Motorola: మోటో లవర్స్కు సూపర్ గుడ్న్యూస్..! ఇక కొత్త డివైజ్లకు కూడా ఆ ఛాన్స్..
మోటరోలా తన ఆండ్రాయిడ్ 17 బీటా ప్రోగ్రామ్ను భారత్ సహా పలు ప్రాంతాలకు విస్తరించింది. Razr 60 అల్ట్రా, ఎడ్జ్ 60 ప్రో యూజర్లు కొత్త ఫీచర్లను ముందుగానే పరీక్షించవచ్చు. బగ్స్ను గుర్తించి, ఫీడ్బ్యాక్ ఇవ్వడం ద్వారా తుది వెర్షన్ను మెరుగుపరచడంలో సహాయపడవచ్చు.
Updated on: Apr 04, 2026 | 5:52 AM
స్మార్ట్ఫోన్ దిగ్గజం మోటరోలా తన ఆండ్రాయిడ్ 17 బీటా ప్రోగ్రామ్ను మరింత విస్తరించింది. భారతదేశం, అమెరికా, లాటిన్ అమెరికా, బ్రెజిల్, EMEA ప్రాంతాల్లోని యూజర్లకు ఈ ప్రోగ్రామ్ను అందుబాటులోకి తెచ్చింది. దీంతో మరింత మంది యూజర్లు తాజా ఫీచర్లను ముందుగానే పరీక్షించే అవకాశం పొందుతున్నారు. ఈ బీటా ప్రోగ్రామ్ ద్వారా వినియోగదారులు కేవలం కొత్త ఫీచర్లను ప్రయత్నించడమే కాకుండా, సాఫ్ట్వేర్లో ఉన్న లోపాలను గుర్తించి కంపెనీకి ఫీడ్బ్యాక్ ఇవ్వగలరు. తద్వారా, ఫైనల్ వెర్షన్ విడుదలకు ముందు సిస్టమ్ను మెరుగుపరచడం లక్ష్యంగా ఉంది.
భారతదేశంలో మోటరోలా Razr 60 అల్ట్రా, మోటరోలా ఎడ్జ్ 60 ప్రో యూజర్లు ఇప్పుడు ఈ బీటా ప్రోగ్రామ్లో చేరవచ్చు. అదనంగా మోటో G57 పవర్, EMEAలో మోటో G57, అమెరికాలో మోటో ఎడ్జ్ (2025) వంటి మోడల్స్ కూడా ఇప్పటికే జాబితాలో ఉన్నాయి. బీటా ప్రోగ్రామ్కు సైన్ అప్ చేసిన ప్రతి ఒక్కరికీ అప్డేట్ లభించదు. పరిమిత సంఖ్యలో వినియోగదారులను మాత్రమే ఎంపిక చేసి Android 17 Beta అందిస్తారు. ఎంపికైన వారికి అప్డేట్ సిద్ధమైనప్పుడు నోటిఫికేషన్ పంపబడుతుంది.
ఈ బీటా వెర్షన్ ద్వారా వినియోగదారులు కొత్త డిజైన్, మెరుగైన పనితీరు, తాజా ఫీచర్లు, బగ్ ఫిక్స్లను ముందుగానే అనుభవించవచ్చు. అయితే ఇది పూర్తిగా స్థిరంగా ఉండకపోవచ్చు. అప్పుడప్పుడు యాప్ క్రాష్లు లేదా పనితీరు సమస్యలు ఎదురయ్యే అవకాశం ఉంది. ఇదే సమయంలో గూగుల్ తన పిక్సెల్ 10 సిరీస్లో ఇప్పటికే ఆండ్రాయిడ్ 17 బీటా అమలు చేసింది. సాఫ్ట్వేర్ను మరింత సులభతరం చేయడంపై దృష్టి సారిస్తూ రెగ్యులర్ అప్డేట్లను విడుదల చేస్తోంది.
మరిన్ని బిజినెస్ వార్తల కోసం ఇక్కడ క్లిక్ చేయండి
