Post Office Schemes: పోస్టాఫీసుల్లో అద్భుతమైన ఈ మూడు పథకాలు.. అదిరిపోయే బెనిఫిట్స్‌

Post Office Schemes: ప్రతి వ్యక్తి తన సంపాదనతో పాటు పెట్టుబడి ప్రణాళికను రూపొందించడం ప్రారంభిస్తాడు. భారతీయ తపాలా శాఖ తన వినియోగదారులకు వివిధ పెట్టుబడి ఎంపికల గురించి తెలియజేస్తుంది. ఇటీవలి కాలంలో రిజర్వ్ బ్యాంక్ రెపో రేటును పెంచుతూ నిర్ణయం తీసుకున్న తర్వాత చాలా బ్యాంకులు తమ ఫిక్స్‌డ్ డిపాజిట్ రేట్లను పెంచాలని నిర్ణయించుకున్నాయి. అయితే ఇప్పటికీ పోస్టాఫీసు పథకం ద్వారా మీకు ఎక్కువ రాబడి లభిస్తోంది. దీనితో పాటు, మీరు పోస్టాఫీసు పథకాలలో పెట్టుబడి పెట్టడం ద్వారా పన్ను మినహాయింపు ప్రయోజనం కూడా పొందుతారు. అటువంటి పరిస్థితిలో మీరు పెట్టుబడిపై అధిక రాబడిని, ఆదాయపు పన్ను సెక్షన్ 80C కింద మినహాయింపు ప్రయోజనాలను పొందే అటువంటి కొన్ని పథకాల గురించి తెలుసుకుందాం.

1. సీనియర్ సిటిజన్ సేవింగ్స్ స్కీమ్ (Senior Citizen Savings Scheme): మీరు 60 ఏళ్లు దాటినట్లయితే, పన్ను ఆదా ప్రయోజనాలతో పాటు బ్యాంక్ FD కంటే ఎక్కువ రాబడిని పొందాలనుకుంటే, మీరు పోస్ట్ ఆఫీస్ సీనియర్ సిటిజన్ సేవింగ్స్ స్కీమ్‌లో పెట్టుబడి పెట్టవచ్చు. ఈ స్కీమ్‌లో పెట్టుబడి పెడితే మీకు 7.4% వడ్డీ రేటు లభిస్తుంది. ఈ వడ్డీ ప్రతి మూడు నెలల తర్వాత డిపాజిట్‌పై జమ అవుతుంది. మీరు సీనియర్ సిటిజన్ సేవింగ్స్ స్కీమ్ కింద ఒంటరిగా లేదా మీ జీవిత భాగస్వామితో పోస్టాఫీసు ఖాతాను తెరవవచ్చు. ఇందులో కనీసం రూ.1,000 నుంచి గరిష్టంగా రూ.15 లక్షల వరకు పెట్టుబడి పెట్టవచ్చు. ఈ పథకంలో 5 సంవత్సరాల వరకు డబ్బు పెట్టుబడి పెట్టవచ్చు.
2. పబ్లిక్ ప్రావిడెంట్ ఫండ్ ఖాతా (Public Provident Fund Account): పబ్లిక్ ప్రావిడెంట్ ఫండ్ ఖాతా (PPF) పథకంలో పెట్టుబడి పెట్టడం ద్వారా మీరు గొప్ప రాబడిని అందుకోవచ్చు. అలాగే పన్ను ఆదా ప్రయోజనాలను పొందుతారు. ఈ పథకంపై 7.1% రాబడిని పొందవచ్చు. మీరు ఈ పథకంలో మొత్తం 15 సంవత్సరాల పాటు డబ్బును పెట్టుబడి పెట్టవచ్చు. ప్రతి ఆర్థిక సంవత్సరానికి కనీస పెట్టుబడి మొత్తం రూ. 500, గరిష్ట మొత్తం రూ. 1.5 లక్షలు. 3 సంవత్సరాల తర్వాత మీరు దానిపై రుణం కూడా తీసుకోవచ్చు. 5 సంవత్సరాల తర్వాత అవసరమైతే మీరు ఈ ఖాతా నుండి పాక్షిక ఉపసంహరణ కూడా చేసుకోవచ్చు.
3. సుకన్య సమృద్ధి ఖాతా (Sukanya Samriddhi Accounts): సుకన్య సమృద్ధి యోజన పథకం. ఈ పథకం బ్యాంకులతో పాటు పోస్టాఫీసుల్లో కూడా ఓపెన్‌ చేయవచ్చు. దీనిలో మీరు మీ అమ్మాయి కోసం పెట్టుబడి పెట్టడం ద్వారా పెద్ద ఎత్తున రాబడిని సృష్టించవచ్చు. ఈ స్కీమ్‌లో 7.6% వడ్డీ రేటును అందిస్తుంది. ఈ వడ్డీ చాలా బ్యాంకుల వడ్డీ రేట్ల కంటే ఎక్కువ. మీరు 90 రోజుల నుండి 10 సంవత్సరాల వయస్సు గల ఆడపిల్లల కోసం ఈ ఖాతాను తెరవవచ్చు. ఇందులో మీరు ప్రతి సంవత్సరం కనిష్టంగా రూ. 250, గరిష్టంగా రూ. 1,50,000 పెట్టుబడి పెట్టవచ్చు. ఈ పథకంలో పెట్టుబడి పెట్టడం ద్వారా మీరు ఆదాయపు పన్ను సెక్షన్ 80C కింద మినహాయింపు పొందవచ్చు. ఆడపిల్లకు 21 ఏళ్లు నిండిన తర్వాత మీరు మొత్తాన్ని ఖాతా నుండి తీసుకోవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి

ఇవి కూడా చదవండి

RBI Penalty: తెలుగు రాష్ట్రాల బ్యాంకులతో సహా ఈ 8 బ్యాంకులపై ఆర్‌బీఐ భారీ జరిమానా.. కారణం ఏంటో తెలిపిన ఆర్బీఐ

Gautam Adani: గౌతమ్ అదానీ ప్రపంచంలోనే మూడవ అత్యంత ధనవంతుడు.. సంపద ఎంత పెరిగిందో తెలిస్తే షాకవుతారు

September Holidays: సెప్టెంబర్ నెలలో మీరు టూర్‌కు ప్లాన్‌ చేస్తున్నారా..? వరుస సెలవులు ఎలా ఉన్నాయంటే..