EPF Passbook: పీఎఫ్‌ ఖాతాలో బ్యాలెన్స్‌ తెలియడం లేదా..? ఈ నాలుగు విధానాలతో క్షణాల్లో బ్యాలెన్స్‌ చెకింగ్‌..
మారుతున్న టెక్నాలజీ ప్రకారం ఈపీఎఫ్‌ఓ కూడా అప్‌డేట్‌ అయ్యింది. ఖాతాదారులు పీఎఫ్‌ ఆఫీస్‌ను సందర్శించే అవసరం లేకుండా ఆన్‌లైన్‌ ద్వారానే సేవలను అందిస్తుంది. యూనిఫైడ్‌ మెంబర్‌ పోర్టల్‌ను లాంచ్‌ చేసి అన్ని రకాల పీఎఫ్‌ సంబంధిత సేవలను అందిస్తుంది. అలాగే ఖాతాదారులు తమ పాస్‌బుక్‌ను ఆన్‌లైన్‌లోనే చూసుకునే వెసులుబాటును కల్పిస్తుంది. కాబట్టి సింపుల్‌గా నాలుగు విధానాలతో మీ పీఎఫ్‌ ఖాతాకు సంబంధించిన పాస్‌బుక్‌ను ఎలా డౌన్లోడ్ చేసుకోవాలో? ఓ సారి తెలుసుకుందాం.
ప్రస్తుతం ప్రపంచవ్యాప్తంగా టెక్నాలజీ కొత్త పుంతలు తొక్కుతుంది. ముఖ్యంగా ప్రతి చిన్నపని ఆన్‌లైన్‌ అవ్వడంతో పని చాలా సింపుల్‌గా అయిపోతుంది. గతంలో కోట్లాది మంది ఖాతాదారులు ఉన్న ఎంప్లాయీ ప్రావిండెంట్‌ ఫండ్‌లో మన ఖాతాలో ఎంత సొమ్ము ఉందో తెలుసుకోవడం చాలా కష్టంగా ఉండేది. మారుతున్న టెక్నాలజీ ప్రకారం ఈపీఎఫ్‌ఓ కూడా అప్‌డేట్‌ అయ్యింది. ఖాతాదారులు పీఎఫ్‌ ఆఫీస్‌ను సందర్శించే అవసరం లేకుండా ఆన్‌లైన్‌ ద్వారానే సేవలను అందిస్తుంది. యూనిఫైడ్‌ మెంబర్‌ పోర్టల్‌ను లాంచ్‌ చేసి అన్ని రకాల పీఎఫ్‌ సంబంధిత సేవలను అందిస్తుంది. అలాగే ఖాతాదారులు తమ పాస్‌బుక్‌ను ఆన్‌లైన్‌లోనే చూసుకునే వెసులుబాటును కల్పిస్తుంది. కాబట్టి సింపుల్‌గా నాలుగు విధానాలతో మీ పీఎఫ్‌ ఖాతాకు సంబంధించిన పాస్‌బుక్‌ను ఎలా డౌన్లోడ్ చేసుకోవాలో? ఓ సారి తెలుసుకుందాం.
ఉమంగ్ యాప్‌
ఈపీఎఫ్‌ఓ సబ్‌స్క్రైబర్‌లు ఇప్పుడు ఉమంగ్ యాప్‌ని ఉపయోగించి తమ మొబైల్ ఫోన్‌లలో తమ పీఎఫ బ్యాలెన్స్‌ని చెక్ చేసుకోవచ్చు. ఈపీఎఫ్‌ఓ సభ్యులకు ఒకే ప్లాట్‌ఫారమ్‌లో వివిధ ప్రభుత్వ పథకాలు, సేవలకు ప్రాప్యతను అందించడానికి ఈ యాప్‌ను భారత ప్రభుత్వం ప్రారంభించింది. ఇక్కడ వినియోగదారులు ఈపీఎఫ్‌ పాస్‌బుక్‌ని వీక్షించవచ్చు. అలాగే ఈపీఎప్‌ క్లెయిమ్‌లను పెంచవచ్చు, ట్రాక్ చేయవచ్చు. ఖాతాదారుని మొబైల్ ఫోన్‌లో ఉమంగ్ యాప్‌ను డౌన్లోడ్ చేసిన తర్వాత వన్ టైమ్ రిజిస్ట్రేషన్ చేసుకుంటే క్షణాల్లో పీఎఫ్‌ బ్యాలెన్స్‌ను తనిఖీ చేసుకోవచ్చు.
ఈపీఎఫ్‌ఓ పోర్టల్‌ ద్వారా
- ఈపీఎఫ్‌ఓ పోర్టల్‌లో లాగిన్ అవ్వాలి.
- ‘మా సేవలు’కి వెళ్లి స్క్రోల్‌చేసి, ‘ఉద్యోగుల కోసం’పై క్లిక్ చేయండి.
- సర్వీసెస్’ కింద ‘సభ్యుని పాస్‌బుక్’కి వెళ్లండి.
- అనంతరం సభ్యుని ఐడీను ఎంచుకుని పాస్‌బుక్‌ను వీక్షించవచ్చు.
ఎస్‌ఎంఎస్‌ ద్వారా
ఈపీఎఫ్‌ఓ ఖాతాదారుడు 77382 99899కు ఎస్‌ఎంస్‌ పంపడం ద్వారా పీఎఫ్‌ బ్యాలెన్స్‌ని తనిఖీ చేయవచ్చు. ఈపీఎఫ్‌ఓహెచ్‌ అని టైప్‌ చేసి స్పేస్‌ ఇచ్చి యూఏఎన్‌ నెంబర్‌ ఎంటర్‌ చేసి స్పేస్‌ మనకు నచ్చిన భాషలోని మొదటి మూడు అక్షరాలు టైప్‌ చేసి పైన పేర్కొన్న నెంబర్‌కు టెక్ట్స్‌ మెసేజ్‌ పంపి పీఎఫ్‌ బ్యాలెన్స్‌ తెలుసుకోవచ్చు.
మిస్డ్ కాల్ ద్వారా
ఈపీఎఫ్‌ఓ సభ్యుడు ఈపీఎఫ్‌ఓ మిస్డ్ కాల్ సేవను ఉపయోగించడం ద్వారా ఒకరి పీఎఫ్‌ బ్యాలెన్స్‌ను తనిఖీ చేయవచ్చు. ఈపీఎఫ్‌ఓ సబ్‌స్క్రైబర్ తన యూఏఎన్‌ నమోదిత మొబైల్ నంబర్ నుండి 011-22901406కు మిస్డ్ కాల్ ఇవ్వాల్సి ఉంటుంది. ఈపీఎఫ్‌ఓ వెంటనే మీ పీఎఫ్‌ బ్యాలెన్స్‌ వివరాలు మీ రిజిస్టర్డ్ మొబైల్ నంబర్‌కు మెసేజ్‌ రూపంలో వస్తాయి.
మరిన్ని బిజినెస్ వార్తల కోసం ఇక్కడ క్లిక్ చేయండి