Sovereign Gold Bond: సావరిన్‌ గోల్డ్‌ బాండ్ల ప్రయోజనాలు ఏమిటి..?

సావరిన్ గోల్డ్ బాండ్ స్కీమ్ అనేది బంగారంలో పెట్టుబడి పెట్టే పథకం. భౌతిక బంగారం అవసరం లేని, బంగారంపై పెట్టుబడి పెట్టాలనుకునే వారి కోసం ఇది టైలర్ మేడ్ స్కీమ్. ఆర్బీఐ ఈ గోల్డ్ బాండ్లను జారీ చేస్తుంది. మీరు ఎలాంటి రిస్క్ లేకుండా సురక్షితంగా ఈ పథకంలో పెట్టుబడి పెట్టవచ్చు. మీ పెట్టుబడి రాబడి బంగారం వాస్తవ ధర ప్రకారం మారుతుంది. భౌతిక బంగారానికి బదులుగా ఎలక్ట్రానిక్ రూపంలో బంగారం ఉన్నందున ఇది సురక్షితం.

సావరిన్ గోల్డ్ బాండ్ ఎప్పుడు లభిస్తుంది?

2023-24 సంవత్సరానికి గానూ ప్రభుత్వం మూడో సిరీస్ గోల్డ్ బాండ్లను డిసెంబర్ 18 నుంచి 22 వరకు విడుదల చేస్తోంది. డిసెంబర్ 28న బాండ్ జారీ చేయనున్నారు. బాండ్ ఇష్యూ తేదీకి ముందు ఒక నిర్దిష్ట రోజున బంగారం ధరను నిర్ణయిస్తారు. సావరిన్ గోల్డ్ బాండ్‌లను ఆర్‌బీఐ ఏడాదికి అనేకసార్లు సీరియల్‌గా జారీ చేస్తుంది. ప్రతి సిరీస్ ఐదు రోజుల పాటు అందుబాటులో ఉంటుంది.

ఇవి కూడా చదవండి

బంగారం, వెండి ధరలకు రెక్కలొచ్చాయ్.. అందనంత ఎత్తులో ఎగిరిపోతోంది..

మీరు ఈ పనులను పూర్తి చేశారా? గడువు దగ్గర పడుతోంది

కేంద్రం కీలక నిర్ణయం.. విద్యార్థులకు 'అపార్ కార్డ్‌'

పాత పెన్షన్ స్కీమ్‌ విధానంపై కేంద్రం కీలక నిర్ణయం

ఈ పథకంలో కనీస పెట్టుబడి 1 గ్రాము బంగారం. ఒక సాధారణ వ్యక్తి గరిష్టంగా 4 కిలోల బంగారం వరకు పెట్టుబడి పెట్టవచ్చు. ఇక్కడ బంగారం 24 క్యారెట్లు. 1 గ్రాము బంగారంపై పెట్టుబడి అంటే 1 గ్రాము 24 క్యారెట్ బంగారం ధరకు సమానమైన డబ్బు పెట్టుబడిగా అందుతుంది. ఆ మొత్తానికి బాండ్ జారీ చేయబడుతుంది.

బాండ్ ఎనిమిదేళ్లలో మెచ్యూర్ అవుతుంది. అది మెచ్యూర్ అయినప్పుడు, ఆ రోజు బంగారం ధరను బట్టి మీకు లభిస్తుంది. ఉదాహరణకు మీరు ఈరోజు 1 గ్రాము బంగారానికి రూ. 6,300కి బాండ్ పొందుతారు. ఎనిమిదేళ్లలో 1 గ్రాము బంగారం ధర 12,000 ఉంటే, మీకు రూ.12,000 రాబడి వస్తుంది. ఇక్కడ మీకు బంగారం లభించదు. కానీ బంగారం ధరకు సమానమైన డబ్బు మీకు లభిస్తుంది.

సావరిన్ గోల్డ్ బాండ్ పథకం నుండి వడ్డీ ఆదాయం

SGBలో మీరు 100 గ్రాముల బంగారంపై మొత్తం రూ. 6,30,000 పెట్టుబడి పెడతారు. మీరు సంవత్సరానికి 2.50% అదనపు వడ్డీని కూడా పొందుతారు. అంటే, ఒక సంవత్సరంలో రూ.15,750 వడ్డీ లభిస్తుంది. ప్రతి ఆరు నెలలకు వడ్డీ మొత్తం మీ బ్యాంకు ఖాతాలో జమ చేయబడుతుంది.

సావరిన్ గోల్డ్ బాండ్ల యొక్క ఇతర ప్రయోజనాలు

• మీరు సావరిన్ గోల్డ్ బాండ్‌పై బ్యాంక్ లోన్ పొందవచ్చు.
• ఈ బాండ్ ద్వారా వచ్చే లాభంపై మూలధన లాభం పన్ను లేదు.
• ఈ బాండ్ డబ్బుకు TDS తగ్గింపు
• సావరిన్ గోల్డ్ బాండ్‌ను బదిలీ చేయవచ్చు, బహుమతిగా ఇవ్వవచ్చు.

సావరిన్ గోల్డ్ బాండ్లను ఎలా పొందాలి?

SGBలను షెడ్యూల్డ్ వాణిజ్య బ్యాంకుల నుండి పొందవచ్చు. ఎంపిక చేసిన పోస్టాఫీసులు, స్టాక్ ఎక్స్ఛేంజీలు కూడా సావరిన్ గోల్డ్ బాండ్లను జారీ చేస్తాయి.

మరిన్ని బిజినెస్ వార్తల కోసం ఇక్కడ క్లిక్ చేయండి