ రేటుకు గృహ రుణాలను అందిస్తున్నాయి.
స్టేట్ బ్యాంక్ కంటే తక్కువ ధరలకు గృహ రుణాలు అందిస్తున్న బ్యాంకులు చాలా ఉన్నాయి. బ్యాంకుల వెబ్సైట్లో అందుబాటులో ఉన్న డేటా ప్రకారం.. ఫిబ్రవరి 2025 నాటికి ఎస్బీఐ కంటే తక్కువ ధరలకు గృహ రుణాలను అందిస్తున్న బ్యాంకులు కనీసం 6 ఉన్నాయి. ఈ బ్యాంకులలో ప్రభుత్వ రంగ యూనియన్ బ్యాంక్ ఆఫ్ ఇండియా కూడా ఉంది. ఈ బ్యాంకు 8.1 శాతం వార్షిక వడ్డీ రేటుకు గృహ రుణం అందిస్తోంది. యూనియన్ బ్యాంక్ ఆఫ్ ఇండియా నుండి 20 సంవత్సరాలకు రూ.50 లక్షల గృహ రుణం తీసుకుంటే, నెలవారీ ఈఎంఐ రూ.42,133 అవుతుంది.
అదేవిధంగా సెంట్రల్ బ్యాంక్ ఆఫ్ ఇండియా 8.1 శాతం వార్షిక వడ్డీ రేటుకు గృహ రుణాలను అందిస్తోంది. ఇది కాకుండా ప్రభుత్వ రంగ బ్యాంక్ ఆఫ్ బరోడా, పంజాబ్ నేషనల్ బ్యాంక్, కెనరా బ్యాంక్, ఇండియన్ బ్యాంక్ కూడా 8.15 శాతం వడ్డీ రేటుకు గృహ రుణాలు ఇస్తున్నాయి. అంటే మీరు 20 సంవత్సరాలకు రూ.50 లక్షల గృహ రుణం తీసుకుంటే, నెలవారీ ఈఎంఐ రూ.42,289 అవుతుంది.
ప్రైవేట్ బ్యాంకుల రేటు ఎంత?
అదే సమయంలో ప్రైవేట్ రంగంలోని HDFC బ్యాంక్, యాక్సిస్ బ్యాంక్, కోటక్ మహీంద్రా బ్యాంక్, ICICI బ్యాంక్ 8.75 శాతం వడ్డీ రేటుకు గృహ రుణాలను అందిస్తున్నాయి. ఈ రేటు ప్రకారం, మీరు 20 సంవత్సరాలకు రూ.50 లక్షల రుణం తీసుకుంటే నెలవారీ ఈఎంఐ రూ.44,185 అవుతుంది. బ్యాంక్ అందించే తుది గృహ రుణ రేటు కస్టమర్ క్రెడిట్ స్కోర్ను బట్టి మారుతుందని గుర్తించుకోండి.
మరిన్ని బిజినెస్ వార్తల కోసం ఇక్కడ క్లిక్ చేయండి
