Soumendra Jena: ఒకప్పుడు గుడిసెలో నివాసం.. ఇప్పుడు రూ.3 కోట్ల విలువైన కారులో ప్రయాణం..!

Follow us on

ఒడిశాలోని రూర్కెలాకు చెందిన వ్యవస్థాపకుడు సౌమేంద్ర జెనా ఇటీవల సోషల్ మీడియాలో తన అద్భుతమైన విజయగాథను పంచుకున్నారు, వినయపూర్వకమైన ప్రారంభం నుండి అసాధారణ విజయం వరకు తన ప్రయాణంతో లెక్కలేనన్ని మందికి స్ఫూర్తినిచ్చారు. ఇటీవల, దుబాయ్‌కు చెందిన భారతీయ వ్యవస్థాపకుడు సౌమేంద్ర జెనా తన కొత్త ఫెరారీ 296 GTS కొనుగోలు చేశారు. ఈ కారు ధర దుబాయ్‌లో రూ.3.2 కోట్లు కాగా, భారతదేశంలో ధర రూ.6.2 కోట్ల నుండి ప్రారంభమవుతుంది. దుబాయ్‌లో చాలా మందికి ఇలాంటి ఖరీదైన ఫెరారీ కార్లు ఉన్నాయి. అయితే ఇందులో ప్రత్యేకత ఏమిటని మీరు ఆలోచిస్తున్నారా? కానీ సౌమ్యేంద్ర ఒకప్పుడు ఒక గుడిసెలో నివసించాడని, అతని బాల్యం కష్టాలలో గడిచిందని మీరు తెలుసుకున్నప్పుడు, అతని విజయం మరింత స్ఫూర్తిదాయకంగా అనిపిస్తుంది. ఇలాంటి వ్యక్తి గురించి తెలుసుకుందుకు ఆసక్తి చూపుతారు.

సౌమేంద్ర జెనా ఏమి చేస్తారు?

సౌమేంద్ర జెనా ఒడిశాలోని రూర్కెలాలో జన్మించారు. అతని బాల్యం టిన్, టార్పాలిన్ తో చేసిన పైకప్పు ఉన్న ఒక చిన్న గది ఇంట్లో గడిచింది. అతను 1988 నుండి 2006 వరకు ఒడిశాలో తన చదువును పూర్తి చేశాడు. దీని తరువాత అతను నెట్‌వర్కింగ్, ఇంటర్నెట్ సొల్యూషన్స్‌లో ప్రత్యేకత కలిగిన జెట్‌స్పాట్ నెట్‌వర్క్స్ అనే తన సొంత కంపెనీని ప్రారంభించాడు. కోవిడ్ తర్వాత అతను దుబాయ్‌కి మకాం మార్చి ప్రస్తుతం అక్కడే నివసిస్తున్నారు.

సౌమేంద్రకు కార్లంటే చాలా ఇష్టం:

సౌమ్యేంద్ర జెనాకు లగ్జరీ, స్పోర్ట్స్ కార్లంటే చాలా ఇష్టం. ఫెరారీతో పాటు, ఆయనకు పోర్స్చే, జి-వ్యాగన్, అనేక ఇతర వాహనాలు కూడా ఉన్నాయి. అతని కార్ల జాబితాలో మొదటి కారు 2008 టాటా ఇండికా, రెండవది మెర్సిడెస్-బెంజ్ G350d. దుబాయ్ కి మారిన తర్వాత అతను పోర్స్చే టేకాన్ టర్బో ఎస్, మెర్సిడెస్-బెంజ్ G63 AMG లను కొనుగోలు చేశాడు.

ఫెరారీ 296 GTS డెలివరీ:

సౌమ్యేంద్ర జెనా తన కొత్త ఫెరారీ డెలివరీ వీడియోను సోషల్ మీడియాలో షేర్ చేశారు. వీడియోలో అతను తన భార్య, కొడుకుతో కలిసి టాక్సీలో ఫెరారీ డీలర్‌షిప్‌కు వస్తున్నట్లు చూపించాడు. అక్కడ అతని కుటుంబం కూడా అతనితో ఉంది. దీని తరువాత అతను ఫెరారీ 296 GTSని తీసుకున్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి