Tomato Price Hike: సామాన్యులకి షాక్‌ ఇస్తున్న టమోట..రోజు రోజుకి ధరల పెరుగదల.. కారణం ఏంటంటే..?
Tomato Price Hike: పెరుగుతున్న కూరగాయల ధరల నుంచి ప్రజలకు ఊరట లభించేలా కనిపించడం లేదు. నిమ్మకాయ తర్వాత ఇప్పుడు టమాటా ధర ఆకాశాన్ని తాకుతోంది.
Tomato Price Hike: పెరుగుతున్న కూరగాయల ధరల నుంచి ప్రజలకు ఊరట లభించేలా కనిపించడం లేదు. నిమ్మకాయ తర్వాత ఇప్పుడు టమాటా ధర ఆకాశాన్ని తాకుతోంది. వాస్తవానికి టమోటాల ఉత్పత్తిలో క్షీణత ఉంది. దీనికి కారణం విరిగిన అబ్సోలుటా అనే కీటకం. గత మూడేళ్లుగా టమాటా పంటపై దాడి చేస్తోంది. దీనివల్ల పంట దిగుబడి తగ్గుతోంది. దీంతో మార్కెట్‌లో టమాట ధరలు మండిపోతున్నాయి. ముంబైలోని కూరగాయల మార్కెట్లలో టమాటా ధర కిలో 70 నుంచి100 రూపాయలకు చేరుకుంది. ఈ సీజన్‌లో సాధారణంగా టమాటా కిలో రూ.20 నుంచి 30 ఉండాలి. కానీ మార్కెట్లకి టమోటా రాక తగ్గడంతో ధరలు పెరుగుతున్నాయి. ఒకవైపు ఉల్లి ధరలు తగ్గుముఖం పడుతుండగా మరోవైపు టమాటా ధరలు పెరుగుతున్నాయి.
మహారాష్ట్ర, ఆంధ్రప్రదేశ్, మధ్యప్రదేశ్‌లలో టమాటా ఎక్కువగా పండిస్తారు. ప్రస్తుతం మార్కెట్‌లో టమాటాల రాక చాలా తక్కువగా ఉందని మార్కెట్‌ నిపుణులు చెబుతున్నారు. కేవలం 20 నుంచి 25 టమోటా బండ్లు మాత్రమే వస్తున్నాయి. దీంతో కిలో టమోట రూ.60 నుంచి 70 పలుకుతోంది. రాబోయే కాలంలో వినియోగదారులు టమాటా కోసం మరింత డబ్బు ఖర్చు చేయాల్సి ఉంటుందని మార్కెట్‌ నిపుణుల అంచనా. అబ్సోలుటా అనే కీటకం వల్ల చాలామంది రైతులు టమోట పండించడం లేదు. దాదాపు అన్ని మండీలలో టమోట రాక తక్కువగా ఉంది. వ్యవసాయ శాఖ తగిన చర్యలు తీసుకోపోతే రానున్న కాలంలో టమోటని పండించడానికి ఎవరూ సాహసం చేయకపోవచ్చు.
మరోవైపు అకాల వర్షాల కారణంగా పంటలు నాశనమవుతాయి. భారతదేశంలో ప్రతి సంవత్సరం సుమారు 191 లక్షల టన్నుల టమోటాలు ఉత్పత్తి అవుతాయి. దేశంలో 7.89 లక్షల హెక్టార్ల విస్తీర్ణంలో టమోటాను సాగు చేస్తారు. టమోటా దిగుబడి హెక్టారుకు 25 టన్నులు. ఇంత మంచి సాగు ఉన్నప్పటికీ వర్షం కారణంగా ఉత్పత్తిపై ప్రభావం కనిపిస్తుంది. ప్రపంచంలో టమోటాల ఉత్పత్తిలో భారతదేశం రెండో స్థానంలో ఉంది. చైనా మొదటి స్థానంలో ఉంది. గరిష్ట ఉత్పత్తి ఉన్నప్పటికీ సీజనల్ పరిస్థితుల కారణంగా ధరలలో మార్పు గమనించవచ్చు. ఇది దాదాపు ప్రతి సంవత్సరం జరుగుతుంది.
మరిన్ని వ్యవసాయ వార్తల కోసం ఇక్కడ క్లిక్ చేయండి