PM Kisan: రైతులు పీఎం కిసాన్ సాయం పొందడం ఎలా? దరఖాస్తు ఎలా చేసుకోవాలి?
PM Kisan: దేశంలోని రైతుల ఆర్థిక పరిస్థితి మెరుగుపరిచేందుకు కేంద్రం పలు పథకాలను అందుబాటులోకి తీసుకువచ్చింది. అందులో ప్రధాన మంత్రి కిసాన్ సమ్మాన్ నిధి యోజన పథకం ఒకటి. ఈ స్కీమ్ ద్వారా రైతులకు ఆర్థికంగా భరోసా కల్పిస్తోంది కేంద్రం. అయితే ఇప్పటి వరకు 17వ విడత డబ్బులు అందుకున్న రైతులు.. 18వ విడత కోసం ఎదురు చూస్తున్నారు..
PM Kisan: దేశంలోని రైతుల ఆర్థిక పరిస్థితి మెరుగుపరిచేందుకు కేంద్రం పలు పథకాలను అందుబాటులోకి తీసుకువచ్చింది. అందులో ప్రధాన మంత్రి కిసాన్ సమ్మాన్ నిధి యోజన పథకం ఒకటి. ఈ స్కీమ్ ద్వారా రైతులకు ఆర్థికంగా భరోసా కల్పిస్తోంది కేంద్రం. అయితే ఇప్పటి వరకు 17వ విడత డబ్బులు అందుకున్న రైతులు.. 18వ విడత కోసం ఎదురు చూస్తున్నారు. అయితే ప్రధానమంత్రి కిసాన్ సమ్మాన్ నిధి యోజన కింద ప్రతి భూమి ఉన్న రైతు కుటుంబానికి సంవత్సరానికి రూ. 6,000 అందిస్తోంది కేంద్రం. ఈ డబ్బులు ఒకే సారి కాకుండా విడత వారిగా అంటే మూడు విడతల్లో రూ. 2,000 చొప్పున రైతుల బ్యాంకు ఖాతాల్లో జమ అవుతాయి.
తక్కువ భూమి కలిగిన రైతులకు ఆర్థిక సహాయం అందించే లక్ష్యంతో పీఎం కిసాన్ సమ్మాన్ నిధి యోజన పథకం ప్రారంభించారు ప్రధాని మోడీ. కొత్త రైతులు కూడా దరఖాస్తు చేసుకునేందుకు అవకాశం ఉంది. మరి ఎలా రిజిస్ట్రేషన్ చేసుకోవాలో చూద్దాం.
ఎలా రిజిస్టర్ చేసుకోవాలంటే..
- ముందుగా పీఎం కిసాన్ పోర్టల్ pmkisan.gov.in ఓపెన్ చేయాలి.
- ‘New Farmer Registration’పై క్లిక్ చేసి ఆధార్ నంబర్ నమోదు చేయాలి.
- ఆ తర్వాత మరో న్యూ విండో ఓపెన్ అవుతుంది.
- అందులో ఆధార్ నంబర్ ఎంటర్ చేసి క్యాప్చా పూర్తి చేయాలి.
- ఆ తర్వాత బ్యాంక్ ఖాతా సమాచారాన్ని పూరించేప్పుడు.. , IFSC కోడ్ను సరిగ్గా నింపి దాన్ని సేవ్ చేయాలి.
- ఆ తర్వాత మరో పేజీ ఓపెన్ అవుతుంది. అందులో మీ భూమి వివరాలు ఎంటర్ చేయాలి.
- అందులో ఖాతా నంబర్ ఎంటర్ చేసి సేవ్ చేయాలి.
- ఇప్పుడు మీ రిజిస్టర్ ప్రక్రియ పూర్తవుతుంది.
PM కిసాన్ అప్లికేషన్ కోసం అవసరమైన పత్రాలు
- భూమి యొక్క అసలు పత్రాలు
- దరఖాస్తుదారు బ్యాంక్ పాస్బుక్
- ఓటరు గుర్తింపు కార్డు
- పాస్పోర్ట్ సైజు ఫోటో
- గుర్తింపు కార్డు
- డ్రైవింగ్ లైసెన్స్ సర్టిఫికేట్
- మీ యాజమాన్యంలో ఉన్న భూమి యొక్క పూర్తి వివరాలు.
- నివాస ధృవీకరణ పత్రం
మరిన్ని బిజినెస్ వార్తల కోసం ఇక్కడ క్లిక్ చేయండి