Business Ideas: మీకు మొక్కలంటే ఇష్టమా? అయితే లక్షలు సంపాదించే ఛాన్స్‌.. పెట్టుబడి అక్కర్లేని బిజినెస్‌!

చాలా మందికి బిజినెస్‌ చేయాలని ఉంటుంది. అయితే వారిలో ఎక్కువ మందికి ఏదైన ఒక పనిలో ఆసక్తి, ఇష్టం ఉంటుంది. వారి దాన్నే బిజినెస్‌గా మార్చుకుంటే.. పెద్దగా కష్టపడుతున్నాం అనే ఫీలింగ్‌ రాకుండానే వ్యాపారాన్ని ఆడుతూ పాడుతూ చేయవచ్చు. అయితే ఇప్పుడు మొక్కలంటే బాగా ఇష్టం ఉన్నవారి గురించి మాట్లాడుకుంటే.. వారికి ఒక సూపర్‌ బిజినెస్‌ చేసే ఛాన్స్‌ ఉంది.

బేసిక్‌గా ఏదైన పని మనకు నచ్చితే దాన్ని కేవలం డబ్బు ముడిపడిన పనిలా చూడకుండా మనకు నచ్చిన పనిగా చూస్తూ హండ్రెడ్‌ పర్సెంట్‌ ఎఫర్ట్‌ పెడతాం. పైగా సున్నితమైన పనుల్లో అయితే అలాంటి ఆసక్తి చాలా ముఖ్యం. అది ఉంటేనే పని చేయగలం లేదంటే కొన్ని రోజులకే బోర్‌ కొట్టేస్తుంది. అలా మొక్కలంటే ఇష్టం ఉండి, వాటిని పెంచడాన్ని అపురూపంగా భావించే వారు.. ఎలాంటి పెట్టుబడి లేకుండా లక్షలు సంపాదించుకోవచ్చు. అది ఎలాగంటే.. ఈ మధ్యకాలంలో చాలా మంది తమ ఇంటి పైకప్పుపై కిచెన్‌ గార్డెన్‌, టెర్రస్‌ గార్డెన్‌ అని పూల మొక్కలు, ఆకుకూరల మొక్కలు, పండ్ల చెట్లు, కూరగాయల మొక్కలు పెంచాలని ఆసక్తి చూపిస్తున్నారు.

వారికి పెంచుకోవాలనే ఆసక్తి ఉన్నా.. వాటి కోసం ముందుగా కాస్త సెటప్‌ అవసరం, ఎలాంటి మట్టి వాడాలని, పందిరి ఎలా వేసుకోవాలి, ఎలాంటి విత్తనాలు వాడాలి, మొక్క కాస్త పెరిగే వరకు ఎలాంటి జాగ్రత్తలు తీసుకోవాలి అనేది వారికి పెద్దగా అవగాహన ఉండదు. అలాంటి వారి అవసరాన్ని మీరు తీరుస్తూ మంచి ఆదాయం పొందవచ్చు. ఇంటి టెర్రస్‌పై మొక్కలు పెంచుకునేలా అంతా సెట్‌ చేసి, కొంతకాలం వాటిని పరిశీలిస్తూ డబ్బులు సంపాదించవచ్చు. దీనికి తోడు ఒక నర్సరీ కూడా పెట్టుకుంటే ఇంకా అద్భుతంగా ఉంటుంది. లేకపోయినా బాధలేదు. ముందుగా ఇంటి ఓనర్‌ నుంచి కాంట్రక్ట్‌ తీసుకొని, ఏదైనా నర్సరీ నుంచి మొక్కలు కొని వాటిని తీసుకొచ్చి టెర్రస్‌పై ఏర్పాటు చేస్తే చాలు. అలాగే కొంతమంది ధనికుల గార్డెన్‌ డిజైన్‌ చేయడం, అందులో ఎలాంటి మొక్కలు నాటాలో, ఎలా నాటాలో వాటిని ఎలాంటి జాగ్రత్తలు తీసుకొని పెంచాలో గైడ్‌ చేస్తూ కూడా మంచి ఆదాయం పొందవచ్చు. ఈ బిజినెస్‌కు నగరాల్లో మంచి డిమాండ్‌ ఉంది.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి