Bank Loan Rules: బ్యాంకు నుంచి రుణం తీసుకున్న వ్యక్తి మరణిస్తే ఆ డబ్బును ఎవరు చెల్లిస్తారు? నిబంధనలు ఏంటి?

నేటి కాలంలో ఇల్లు, కారు కొనడానికి లేదా ఇతర అవసరాలను తీర్చుకోవడానికి రుణం తీసుకోవడం చాలా సాధారణమైపోయింది. ఒక బ్యాంకు ఎవరికైనా రుణం ఇచ్చినప్పుడల్లా అది వారి క్రెడిట్ చరిత్ర, ఆదాయ వనరు, అలాగే ఆ వ్యక్తి తిరిగి చెల్లించే సామర్థ్యాన్ని పరిగణనలోకి తీసుకుంటుంది. కానీ అప్పు తీసుకున్న వ్యక్తి చనిపోతే తీసుకున్న రుణాన్ని ఎవరు చెల్లిస్తారని మీరు ఎప్పుడైనా ఆలోచించారా? దాని గురించి తెలుసుకుందాం.

ఇది కూడా చదవండి: Passport Color: షారుఖ్ పాస్‌పోర్ట్ మెరూన్ రంగులో ఎందుకు ఉంది? భారత్‌లో ఎన్ని రకాల పాస్‌పోర్ట్‌లున్నాయి?

నియమాలు ఏమిటి?

రుణం తీసుకున్న వ్యక్తి మరణిస్తే, బ్యాంకు ముందుగా దరఖాస్తుదారుడిని సంప్రదిస్తుంది. సహ-దరఖాస్తుదారుడి పేరును నమోదు చేసుకుంటుంది. ఈ పేరు సాధారణంగా గృహ రుణాలు, విద్యా రుణాలు లేదా ఉమ్మడి రుణాలలో ప్రస్తావిస్తుంటుంది. ఎందుకంటే రుణం తీసుకున్న వ్యక్తి మరణిస్తే ఈ డబ్బును వసూలు చేసేందుకు సహ-దరఖాస్తుదారు పేరును చేర్చుతుంది. అంటే ఆయన హామీదారుగా ఉంటాడు. ఈ సందర్భంలో హామీదారుడు కూడా రుణం తిరిగి చెల్లించడానికి నిరాకరిస్తే లేదా తగినంత డబ్బు లేకపోతే బ్యాంకు మరణించిన వ్యక్తికి చెందిన చట్టపరమైన వారసుడిని కూడా సంప్రదిస్తుంది. ఇందులో మరణించిన వారి భార్య, పిల్లలు లేదా తల్లిదండ్రులు వంటి కుటుంబ సభ్యులు కూడా ఉండవచ్చు. బ్యాంకు వారిని రుణం తిరిగి చెల్లించమని అడుగుతుంది.

ఇది కూడా చదవండి: Airplane Toilet Waste: విమానం బాత్రూమ్ వ్యర్థాలు ఎక్కడికి వెళ్తాయి? నిజం తెలిస్తే ఆశ్చర్యపోతారు.

బ్యాంకు ఆస్తిని ఎప్పుడు స్వాధీనం చేసుకోవచ్చు?

హామీదారు చట్టపరమైన వారసులలో ఎవరైనా రుణాన్ని తిరిగి చెల్లించలేకపోతే మరణించిన వ్యక్తి ఆస్తిని స్వాధీనం చేసుకుని విక్రయించే హక్కు కూడా బ్యాంకుకు ఉంది. గృహ రుణం విషయంలో బ్యాంకు నేరుగా మరణించిన వ్యక్తి ఇంటిని స్వాధీనం చేసుకుని వేలం ద్వారా విక్రయించడం ద్వారా రుణాన్ని తిరిగి పొందవచ్చు.

రుణ బీమా ఉంటే?

మరణించిన వ్యక్తి రుణ రక్షణ బీమా తీసుకొని ఉంటే, అతని మరణం తర్వాత మొత్తం రుణాన్ని బీమా కంపెనీ తిరిగి చెల్లిస్తుంది. అలాగే కుటుంబంపై ఎటువంటి భారం ఉండదు. మరణించిన వ్యక్తి ఆస్తిని చట్టబద్ధమైన వారసుడు వారసత్వంగా పొందకపోతే అతను రుణాన్ని తిరిగి చెల్లించాల్సిన అవసరం లేదు.

ఇది కూడా చదవండి: Mukesh Ambani House: అంబానీ ఇంటి విద్యుత్‌ బిల్లు ఎంత వస్తుందో తెలిస్తే మతిపోతుంది!

మరిన్ని బిజినెస్ వార్తల కోసం ఇక్కడ క్లిక్ చేయండి