Signature Loan: సిగ్నేచర్ లోన్.. ! కేవలం ఒక సంతకంతో మీ ఖాతాకు డబ్బు బదిలీ అవుతుంది..!
సిగ్నేచర్ లోన్స్‌ అనేవి.. గుడ్‌విల్ లోన్‌లు లేదా అర్హత కలిగిన రుణాలు అని కూడా అంటారు. ఒక్కమాటలో చెప్పాలంటే.. ఇది కూడా ఒక రకమైన వ్యక్తిగత రుణం(పర్సనల్‌లోన్‌) అని చెప్పాలి. బ్యాంకులు ఎలాంటి పూచీకత్తు లేకుండా ఈ రుణాలను అందజేస్తాయి. దీని వడ్డీ రేటు గృహ రుణం, వ్యక్తిగత రుణం, విద్యా రుణం కంటే ఎక్కువగా ఉంటుంది. అయినప్పటికీ, దాని వడ్డీ రేటు క్రెడిట్ కార్డ్ వడ్డీ రేటు కంటే తక్కువగా ఉంటుంది.
Updated on: Sep 20, 2023 | 8:41 AM
మీరు హోమ్ లోన్ , ఎడ్యుకేషన్ లోన్ , పర్సనల్ లోన్, గోల్డ్ లోన్ గురించి వినే ఉంటారు. మనలో చాలామంది గృహ రుణం లేదా వ్యక్తిగత రుణం తీసుకుని కూడా ఉంటారు. ఇల్లు లేదా వ్యక్తిగత రుణం పొందాలంటే అనేక ఇబ్బందులు పడాల్సి వస్తుంది. మీ క్రెడిట్ స్కోర్ బాగుంటే, మీ ఆదాయం కూడా స్థిరంగా ఉంటే, బ్యాంకు లోన్ అప్రూవల్‌ ఈజీగానే వస్తుంది.. ఇక బ్యాంక్ లోన్ తీసుకోవాలంటే.. కొన్ని డాక్యుమెంట్లు, ఐడీ ప్రూఫ్‌లను బ్యాంకులో డిపాజిట్ చేయాల్సి ఉంటుంది. కానీ, సిగ్నేచర్ లోన్ విషయంలో అటువంటి ఇబ్బందిని ఎదుర్కోవాల్సిన అవసరం లేదు. ఇది ఒక వ్యక్తి సంతకంపై బ్యాంకు ఇస్తున్న భిన్నమైన రుణం. ఇక్కడ విశేషమేమిటంటే, చాలా మంది సిగ్నేచర్ లోన్ అనే పేరు కూడా వినలేదు. గృహ రుణం, వ్యక్తిగత రుణం, విద్యా రుణాల గురించి చాలా మందికి తెలుసు. కానీ, సిగ్నేచర్ రుణాలను కూడా బ్యాంకులు నిర్వహిస్తాయి. సిగ్నేచర్ లోన్ తీసుకోవడానికి ఒకరు దానిపై సంతకం చేస్తే చాలు, లోన్ మొత్తం అతని ఖాతాకు బదిలీ చేయబడుతుంది. కాబట్టి సిగ్నేచర్ లోన్ అంటే ఏమిటి..? ఈ లోన్ ఎలాంటి వ్యక్తులు పొందుతారో తెలుసుకుందాం.
సిగ్నేచర్ లోన్.. వడ్డీ రేట్లు కూడా తక్కువే..
సిగ్నేచర్ లోన్స్‌ అనేవి.. గుడ్‌విల్ లోన్‌లు లేదా అర్హత కలిగిన రుణాలు అని కూడా అంటారు. ఒక్కమాటలో చెప్పాలంటే.. ఇది కూడా ఒక రకమైన వ్యక్తిగత రుణం(పర్సనల్‌లోన్‌) అని చెప్పాలి. బ్యాంకులు ఎలాంటి పూచీకత్తు లేకుండా ఈ రుణాలను అందజేస్తాయి. దీని వడ్డీ రేటు గృహ రుణం, వ్యక్తిగత రుణం, విద్యా రుణం కంటే ఎక్కువగా ఉంటుంది. అయినప్పటికీ, దాని వడ్డీ రేటు క్రెడిట్ కార్డ్ వడ్డీ రేటు కంటే తక్కువగా ఉంటుంది.
రుణం ఎవరికి వస్తుంది..?
సిగ్నేచర్ లోన్ అతిపెద్ద ప్రయోజనం ఏంటంటే, ఈ రుణాన్ని మంజూరు చేయడానికి ముందు బ్యాంక్ కస్టమర్ క్రెడిట్ లిస్ట్‌ చెక్‌ చేస్తుంది. మీ క్రెడిట్ స్కోరు 580 నుంచి 700 వరకు ఉండాలి. అలాగే నెలవారీ పేమెంట్లు చేసేందుకు తగినంత ఆదాయం పొందుతూ ఉండాలి. లోన్ తప్పక చెల్లిస్తానని మీరు హామీ ఇవ్వాలి. రుణగ్రహీత రుణాన్ని సులభంగా తిరిగి చెల్లిస్తాడని బ్యాంకు పూర్తిగా నమ్మకంతో ఉన్నప్పుడే, బ్యాంక్ లోన్ పాస్ చేస్తుంది. అదే సమయంలో, సిగ్నేచర్ లోన్ మంజూరు చేయడానికి ముందు బ్యాంకు చాలాసార్లు సాక్షి సంతకాన్ని కూడా తీసుకుంటుంది. అయితే, రుణం మంజూరు చేసిన తర్వాత, రుణగ్రహీత EMI చెల్లించనప్పుడు బ్యాంకు గ్యారంటర్‌ను అడుగుతుంది.
మరిన్ని బిజినెస్ న్యూస్ కోసం క్లిక్ చేయండి..
