FD interest rates: ఎఫ్‌డీలపై అత్యధిక వడ్డీ కావాలా..? ఆ బ్యాంకులు ఆఫర్ చేసే వడ్డీ ఎంతంటే..?

పెట్టుబడిదారులకు ఏమాత్రం రిస్క్ లేకుండా రాబడి అందిస్తాయి. ప్రభుత్వ, ప్రైవేటు సెక్టార్ లోని అన్ని బ్యాంకులు ఎఫ్ డీలను అమలు చేస్తున్నాయి. అయితే వీటిపై వడ్డీ రేట్లు మాత్రం మారుతూ ఉంటాయి. కోటి రూపాయల లోపు డిపాజిట్లపై వివిధ బ్యాంకులు అందించే వడ్డీరేట్లు ఇలా ఉన్నాయి.

ప్రైవేటు బ్యాంకులు

• యాక్సిస్ బ్యాంకులో ఏడాది ఎఫ్ డీలపై 6.70 శాతం, మూడేళ్ల కాలపరిమితి కలిగిన వాటిపై 7.10 శాతం, 5 ఏళ్ల వాటిపై 7 శాతం వడ్డీని అందిస్తున్నారు. అలాగే 15 నెలల నుంచి 2 ఏళ్ల లోపు వాటిపై అత్యధికంగా 7.25 శాతం వడ్డీ ఉంటుంది.
• బంధన్ బ్యాంకులో ఏడాది ఎఫ్ డీలపై 8.05 శాతం, మూడేళ్ల వాటిపై 7.25 శాతం, ఐదేళ్ల కు 5.85 శాతం వడ్డీ ఇస్తున్నారు.
• డీసీబీ బ్యాంకులో ఏడాదికి 7.10 శాతం, మూడేళ్లకు 7.55 శాతం, ఐదేళ్లకు 7.40 శాతం వడ్డీరేటు అమలు చేస్తున్నారు. అలాగే 19 నుంచి 20 నెలల డిపాజిట్లపై అత్యధికంగా 8.05 శాతం వడ్డీ ఇస్తున్నారు.
• హెచ్ డీఎఫ్ సీ బ్యాంకులో ఎఫ్ డీలపై వివిధ రకాల వడ్డీరేట్లు అమల్లో ఉన్నాయి. ఏడాదికి 6.60 శాతం, మూడేళ్లకు 7 శాతం, ఐదేళ్లకు 7 శాతం అందిస్తున్నారు. 55 నెలల డిాపాజిట్లపై అత్యధికంగా 7.40 శాతం వడ్డీరేటు అమలవుతుంది.
• ఇండస్ ఇండ్ బ్యాంకులో ఏడాదికి 7.75 శాతం, మూడేళ్లకు 7.25 శాతం, ఐదేళ్లకు 7.25 శాతం వడ్డీరేట్లు అమల్లో ఉన్నాయి.
• ఆర్బీఎల్ బ్యాంకులో ఏడాదికి 7.50 శాతం, మూడేళ్లకు 7.50 శాతం, ఐదేళ్లకు 7.10 శాతం వడ్డీరేట్లు అందిస్తున్నారు.

ప్రభుత్వ రంగ బ్యాంకులు

• బ్యాంకు ఆఫ్ బరోడాలో ఎఫ్ డీలపై ఏడాదికి 6.85 శాతం, మూడేళ్లకు 7.15 శాతం, ఐదేళ్లకు 6.80 శాతం వడ్డీ రేటు అమల్లో ఉంది. 400 రోజుల బాబ్ ఉత్సవ్ డిపాజిట్లపై అత్యధికంగా 7.30 శాతం వడ్డీని అందిస్తున్నారు.
• బ్యాంకు ఆఫ్ మహారాష్ట్రలో ఏడాది ఎఫ్ డీలపై 6.75 శాతం, మూడేళ్లకు 6.50 శాతం, ఐదేళ్లకు 6.50 శాతం వడ్డీరేట్లు అందిస్తున్నారు. 333 రోజుల డిపాజిట్లకు అత్యధికంగా 7.40 శాతం వడ్డీరేటు అమలు చేస్తున్నారు.
• సెంట్రల్ బ్యాంకు ఆఫ్ ఇండియాలో ఫిక్స్ డ్ డిపాజిట్లపై ఏడాదికి 6.85 శాతం, మూడేళ్లకు 6.75 శాతం, ఐదేళ్లకు 6.50 శాతం వడ్డీరేట్లు అమలవుతున్నాయి. 444 రోజుల డిపాజిట్లకు అత్యధికంగా 7.45 శాతం ఇస్తున్నారు.
• పంజాబ్ నేషనల్ బ్యాంకులో ఏడాదికి 6.80 శాతం, మూడేళ్లకు 7 శాతం, ఐదేళ్లకు 6.50 శాతంతో పాటు 7.25 శాతం అత్యధిక వడ్డీరేటును 400 రోజుల డిపాజిట్లపై అమల్లో ఉంది.
• యూనియన్ బ్యాంకు ఆఫ్ ఇండియాలో ఏడాదికి 6.80 శాతం, మూడేళ్లకు 6.70 శాతం, ఐదేళ్ల కు 6.50 శాతం వడ్డీరేటు ఇస్తున్నారు. 333 రోజుల డిపాజిట్లపై అత్యధికంగా 7.40 శాతం వడ్డీరేటు అమలవుతోంది.

మరిన్ని బిజినెస్ వార్తల కోసం ఇక్కడ క్లిక్ చేయండి