Home Loan: హోమ్ లోన్ తీసుకుంటున్నారా..? ఈ విషయాలు తెలుసుకోండి.. లేకపోతే నష్టపోతారు

Home Loan Interest Rates: పెళ్లి చేసి చూడు.. ఇల్లు కట్టి చూడు అని అంటారు పెద్దలు. ఎందుకంటే ఆ రెండు అత్యంత ఖర్చుతో కూడుకున్న పనులు. జీవితంలో ప్రతీఒక్కరికీ మంచి ఇల్లు కట్టుకుని కుటుంబసభ్యులతో హాయిగా గడపాలనే ఆశ ఉంటుంది. కానీ కొత్త ఇంటిని నిర్మించాలంటే లక్షలకు లక్షలు ఖర్చు అవుతాయి. ఇక మధ్య తరగతి ప్రజలకు అయితే సొంతింటి కల అనేది పెద్ద కష్టంగా మారుతుంది. ధరలు పెరిగిపోవడంతో సొంత ఇళ్లు కట్టుకోవాలనేది పెద్ద కలగానే మారిపోయింది. అయితే సొంత ఇల్లు నిర్మించుకోవడానికి చాలామంది బ్యాంకుల నుంచి హోమ్ లోన్ తీసుకుంటూ ఉంటారు. బ్యాంకులు తక్కువ వడ్డీ రేటుకే హోమ్ లోన్ ఆఫర్ చేస్తున్నాయి. అయితే హోమ్ లోన్ తీసుకునేటప్పుడు కొన్ని విషయాలు తెలుసుకోవాలంటున్నారు బ్యాకింగ్ రంగ నిపుణులు.

క్రెడిట్ స్కోర్

హోమ్ లోన్ తీసుకోవాలంటే ముందుగా మీ క్రెడిట్ స్కోర్ చెక్ చేసుకోండి. మీ సిబిల్ స్కోర్ ఆధారంగా హోమ్ లోన్‌పై ఎంత వడ్డీ నిర్ణయించాలనేది బ్యాంకులు నిర్ణయిస్తాయి. మీ క్రెడిట్ స్కోర్ ఎక్కువగా ఉంటే తక్కువ వడ్డీ.. తక్కువగా ఉంటే ఎక్కువ వడ్డీ ఉంటుంది. అధిక మొత్తంలో లోన్ కావాలంటే క్రెడిట్ స్కోర్ 750 కంటే ఎక్కువగా ఉండాలి. తక్కువ క్రెడిట్ స్కోర్ ఉంటే మీకు హోమ్ లోన్ ఇవ్వకపోవచ్చు.

వడ్డీ రేటు

హోమ్ లోన్లకు వడ్డీ రేటు తక్కువగానే ఉంటుంది. కానీ మీరు లోన్ తీసుకోవాలనుకున్నప్పుడు తక్కువ వడ్డీ రేటును ఏ బ్యాంకులు ఆఫర్ చేస్తున్నాయనేది ఒకసారి తెలుసుకోండి. వడ్డీ రేటు 0.5 శాతం ఎక్కువ ఉన్నా సరే.. మీ వడ్డీలో చాలా వ్యత్యాసం ఉంటుంది. దీంతో అన్ని బ్యాంకుల వడ్డీ రేట్లను చెక్ చేసి ఏ బ్యాంకు తక్కువ వడ్డీ రేటుకు ఇస్తుంటే ఆ బ్యాంకులో తీసుకోండి.

ప్రాసెసింగ్ ఫీజు

ఇక హోమ్ లోన్ తీసుకున్నప్పుడు లోన్ మంజూరు చేయడానికి ప్రాసెసింగ్ ఫీజును బ్యాంకులు వసూలు చేస్తాయి. మీరు తీసుకున్న లోన్‌పై 0.5 శాతం నుంచి 1 శాతం వరకు ప్రాసెసింగ్ ఫీజులు వసూలు చేస్తున్నాయి. కొన్ని బ్యాంకులు అయితే మీరు ఎంత లోన్ తీసకుంటున్నారనేది సంబంధం లేకుండా ఫ్లాట్ ప్రాసిసెంగ్ ఫీజు వసూలు చేస్తున్నాయి.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి