SBI: మీ ఫోన్‌లో యోనో యాప్‌ ఉందా.? మీ కోసమే ఈ కొత్త సర్వీస్‌..

భారత ప్రభుత్వ రంగ బ్యాంక్‌ అయిన ఎస్‌బీఐ వినియోగదారుల కోసం యోనో సేవలు అందిస్తోన్న విషయం తెలిసిందే. ఈ యాప్‌ ద్వారా ఖాతాదారులకు లోన్‌ మొదలు స్టేట్‌మెంట్‌ వరకు ఎన్నో రకాలు సేవలు అందిస్తున్నాయి. ఈ క్రమంలోనే వినియోగదారుల సౌలభ్యం కోసం ఎస్‌బీఐ యోనో యాప్‌లో మరో కొత్త సేవను అందుబాటులోకి తీసుకొచ్చింది. యోనోలో యూపీఐ సేవలను అందిస్తోంది.

ఐసీఐసీఐ, యాక్సిస్‌ వంటి ప్రైవేటు బ్యాంకులకు పరిమితమైన ఈ యూపీఐ సేవలను ఎస్‌బీఐ సైతం తీసుకొచ్చింది. ఈ కొత్త సేవలతో యూజర్లు తమ యోనో యాప్‌ ద్వారా స్కాన్‌ చేసి పేమెంట్స్‌ చేసుకోవచ్చు. అలాగే ఇతర యూపీఐ యాప్స్‌లో ఉన్నట్లుగానే.. పే బై కాంటాక్ట్స్, రిక్వెస్ట్ మనీ వంటి సేవలను వినియోగించుకోవచ్చు. అంతేకాకుండా కార్డు అవసరం లేకుండానే ఏటీఎమ్‌ నుంచి డబ్బులు విత్‌డ్రా చేసుకునే సదుపాయం కల్పించింది.

క్యూఆర్‌కోడ్‌ స్కాన్‌ చేయడం ద్వారా ఏటీఎం నుంచి డబ్బులు విత్‌డ్రా చేసుకునే వెసులుబాటును కల్పించారు. స్టేట్ బ్యాంక్‌ ఆఫ్‌ ఇండియా 68వ వార్షికోత్సవం సందర్భంగా ఈ సర్వీసును తీసుకొచ్చింది. ఇదిలా ఉంటే ఇతర బ్యాంకుల కస్టమర్స్‌ కూడా యోనో యాప్‌ ద్వారా సేవలు పొందే అవకాశం ఇచ్చారు. ప్రస్తుతానికి యూపీఐ సేవలపై సర్వీస్‌ ఛార్జీలపై ఎలాంటి అధికారిక ప్రకటన చేయలేదు.

మరిన్ని బిజినెస్ వార్తల కోసం క్లిక్ చేయండి..