Aadhaar Card: ఆన్‌లైన్‌లో పీవీసీ ఆధార్ కార్డు పొందడం ఎలా..? దరఖాస్తు చేసే విధానం!
యూఐడీఏఐ జారీ చేసిన ఆధార్ కార్డ్ డేటాబేస్ ఒక వ్యక్తి వేలిముద్ర, ఐరిస్‌ వంటి బయోమెట్రిక్ సమాచారాన్ని కలిగి ఉంటుంది. అదనంగా వ్యక్తి పేరు, వయస్సు, చిరునామా మొదలైన భౌగోళిక సమాచారం ఉంటుంది. అయితే చాలా మంది ఆధార్‌ను పీవీసీ కార్డు కావాలని భావిస్తుంటారు. ఈ కార్డు తీసుకోవాలంటే ఆన్‌లైన్‌లో కూడా తీసుకునేందుకు సదుపాయం ఉంది. అయితే మీ ఆధార్ పీవీసీ కార్డు పొందడం..
Updated on: Feb 19, 2024 | 2:49 PM
ఆధార్ కార్డ్ ఈరోజు చాలా ముఖ్యమైన పత్రంగా మారిపోయింది. ఐడీ ప్రూఫ్, అడ్రస్ ప్రూఫ్ కోసం ఆధార్ ఉపయోగించబడుతుంది. అదేవిధంగా ఏదైనా పథకంలో కేవైసీ కోసం ఆధార్ ప్రాథమిక పత్రం. యూఐడీఏఐ జారీ చేసిన ఆధార్ కార్డ్ డేటాబేస్ ఒక వ్యక్తి వేలిముద్ర, ఐరిస్‌ వంటి బయోమెట్రిక్ సమాచారాన్ని కలిగి ఉంటుంది. అదనంగా వ్యక్తి పేరు, వయస్సు, చిరునామా మొదలైన భౌగోళిక సమాచారం ఉంటుంది. అయితే చాలా మంది ఆధార్‌ను పీవీసీ కార్డు కావాలని భావిస్తుంటారు. ఈ కార్డు తీసుకోవాలంటే ఆన్‌లైన్‌లో కూడా తీసుకునేందుకు సదుపాయం ఉంది. అయితే మీ ఆధార్ పీవీసీ కార్డు పొందడం ఎలాగో చూద్దాం. PVC కార్డ్ అనేది క్రెడిట్ కార్డ్ రూపంలో వచ్చే కార్డ్. దీనిని యూఐడీఏఐ వెబ్‌సైట్ లేదా మైఆధార్‌ యాప్‌ నుంచి ఆర్డర్ చేయవచ్చు.
పీవీసీ కార్డు కోసం ఎలా దరఖాస్తు చేయాలి
https://resident.uidai.gov.in లేదా https://uidai.gov.inని సందర్శించండి.
- ‘ఆర్డర్ ఆధార్ కార్డ్’ సర్వీస్ బటన్‌ పై క్లిక్ చేయండి.
- ఆ తర్వాత 12 అంకెల ఆధార్ నంబర్ (UID), 16 అంకెల వర్చువల్ ఐడెంటిఫికేషన్ నంబర్ (VID) లేదా 28 అంకెల ఎన్‌రోల్‌మెంట్ ID, సెక్యూరిటీ కోడ్‌ని నమోదు చేయండి.
- ఆ తర్వాత మీ మొబైల్ నంబర్ కు వచ్చిన ఓటీపీని నమోదు చేయండి.
- ఆ తర్వాత వివరాలను ప్రివ్యూ చేసి, ‘చెల్లించు’ ఆప్షన్‌ను ఎంచుకోండి.
- మీరు చెల్లింపు గేట్‌వే క్రెడిట్/డెబిట్ కార్డ్, నెట్ బ్యాంకింగ్, యూపీఐ ద్వారా కూడా చేయవచ్చు.
- విజయవంతమైన లావాదేవీ తర్వాత, డిజిటల్ సంతకంతో కూడిన రసీదు వస్తుంది. సర్వీస్ రిక్వెస్ట్ నంబర్ SMS ద్వారా కూడా వస్తుంది.
- చెక్ ఆధార్ కార్డ్ స్థితిని సందర్శించడం ద్వారా మీరు ఆధార్ కార్డ్ పంపబడే వరకు SRN స్థితిని తనిఖీ చేయవచ్చు. ఆధార్ నంబర్, లేదా ఎన్‌రోల్‌మెంట్ ID లేదా వర్చువల్ ID నమోదు చేయాలి. రిజిస్టర్డ్ మొబైల్ నంబర్ ద్వారా ధృవీకరణ చేయాలి.
- పీవీసీ కార్డు కోసం రూ.50 ఫీజు చెల్లించాలి. మీరు ఆర్డర్ చేసిన ఏడు రోజులలోపు ఇది మీ చిరునామాకు వస్తుంది.
ఆన్‌లైన్‌లో ఆధార్ కార్డ్ డౌన్‌లోడ్ చేయడం ఎలా?
మీ మొబైల్ నంబర్‌ను ఆధార్‌తో లింక్ చేసినట్లయితే, మీరు ఆన్‌లైన్‌లో డూప్లికేట్‌ ఆధార్‌ను పొందవచ్చు. దీని కోసం ఇలా చేయండి.
- యూఐడీఏఐలో myaadhaar.uidai.gov.in/portal ఈ లింక్‌పై క్లిక్ చేసి ఓపెన్‌ చేయండి.
- ఆపై మీ ఆధార్ నంబర్ లేదా ఎన్‌రోల్‌మెంట్ ఐడీ నంబర్‌ను నమోదు చేయండి. క్యాప్చాను నమోదు చేయండి.
- ఆ తర్వాత మీ మొబైల్ నంబర్‌కు వచ్చిన ఓటీపీని నమోదు చేయండి.
- ఇప్పుడు మీరు ఆధార్ PDF కాపీని డౌన్‌లోడ్ చేసుకోవచ్చు.
- డౌన్‌లోడ్ చేసిన ఆధార్ కార్డ్‌ను ప్రింటవుట్ తీసుకొని దానిని లామినేట్ చేసి ఉంచండి.
మరిన్ని బిజినెస్ వార్తల కోసం ఇక్కడ క్లిక్ చేయండి
