Maruti Suzuki: ఈ కారు రికార్డ్‌ స్థాయిలో అమ్మకాలు.. 80 దేశాలలో ఆధిపత్యం చెలాయిస్తోంది!

Maruti Suzuki: భారతదేశంలో దాదాపు 2 సంవత్సరాల క్రితం ప్రారంభించిన మారుతి ఫ్రాంక్స్ అంతర్జాతీయ మార్కెట్లో అద్భుతాలు చేసింది. మారుతి ఫ్రాంక్స్ 25 నెలల్లో 1 లక్ష యూనిట్లకు పైగా ఎగుమతి సంఖ్యను దాటింది. ఈ సంఖ్య భారతదేశ ఆటోమొబైల్ ఎగుమతి పరిశ్రమకు ఒక ముఖ్యమైన విజయం. మారుతి సుజుకి తన ఫ్రాంక్స్ భారతదేశంలో అత్యంత వేగంగా ఎగుమతి చేయబడిన క్రాస్ఓవర్ SUVగా మారిందని, ఇది 1 లక్ష ఎగుమతి యూనిట్ల సంఖ్యను దాటిందని కంపెనీ తెలిపింది.

ఇది కూడా చదవండి: కస్టమర్లకు అలర్ట్‌.. ఆగస్ట్‌లో 15 రోజుల బ్యాంకులకు సెలవులు

మారుతి సుజుకి ఫ్రాంక్స్ కారు గుజరాత్ ప్లాంట్‌లో మాత్రమే తయారు అవుతుంది. ఇది భారతదేశంలో ఏప్రిల్ 2023లో ప్రారంభించారు. దాని ఎగుమతి కూడా అదే సంవత్సరం నుండి ప్రారంభమైంది. నేడు ఈ కారు లాటిన్ అమెరికా, మిడిల్ ఈస్ట్, ఆఫ్రికా వంటి పెద్ద మార్కెట్లతో సహా 80 కి పైగా దేశాలకు సరఫరా అవుతోంది. దీనికి జపాన్‌లో అత్యధిక డిమాండ్ ఉంది.దాని కారణంగా దాని ఎగుమతి కూడా భారీగా ఉంది.

గత సంవత్సరం చాలా కార్లు రవాణా:

మారుతి సుజుకి ప్రకారం.. 2024-25 ఆర్థిక సంవత్సరంలోనే 69,000 కంటే ఎక్కువ ఫోర్డ్ కార్లు విదేశాలకు రవాణా అయ్యాయి. దీనితో ఆ సంవత్సరం భారతదేశం నుండి అత్యధికంగా ఎగుమతి చేయబడిన ప్యాసింజర్ కారుగా ఇది నిలిచింది. కంపెనీ ఎగుమతులు నిరంతరం పెరుగుతున్నాయని, అంతర్జాతీయ మార్కెట్లలో తన పట్టును బలపరుస్తున్నాయని ఇది చూపిస్తుంది.

ఈ దేశాలలో అత్యధిక డిమాండ్:

మారుతి సుజుకి వరుసగా నాలుగు సంవత్సరాలుగా భారతదేశంలో అతిపెద్ద ప్యాసింజర్ కార్ల ఎగుమతిదారుగా కొనసాగుతోంది. 2025-26 ఆర్థిక సంవత్సరం మొదటి త్రైమాసికంలోనే కంపెనీ 96,000 కంటే ఎక్కువ కార్లను విదేశాలకు ఎగుమతి చేసింది. భారతదేశం మొత్తం ప్యాసింజర్ వాహనాల ఎగుమతుల్లో 47% రికార్డు వాటాను సాధించింది. ప్రస్తుతం కంపెనీ 17 వేర్వేరు మోడళ్లను దాదాపు 100 దేశాలకు ఎగుమతి చేస్తుంది. దీని ప్రధాన మార్కెట్లలో దక్షిణాఫ్రికా, జపాన్, సౌదీ అరేబియా ఉన్నాయి.

ఈ వాహనాలకు డిమాండ్ కూడా పెరిగింది:

2024-25 ఆర్థిక సంవత్సరంలో కంపెనీ మొత్తం 3.3 లక్షలకు పైగా వాహనాలను ఎగుమతి చేసింది. ఇది ఇప్పటివరకు అతిపెద్ద సంఖ్య. అలాగే గత సంవత్సరం కంటే 17.5% ఎక్కువ. ఫ్రాంక్స్ కాకుండా జిమ్నీ, బాలెనో, స్విఫ్ట్, డిజైర్ కూడా ఈ వృద్ధికి గణనీయంగా దోహదపడ్డాయి. భారతదేశంలో ఫ్రాంక్స్ ధర రూ.7.54 లక్షల నుండి రూ.13.06 లక్షల వరకు (ఎక్స్-షోరూమ్) ఉంటుంది.

ఇది కూడా చదవండి: Electric Scooter: కేవలం రూ.54వేలకే 130కిమీ రేంజ్ ఇచ్చే ఎలక్ట్రిక్‌ స్కూటర్‌.. డ్రైవింగ్ లైసెన్స్ అవసరం లేదు

మారుతి ఫ్రాన్స్ లక్షణాలు:

మారుతి సుజుకి నుండి టర్బో పెట్రోల్ ఇంజిన్‌తో వచ్చే ఏకైక కారు ఫ్రాంక్స్. ఈ ఇంజిన్ 99 bhp పవర్, 147 Nm టార్క్ ఉత్పత్తి చేస్తుంది. దీనికి 5-స్పీడ్ మాన్యువల్, 6-స్పీడ్ ఆటోమేటిక్ (ప్యాడ్లెల్ షిఫ్టర్‌తో) గేర్‌బాక్స్ ఎంపిక ఉంది. దీనితో పాటు, దీనికి 89 bhp పవర్, 113 nm టార్క్ ఉత్పత్తి చేసే 1.2 లీటర్ పెట్రోల్ ఇంజిన్ కూడా ఉంది. దీని కోసం 5-స్పీడ్ మాన్యువల్, 5-స్పీడ్ AMT (ఆటోమేటిక్) గేర్‌బాక్స్ ఎంపిక అందించింది. ఫ్రాంక్స్‌లో అదే 1.2 లీటర్ ఇంజిన్ ఆధారంగా CNG వేరియంట్ కూడా ఉంది.

ఇది కూడా చదవండి: Gold Rate Today: రోజురోజుకు పతనమవుతున్న బంగారం ధర.. ఏపీ, తెలంగాణలో ఎంతో తెలుసా?

ఇది కూడా చదవండి: Viral Video: హేయ్.. నాతో పెట్టుకోకు.. పులినే తరిమికొట్టిన కుక్క.. వీడియో వైరల్‌

మరిన్ని బిజినెస్ వార్తల కోసం ఇక్కడ క్లిక్ చేయండి