Aadhaar Update: మీకు ఆధార్‌ కార్డు ఉందా..? ఈ కీలక అప్‌డేట్‌ తెలుసుకోవాల్సిందే

Aadhaar Card

ప్రస్తుతం డాక్యుమెంట్లలో ముఖ్యమైనది ఆధార్‌. ఇది లేనిది ఏ పని జరగదు. ప్రతి చిన్న పనికి ఆధార్‌ కార్డు కావాల్సిందే. సిమ్‌ కార్డు తీసుకున్న దగ్గర నుంచి బ్యాంకు ఖాతా వరకు, అలాగే ప్రభుత్వ, ప్రైవేటు స్కీమ్‌లకు ఆధార్‌ కావాల్సిందే. దీంతో ఆధార్‌ సంస్థ యూఐడీఏఐ కీలక విషయాలను జారీ చేస్తుంటుంది. మోసాలను నివారించే దగ్గర నుంచి ఇతర అప్‌డేట్‌ల వరకు అన్ని విషయాలను తెలియజేస్తుంటుంది. ఆధార్ జారీ చేసే సంస్థ యూఐడీఏఐ బయోమెట్రిక్ అప్‌డేట్‌కు సంబంధించి కీలక సమాచారాన్ని వెల్లడించింది. యూఐడీఏఐ నుండి అందిన సమాచారం ప్రకారం.. అన్ని రాష్ట్రాలు దాని అధికారిక పరిధిని పెంచాలని కోరింది. ప్రతి 10 సంవత్సరాలకు ఒకసారి ప్రతి ఒక్కరూ తమ ఆధార్, బయోమెట్రిక్‌లను అప్‌డేట్ చేసేలా ప్రోత్సహించాలని యూఐడీఏఐ తెలిపింది. తద్వారా ప్రతి ఒక్కరూ తమ ఆధార్‌ను అప్‌డేట్‌గా ఉంచుకుంటారు. అయితే, ఇలా చేయడం ఎవరి బలవంతం కాదని కూడా తెలిపింది. ఇలా చేయడం వల్ల వినియోగదారుని తాజా వివరాలు అప్‌డేట్‌ అవుతాయని తెలిపింది.

ఇలా చేయడం ద్వారా ఫేక్ బేసిస్ కూడా అరికట్టబడుతుందని, అలాగే ప్రతి ఒక్కరి డేటా కూడా పూర్తిగా భద్రంగా ఉంటుంద యూఐడీఏఐ డేటా సెక్యురిటీ తెలిపింది. జారీ చేసిన నోటిఫికేషన్ ప్రకారం.. ఏ వ్యక్తి అయినా ఎంపిక చేసుకున్న ప్రతి పదేళ్లకు బయోమెట్రిక్స్, డెమోగ్రాఫిక్ వివరాలను అప్‌డేట్ చేయవచ్చు. ప్రస్తుతం ఇందుకు సంబంధించి ఎలాంటి నిబంధనలు జారీ చేయలేదు. ఇది ప్రస్తుతం ఒక రకమైన సలహా మాత్రమే అని పేర్కొంది.

ప్రతి ఒక్కరికీ ఆధార్ అప్‌డేట్ అవసరం..

మీరు ఇప్పుడు కేంద్రాన్ని సందర్శించడం ద్వారా మీ ఆధార్ కార్డ్‌ని అప్‌డేట్‌ చేసుకోవచ్చు. ఎందుకంటే ఈ రోజుల్లో ఆధార్ కార్డ్ ప్రతిచోటా అవసరం. మీరు కేవైసీ పూర్తి చేయాలనుకుంటే ఏదైనా ప్రభుత్వ పని కోసం దరఖాస్తు చేసుకోవాలనుకుంటే, ఆధార్ కార్డ్ గురించి సరైన సమాచారాన్ని కలిగి ఉండటం ముఖ్యం. కేవైసీ లేకపోతే అనేక ఇబ్బందులు ఎదుర్కొవాల్సి ఉంటుంది. అలాగే ఆన్‌లైన్‌లో my Aahdaar పోర్టల్‌ను సందర్శించడం ద్వారా కూడా మీ ఆధార్‌ను అప్‌డేట్‌ చేసుకోవచ్చు. లేకపోతే మీ సమీపంలో ఉన్న మీ సేవా కేంద్రాల ద్వారా కూడా చేసుకోవచ్చని యూఐడీఏఐ తన ప్రకటనలో తెలిపింది.

మరిన్ని బిజినెస్ న్యూస్ కోసం ఇక్కడ క్లిక్ చేయండి