Income Tax: పన్ను చెల్లింపుదారులకు ఆదాయపు పన్ను శాఖ హెచ్చరిక!

మీరు పన్ను చెల్లింపుదారు, ఆదాయపు పన్ను రీఫండ్ కోసం దాఖలు చేసినట్లయితే ఈ వార్త మీకు ఉపయోగకరంగా ఉంటుంది. కోట్లాది మంది పన్ను చెల్లింపుదారులకు ఆదాయపు పన్ను శాఖ హెచ్చరిక జారీ చేసింది. ఆదాయపు పన్ను రీఫండ్ పేరుతో జరుగుతున్న మోసాలపై ఆదాయపు పన్ను శాఖ ప్రజలను అప్రమత్తం చేసింది. దీని గురించి సమాచారాన్ని దాని సోషల్ మీడియా..

Income Tax

Subhash Goud |
Updated on: Aug 18, 2024 | 10:55 AM

మీరు పన్ను చెల్లింపుదారు, ఆదాయపు పన్ను రీఫండ్ కోసం దాఖలు చేసినట్లయితే ఈ వార్త మీకు ఉపయోగకరంగా ఉంటుంది. కోట్లాది మంది పన్ను చెల్లింపుదారులకు ఆదాయపు పన్ను శాఖ హెచ్చరిక జారీ చేసింది. ఆదాయపు పన్ను రీఫండ్ పేరుతో జరుగుతున్న మోసాలపై ఆదాయపు పన్ను శాఖ ప్రజలను అప్రమత్తం చేసింది. దీని గురించి సమాచారాన్ని దాని సోషల్ మీడియా ప్లాట్‌ఫామ్‌లో పంచుకుంటూ, రీఫండ్ ఇవ్వడం గురించి, మీకు వచ్చే ఫోన్‌ కాల్స్‌, సందేశాల గురించి జాగ్రత్తగా ఉండాలని ఆదాయపు పన్ను శాఖ హెచ్చరించింది.

ఇది కూడా చదవండి: iPhone 16 Pro: ఐఫోన్ 16 ప్రో విడుదల ఎప్పుడో తెలుసా? నాలుగు రంగుల్లో లభ్యం.. వివరాలు లీక్‌

ఆదాయపు పన్ను శాఖ హెచ్చరిక:

ఇవి కూడా చదవండి

దీని గురించిన సమాచారాన్ని ఇస్తూ అధికారిక X హ్యాండిల్‌లో పంచుకుంది ఆదాయపు పన్ను శాఖ. ఆన్‌లైన్ మోసం పట్ల జాగ్రత్త వహించాలని ట్వీట్ చేసింది. దీనితో పాటు, స్కామ్‌లను గుర్తించడానికి, ఆపడానికి డిపార్ట్‌మెంట్ చిట్కాలను కూడా చెప్పింది. పన్ను చెల్లింపుదారులను ఎలాంటి కాల్ లేదా పాప్ అప్ మెసేజ్ ద్వారా సంప్రదించడం లేదని డిపార్ట్‌మెంట్ తెలిపింది. దీనితో పాటు, మీకు అలాంటి సందేశం వస్తే, వెంటనే దాని గురించి శాఖకు తెలియజేయాలని సూచించింది.

OTP, బ్యాంకు వివరాలను పంచుకోవద్దు:

దీనితో పాటు, ఆదాయపు పన్ను శాఖ పేరుతో ధృవీకరించబడని మూలాల నుండి వచ్చే సందేశాలను అస్సలు విశ్వసించవద్దు. దీనితో పాటు, OTP, బ్యాంక్ వివరాలు, పాన్ నంబర్, ఆధార్ వివరాలు వంటి మీ వ్యక్తిగత వివరాలను ఎవరితోనూ పంచుకోవద్దు. ఏదైనా తెలియని లింక్‌పై క్లిక్ చేయవద్దు. దీనితో పాటు, అధికారిక వెబ్‌సైట్ ద్వారా మాత్రమే మీ పన్ను చెల్లించండి.

ఆదాయపు పన్ను శాఖకు ఫిర్యాదు చేయండి:

మీకు కూడా ఇలాంటి మెసేజ్ వస్తుంటే మీరు ఆదాయపు పన్ను శాఖకు ఫిర్యాదు చేయవచ్చు. దీని కోసం మీరు http://incometaxindia.gov.in/pages/report-phishing.aspxని క్లిక్ చేయడం ద్వారా ఫిర్యాదును ఫైల్ చేయవచ్చు. ఇది కాకుండా, మీరు డిపార్ట్‌మెంట్ హెల్ప్‌లైన్ నంబర్ 18001030025/18004190025కు కాల్ చేయడం ద్వారా కూడా మీ ఫిర్యాదును నమోదు చేసుకోవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి