SBI Interest Rate: వినియోగదార్లకు ఎస్బీఐ షాక్.. వడ్డీ రేటును పెంచిన బ్యాంక్.. ఎంత పెరిగిందంటే..
స్టేట్ బ్యాంక్ ఆఫ్ ఇండియా వడ్డీ రేటును పెంచుతూ నిర్ణయం తీసుకుంది. కొత్త రేట్లు బుధవారం నుంచి అమల్లోకి వచ్చాయి.
SBI Interest Rate: స్టేట్ బ్యాంక్ ఆఫ్ ఇండియా వడ్డీ రేటును పెంచుతూ నిర్ణయం తీసుకుంది. కొత్త రేట్లు బుధవారం నుంచి అమల్లోకి వచ్చాయి. ఇప్పుడు కొత్త వడ్డీ రేట్లు 0.10 శాతం పెరగనున్నాయి. ఇప్పుడు ఎస్బీఐ వడ్డీ బేస్ రేటు 10 బేసిస్ పాయింట్లు పెరిగింది. దీంతో ఈ కొత్త వడ్డీ రేటు 7.55 శాతానికి చేరుకుంది.
పెరిగిన బేస్ రేటు ప్రభావం వడ్డీ రేట్లపై కనిపిస్తుంది. బేస్ రేటు పెంపుతో, వడ్డీ రేట్లు మునుపటి కంటే ఖరీదైనవిగా మారతాయి. రుణాల వంటి ఉత్పత్తులపై మరింత వడ్డీ చెల్లించాల్సి ఉంటుంది. బేస్ రేటును నిర్ణయించే హక్కు బ్యాంకులకు ఉంటుంది. ఏ బ్యాంకు అయినా, అది ప్రైవేట్ లేదా ప్రభుత్వమైనప్పటికీ, బేస్ రేటు కంటే తక్కువ రుణాలను అందించదు. అన్ని ప్రైవేట్.. ప్రభుత్వ బ్యాంకులు బేస్ రేటును ప్రామాణికంగా పరిగణిస్తాయి. దీని ఆధారంగానే రుణాలు వంటివి వినియోగదారులకు ఇస్తారు.
రుణ రేటు మార్జినల్ కాస్ట్‌లో మార్పు లేదు
అన్ని అవధుల రుణాలకు సంబంధించిన మార్జినల్ కాస్ట్ ఆఫ్ లెండింగ్ రేటులో ఎలాంటి మార్పు చేయలేదని స్టేట్ బ్యాంక్ తెలిపింది. ఈ రేట్లు మునుపటిలాగే ఉంటాయి. గృహ రుణ రంగంలో ఎస్బీఐకి ప్రధాన వాటా ఉంది. ఎస్బీఐ మార్కెట్‌లో 34 శాతం ఆక్రమించింది. ఎస్బీఐ రూ.5 లక్షల కోట్ల వరకు రుణాలు మంజూరు చేసింది. 2024 నాటికి ఈ సంఖ్యను 7 లక్షల కోట్లకు చేర్చాలని ఎస్బీఐ(SBI) లక్ష్యంగా పెట్టుకుంది.
బేస్ రేటు అనేది ఏ వ్యక్తికి లేదా సంస్థకు ఏ బ్యాంకు రుణం ఇవ్వలేని కనిష్ట రేటు. దీనికి మినహాయింపు ఉండవచ్చు. అయితే దీనిపై బ్యాంకు ఉన్నతాధికారులు నిర్ణయం తీసుకోవాల్సి ఉంది. బేస్ రేట్ అంటే బ్యాంక్ తన కస్టమర్లకు వర్తించే రేటు. సరళంగా చెప్పాలంటే, వాణిజ్య బ్యాంకులు కస్టమర్లకు రుణాలు ఇచ్చే రేటు బేస్ రేటు.
అంతకుముందు, స్వల్పకాలిక రుణాలపై ‘మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్’ (MCLR)ని 5 నుండి 10 బేసిస్ పాయింట్ల వరకు తగ్గిస్తున్నట్లు స్టేట్ బ్యాంక్ ప్రకటించింది. ఈ కొత్త రేట్లు 15 సెప్టెంబర్ 2021 నుండి అమలులోకి వచ్చాయి. దీని ప్రయోజనం తదుపరి ఈఎంఐ(EMI)లకు అందుబాటులో ఉంది. ఎంసీఎల్ఆర్(MCLR)తో అనుసంధానించబడిన గృహ రుణాలు.. వాటి ఈఎంఐ(EMI) తగ్గిస్తారు.
సెప్టెంబర్ నెలలో రేటు సవరించారు..
అంతకుముందు సెప్టెంబర్‌లో స్టేట్ బ్యాంక్ బేస్ రేటును సవరించింది. సెప్టెంబర్ 15 నుంచి అమల్లోకి వచ్చేలా బేస్ రేటు 7.45 శాతంగా నిర్ణయించారు. ఇప్పుడు కొత్త బేస్ రేటు 0.10 శాతం పెరిగి 7.55 శాతానికి చేరుకుంది. స్టేట్ బ్యాంక్ సెప్టెంబర్ 15న ఈ నిర్ణయం తీసుకుంది. ఈ రేటు సెప్టెంబర్ 15 నుంచి అమల్లోకి వచ్చింది. సెప్టెంబర్ నెలలోనే, స్టేట్ బ్యాంక్ బెంచ్‌మార్క్ ప్రైమ్ లెండింగ్ రేటు లేదా BPLRని సవరించింది. దానిని 12.20 శాతంగా నిర్ణయించింది. రిజర్వ్ బ్యాంక్ నిర్ణయించిన బేస్ రేటు ప్రస్తుతం 7.30-8.80 శాతంగా ఉంది. దీని ఆధారంగా బ్యాంకులు తమ బేస్ రేటును పెంచడం లేదా తగ్గించడం చేస్తాయి.
ఇవి కూడా చదవండి: పాడి పరిశ్రమ కోసం స్టార్టప్ పోటీలు.. గెలిచిన వారికి 10 లక్షలు.. రన్నరప్‌కి 7లక్షలు..
