December Deadline: మీరు ఈ పనులను పూర్తి చేశారా? గడువు దగ్గర పడుతోంది.. లేకుంటే ఇబ్బదులు తప్పవు!

సంవత్సరంలో చివరి నెల ప్రారంభమవుతుంది. అనేక ముఖ్యమైన పనుల కోసం ఈ డిసెంబర్ 2023 గడువు సమీపిస్తోంది. ఈ నెలలో కొన్ని ముఖ్యమైన పనులు పూర్తి కావాలి. లేదంటే సమస్య మరింత పెరగవచ్చు. ఇందులో మ్యూచువల్ ఫండ్ నామినేషన్ల నుండి ఆదాయపు పన్ను రిటర్న్స్ దాఖలు వరకు వివిధ పనులు ఉన్నాయి. బ్యాంక్ లాకర్ నుండి చేయవలసిన అనేక ఇతర పనులు ఉన్నాయి. UPI విషయంలో కూడా ఒక ముఖ్యమైన అప్‌డేట్ వచ్చింది. దానికి సంబంధించిన గడువు త్వరలో ముగియనుంది.

1. మ్యూచువల్ ఫండ్ నామినేషన్ – మీరు మ్యూచువల్ ఫండ్స్‌లో ఇన్వెస్ట్ చేస్తుంటే, డిసెంబర్ 31 మీకు ముఖ్యమైనది. ఈ తేదీ నాటికి మీరు మ్యూచువల్ ఫండ్ ఖాతాకు నామినీలను జోడించాలి. ఈ పనిని పూర్తి చేయడంలో విఫలమైతే ఖాతా స్తంభింపజేయవచ్చు.
2. ITRని అప్‌డేట్ చేయండి – ఆదాయపు పన్ను దాఖలు చేయడానికి చివరి తేదీ 31 జూలై 2023 ఉండేది. అయితే ఈ తేదీలోగా పని చేయని పన్ను చెల్లింపుదారులకు డిసెంబర్ 31 వరకు అవకాశం కల్పించారు. ఆలస్య రుసుముతో పొడిగిస్తూ ITR ఈ గడువు వరకు ఫైల్ చేయవచ్చు. పెనాల్టీ మొత్తం ఆదాయపు పన్ను శాఖ నిబంధనల ప్రకారం ఉంటుంది. పన్ను చెల్లింపుదారుల ఆదాయం 5 లక్షల కంటే ఎక్కువ ఉంటే, వారు 5000 వేల రూపాయల జరిమానా చెల్లించాలి. ఈ ఆదాయం తక్కువగా ఉంటే వెయ్యి జరిమానా చెల్లించాలి.
3. UPI ఖాతా మూసివేయవచ్చు – ఇటీవల UPI ఖాతాకు సంబంధించి నిర్ణయం తీసుకుంది. దీని ప్రకారం, ఒక సంవత్సరం పాటు UPI యాప్ ఉపయోగించకుంటే. దానిపై ఎటువంటి లావాదేవీ జరగనట్లయితే, ఆ UPI ID క్లోజ్‌ చేయాలని నిర్ణమయించారు. Google Pay, Phone Pay, Paytmకి సంబంధించి నేషనల్ పేమెంట్స్ కార్పొరేషన్ (NPCI) ఈ నిర్ణయం తీసుకుంది.
4. లాకర్ ఒప్పందం – SBI, బ్యాంక్ ఆఫ్ బరోడా సహా చాలా బ్యాంకులు తమ కస్టమర్‌లను అప్రమత్తం చేశాయి. సవరించిన లాకర్ ఒప్పందం ప్రకారం లాకర్ ఒప్పందంపై సంతకం చేయడానికి ఆర్‌బిఐకి గడువు సమీపిస్తోంది. ఈ నెలాఖరుతో డిసెంబర్ 31 వరకు గడువు విధించారు. మీరు ఈ ప్రక్రియను పూర్తి చేయకుంటే, మీరు బ్యాంక్ లాకర్ నుండి వైదొలగవలసి ఉంటుంది.

మరిన్ని బిజినెస్ వార్తల కోసం ఇక్కడ క్లిక్ చేయండి