Mukesh Ambani House: అంబానీ ఇంటి విద్యుత్ బిల్లు ఎంత వస్తుందో తెలిస్తే మతిపోతుంది!
Mukesh Ambani House: ముఖేష్ అంబానీ.. ప్రపంచంలోనే అత్యంత సంపన్నుల్లో ఒకరు. అంబానీ ఇంటిపేరు యాంటిలియా. ఇది ముంబైలో ఉంది. 27 అంతస్తుల ఈ భవనంలో ముఖేష్ అంబానీ కుటుంబం మాత్రమే నివరిస్తోంది. అయితే ఈ ఇంటి నిర్మాణానికి అయిన ఖర్చు అక్షరాల 15వేల కోట్ల రూపాయలు..
Updated on: Mar 31, 2025 | 2:36 PM
మీ ఇంటికి గరిష్ట నెలవారీ విద్యుత్ బిల్లు ఎంత? 5 వేల? 10 వేల కానీ దేశంలోని అత్యంత ధనవంతుడు తన విద్యుత్ బిల్లుకు ఎంత చెల్లిస్తాడో మీకు తెలుసా? ఆ డబ్బు మొత్తం సగటు భారతీయుడు జీవితకాలంలో సంపాదించే డబ్బుకు సమానం. ముఖేష్, నీతా అంబానీల 27 అంతస్తుల యాంటిలియా నివాసం ఉంది. ఈ నిర్మాణం 2005లో ప్రారంభమై 2010లో పూర్తయింది. ఇది ముంబైలో ఉంది. 27 అంతస్తుల ఈ భవనంలో ముఖేష్ అంబానీ కుటుంబం మాత్రమే నివరిస్తోంది. అయితే ఈ ఇంటి నిర్మాణానికి అయిన ఖర్చు అక్షరాల 15వేల కోట్ల రూపాయలు. యాంటిలియాను అమెరికన్ సంస్థ పెర్కిన్స్ అండ్‌ విల్ ఇంకా లాస్ ఏంజిల్స్‌కు చెందిన నిర్మాణ సంస్థ హిర్ష్ బెట్నర్ అసోసియేట్స్ చేపట్టింది. ఖర్చు పరంగా ఇది బకింగ్‌హామ్ ప్యాలెస్ తర్వాత ప్రపంచంలో రెండవ అత్యంత ఖరీదైన నివాసం.
అంబానీల ఇంటికి యాంటిలియా అని పేరు పెట్టారు. ఇది అట్లాంటిక్ మహాసముద్రంలోని ఒక పురాణ దెయ్యం ద్వీపం నుండి ప్రేరణ పొందింది. ప్రపంచంలోనే అత్యంత ఖరీదైన ప్రైవేట్ నివాసం యాంటిలియా అని గిన్నిస్ బుక్ ఆఫ్ వరల్డ్ రికార్డ్స్ పేర్కొంది. ఈ 27 అంతస్తుల భవనం అనేక రాజ భవనాలను అధిగమిస్తుంది.
ఇది కూడా చదవండి: Masked Aadhaar: ఓయో,హోటల్‌లో గది బుకింగ్ కోసం మాస్క్‌డ్‌ ఆధార్‌ను ఎందుకు ఉపయోగించాలి? ఉపయోగం ఏంటి?
ముఖేష్, నీతా అంబానీ ఫిబ్రవరి 2010లో ఆంటిలియాలో నివసించడం ప్రారంభించారు. ఈ విలాసవంతమైన 400,000 చదరపు అడుగుల ఇంటి విద్యుత్ బిల్లు సాధారణ ఇల్లు లాంటిది కాదు. మీడియా నివేదికల ప్రకారం, మొదటి నెలలోనే యాంటిలియాలో 637,240 యూనిట్ల విద్యుత్ వినియోగించారట. ఈ విద్యుత్ బిల్లు ఎంతో తెలుసా? అక్షరాల దాదాపు 70 లక్షల 70 వేలు అని ఎకనామిక్ టైమ్స్ నివేదిక పేర్కొంది. ఈ బిల్లు దాదాపు 7,000 ఇళ్ల నెలవారీ విద్యుత్ బిల్లుకు సమానం అని నిపుణులు అంటున్నారు. ఈ నివాసాన్ని అద్భుతంగా నిర్మాణం చేశారు అప్పటి ఇంజనీర్లు. ఇందులో ఎన్నో సౌకర్యాలు ఉన్నాయి. హెలిప్యాడ్‌లు, 168 కార్ల లగ్జరీ కార్ల పార్కింగ్, బహుళ అంతస్తుల పార్కింగ్ స్థలం, విలాసవంతమైన స్పా, ఉష్ణోగ్రత నియంత్రిత స్విమ్మింగ్ పూల్, గ్రాండ్ టెంపుల్ స్థలం, హై స్పీడ్ లిఫ్టులు, థియేటర్, జిమ్, ఎయిర్ కండిషన్డ్ గదులు మొదలైనవి ఉన్నాయి. ఈ హై-స్కేల్ ఇంటి పనితీరుకు సరిపోయేలా అనేక సౌకర్యాలు 24/7 నడుస్తాయి.
ఇది కూడా చదవండి: Tech Tips: మీ మొబైల్‌ను ఎవరైనా దొంగిలించారా? ముందుగా ఈ 3 పనులు చేయండి.. డేటా సేఫ్‌!
మరిన్ని బిజినెస్ వార్తల కోసం ఇక్కడ క్లిక్ చేయండి
