Jio: జియో కస్టమర్లకు పండగే.. 15 ప్రీమియం OTTలు, 1000+ లైవ్ ఛానెళ్లతో సరికొత్త ఓటీటీ పాస్లు
Jio: కొత్తగా ప్రవేశపెట్టిన ఈ రీఛార్జ్ ప్లాన్లను జియో ఓటీటీ-పాస్లు మైజియో (MyJio) యాప్, అధికారిక జియో వెబ్సైట్, రీటైల్ అవుట్లెట్ల ద్వారా రీఛార్జ్ చేసుకోవడానికి అందుబాటులో ఉన్నాయి. ప్రతి జియో ఓటీటీ-పాస్ ద్వారా ప్రతినెల రూ. 1,500 విలువైన ప్రయోజనాలు లభిస్తాయి. ఇందులో..
Updated on: Aug 08, 2026 | 12:56 PM
వినియోగదారుల్లో ఎంతో ఆదరణ పొందిన ‘జియో ఓటీటీ-పాస్’ (Jio OTT-Pass) పోర్ట్ఫోలియోను విస్తరిస్తూ రిలయన్స్ జియో సరికొత్తగా 3 నెలల (త్రైమాసిక), 1 సంవత్సరం (వార్షిక) వ్యాలిడిటీ ప్లాన్లను ప్రకటించింది. వినియోగదారులకు మరింత ఎక్కువ డేటా, నిరంతరాయంగా ప్రీమియం వినోదాన్ని తక్కువ ఖర్చుతో అందించడమే లక్ష్యంగా ఈ కొత్త ప్లాన్లను అందుబాటులోకి తెచ్చింది.
వివిధ అవసరాలకు అనుగుణంగా ప్రవేశపెట్టిన ప్లాన్ల వివరాలు:
- రూ. 200 ఓటీటీ పాస్: 28 రోజుల వ్యాలిడిటీతో 30 జీబీ హై-స్పీడ్ డేటా, అన్లిమిటెడ్ 5జీ లభిస్తుంది. (కేవలం వాయిస్ ప్యాక్లు మినహా) యాక్టివ్ బేస్ ప్లాన్ ఉన్న వారికి.
- కొత్త రూ. 550 ఓటీటీ పాస్: 84 రోజుల వ్యాలిడిటీతో 90 జీబీ హై-స్పీడ్ డేటా, అన్లిమిటెడ్ 5జీ లభిస్తుంది. 3 నెలలు లేదా 1 సంవత్సరం బేస్ ప్లాన్ ఉన్నవారికి ఇది వర్తిస్తుంది.
- కొత్త రూ. 2000 ఓటీటీ పాస్: 365 రోజుల వ్యాలిడిటీతో 365 జీబీ హై-స్పీడ్ డేటా, అన్లిమిటెడ్ 5జీ లభిస్తుంది. 1 సంవత్సరం బేస్ ప్లాన్ ఉన్న చందాదారులకు ఇది ప్రత్యేకంగా అందుబాటులో ఉంటుంది.
ఎంటర్టైన్మెంట్ ప్యాకేజీ:
ప్రతి జియో ఓటీటీ-పాస్ ద్వారా ప్రతినెల రూ. 1,500 విలువైన ప్రయోజనాలు లభిస్తాయి. ఇందులో 15 ప్రీమియం ఓటీటీ యాప్లు, జియోటీవీ (JioTV) యాప్ ద్వారా 1,000కి పైగా లైవ్ టీవీ ఛానెళ్ల ప్రసారాలు నిరంతరాయంగా వీక్షించవచ్చు.
ముఖ్యమైన విశేషాలు:
- యూట్యూబ్ ప్రీమియం (YouTube Premium): టీవీ, ట్యాబ్, మొబైల్లలో ప్రకటనలు లేని స్ట్రీమింగ్, బ్యాక్గ్రౌండ్ ప్లే, ఆఫ్లైన్ డౌన్లోడ్ సౌకర్యం.
- జియోహాట్స్టార్ మొబైల్ + హాలీవుడ్: లైవ్ స్పోర్ట్స్, హాట్స్టార్ ఒరిజినల్స్, హాలీవుడ్ సినిమాల వీక్షణ.
- అమెజాన్ ప్రైమ్: రూ. 550, రూ. 2000 పాస్లపై అమెజాన్ ప్రైమ్ లైట్; రూ. 200 పాస్పై ప్రైమ్ వీడియో మొబైల్ ఎడిషన్ లభిస్తాయి.
- 12 ఇతర ప్రీమియం యాప్లు: సోనీ లివ్, జీ5, లయన్స్ గేట్ ప్లే, డిస్కవరీ+, సన్ నెక్స్ట్, ఫ్యాన్కోడ్, హోయ్చోయ్, చౌపాల్, ప్లానెట్ మరాఠీ, కంచా లంకా, టైమ్స్ ప్లే, తరంగ్ ప్లస్ యాప్లను జియోటీవీ ద్వారా వీక్షించవచ్చు.
- 1000+ లైవ్ టీవీ ఛానెళ్లు: స్టార్ ప్లస్ హెచ్డీ, కలర్స్ హెచ్డీ, సెట్ హెచ్డీ, సన్ టీవీ హెచ్డీ, డిస్కవరీ, కార్టూన్ నెట్వర్క్ వంటి ప్రముఖ ఛానెళ్లు అందుబాటులో ఉంటాయి.
కొత్తగా ప్రవేశపెట్టిన రూ. 550, రూ. 2000 జియో ఓటీటీ-పాస్లు మైజియో (MyJio) యాప్, అధికారిక జియో వెబ్సైట్, రీటైల్ అవుట్లెట్ల ద్వారా రీఛార్జ్ చేసుకోవడానికి అందుబాటులో ఉన్నాయి.
Jio Plans
ఇది కూడా చదవండి: RBI: ఆర్బీఐ సంచలన నిర్ణయం.. రికవరీ ఏజెంట్ల వేధింపులకు చెక్.. 2027 నుంచి కొత్త రూల్స్!
మరిన్ని బిజినెస్ వార్తల కోసం ఇక్కడ క్లిక్ చేయండి
