UPI: అకౌంట్‌ అక్కర్లేదు, పిన్‌ అవసరం లేదు.. యూపీఐలో ఈ ఫీచర్‌ తెలుసా?

ప్రస్తుతం యూపీఐ పేమెంట్స్‌ పేమెంట్స్‌కు భారీగా ఆదరణ పెరిగిన విషయం తెలిసిందే. పెద్ద పెద్ద లావాదేవీల నుంచి టీ కొట్టు వరకు యూపీఐ పేమెంట్స్‌ను స్వీకరిస్తున్నారు. స్మార్ట్‌ ఫోన్‌ ఉన్న ప్రతీ ఒక్కరూ యూపీఐ పేమెంట్స్‌ను ఉపయోగిస్తున్నారు. అయతే యూపీఐ సేవలను మరింత సులువు చేసేందుకు పేమెంట్స్‌ యాప్స్‌ రకరకాల ఫీచర్లను జోడిస్తున్నారు.

సాధారణంగా యూపీఐ పేమెంట్స్ చేయాలంటే క్యూఆర్‌ కోడ్‌ స్కాన్‌ చేయాలి, అమౌంట్‌ ఎంటర్‌ చేయాలి. చివరిగా పిన్‌ ఎంటర్‌ చేయాలి. యూపీఐ పేమెంట్‌ చేయాలంటే ఇదంతా ప్రాసెస్‌ ఉంటుందనే విషయం తెలిసిందే. అయితే ఇదంతా ప్రాసెస్‌ లేకుండా సింపుల్‌గా పేమెంట్స్‌ చేసుకునే అవకాశం కూడా ఉందని మీకు తెలుసా.? సింపుల్‌గా క్యూఆర్‌ కోడ్‌ స్కాన్‌ చేసి అమౌంట్‌ ఎంటర్‌ చేసి పే బటన్‌ క్లిక్‌ చేస్తే సరిపోతుంది.

గూగుల్‌ పేతో పాటు ఫోన్‌ పేలో యూపీఐ లైట్‌ అనే ఫీచర్‌ అందుబాటులో ఉంది. యూపీఐ లైట్‌ సేవలు ఉపయోగించుకోవాలంటే ముందుగా యూపీఐ లైట్‌లో కొన్ని డబ్బులు ట్రాన్స్‌ఫర్‌ చేసుకోవాల్సి ఉంటుంది. అనంతరం మీరు యూపీఐ లైట్‌ ద్వారా పేమెంట్స్‌ చేస్తే యూపీఐ పిన్‌ లేకుండా పేమెంట్స్‌ చేసుకోవచ్చు. తక్కువ సమయంలో పేమెంట్స్‌ చేసుకోవాలనుకునే వారికి ఇది బెస్ట్‌ ఆప్షన్‌గా చెప్పొచ్చు. అయితే ఈ ఆప్షన్‌ కేవలం చిన్న, చిన్న పేమెంట్స్‌కు మాత్రమే ఉపయోగపడుతుంది.

ఇదే కాకుండా ప్రీపెయిడ్ కార్డులతో కూడా సింపుల్‌గా లావాదేవీలు చేసుకోవచ్చు. పేటీఎం, అమెజాన్ పే వంటి ప్రీపెయిడ్ కార్డులు ముందుగానే కొనుగోలు చేసి వాటిని ఉపయోగించి పేమెంట్స్ చేసుకోవచ్చు. అలాగే యూపీఐ వర్చువల్‌ కార్డుల ద్వారా సులభంగా చెల్లింపులు చేసుకోవచ్చు.

మరిన్ని బిజినెస్ వార్తల కోసం క్లిక్ చేయండి..