Hotel Room: హోటల్ గదిని తక్కువ రేటులో బుక్ చేసుకోవడం ఎలా?
విజయవాడకు చెందిన గణేష్ భార్య, పిల్లలతో కలిసి సిమ్లా వెళ్లాలని రెడీ అవుతున్నాడు. అక్కడకు వెళ్లడానికి రావడానికి ప్రయాణ టికెట్లు బుక్ చేసుకున్నాడు
విజయవాడకు చెందిన గణేష్ భార్య, పిల్లలతో కలిసి సిమ్లా వెళ్లాలని రెడీ అవుతున్నాడు. అక్కడకు వెళ్లడానికి రావడానికి ప్రయాణ టికెట్లు బుక్ చేసుకున్నాడు. ఇప్పడు అక్కడ వసతి కోసం ఏమి చేయాలా అని ఆలోచిస్తున్నాడు. తక్కువ ఖర్చుతో హోటల్ గది ఎలా బుక్ చేసుకోవాలా అని మధన పడుతున్నాడు. బుకింగ్ ఆన్ లైన్ లో చేసుకోవాలా? లేక అక్కడికి చేరాకా నేరుగా ఏదైనా హోటల్‌కి వెళ్లి చేరిపోవాలా అనేది అతనికి ఎడతెగని ఆలోచనగా మారింది. ఒకవేళ హోటల్ బుక్ చేసుకున్న తరువాత లాక్ డౌన్ పరిస్థితి వస్తే ఏమిచేయాలి? ఇలా మీరు కూడా గణేష్ లా టూర్ వెళ్లాలని అనుకుంటున్నారా? అక్కడ హోటల్ తక్కువ ఖర్చుతో ఎలా దొరుకుతుందనే ఆలోచన చేస్తున్నారా? మరిందుకు ఆలస్యం.. మనీ9 మీకోసం ఆ వివరాలను అందిస్తోంది. తెలుసుకోండి.
హోటల్ బుకింగ్‌లపై మంచి డీల్‌లను అందించే స్టార్టప్‌లు చాలా ఉన్నాయి. మీ హోటల్ బుకింగ్‌లపై మంచి డీల్‌ని అందించడానికి అనేక మార్గాలు ఉన్నాయి. అయితే ఇక్కడ మొదట గుర్తుంచుకోవాల్సిన విషయం మీరు పీక్ సీజన్‌లో ప్రయాణించకుండా ఉండండి. అధిక డిమాండ్ కారణంగా, ఆ సమయంలో హోటల్ టారిఫ్‌లు ఎక్కువగా ఉంటాయి. ఆఫ్ సీజన్‌లో మీరు అదే హోటల్‌ను తక్కువ ధరకు పొందవచ్చు.
మీ ప్రయాణానికి కొన్ని నెలల ముందుగా హోటల్ బుక్ చేసుకుంటే మంచి డిస్కౌంట్ ఇస్తారు. అంతే కాకుండా మీరు ఆఫ్ సీజన్‌లో అయితే మీ గమ్యస్థానం చేరుకున్న తరువాత నేరుగా హోటల్‌కు చేరుకొని రూమ్ తీసుకోవచ్చు. ఆ సమయంలో డిస్కౌంట్ గురించి బేరాలు ఆడవచ్చు. ఆ సమయంలో హోటల్స్ ఆన్ లైన్ రెట్ల కంటే తక్కువకు గదులను ఆఫర్ చేస్తాయి. అంతేకాకుండా వివిధ ప్రత్యేక వసతులు కూడా అదే టారిఫ్‌లో అందిస్తాయి.
ఆన్‌లైన్‌లో హోటల్ రూమ్ బుక్ చేసుకున్నప్పుడే మీరు ఆ ప్రాంతంలోని ఇతర హోటళ్లతో టారిఫ్‌ను సరి పోల్చుకుని చూసుకోవాలి. ట్రివాగో, ట్రిప్ ఎడ్వైజర్ వంటి ఆన్ లైన్ సంస్థలు వివిధ హోటళ్లను సరిపోల్చి వివరాలు అందిస్తాయి. అగోడా వెబ్ సైట్ మెక్ మై ట్రిప్ లాంటి వాటిలో అందుబాటులో ఉండే హోటళ్లలో తక్కువ టారిఫ్ హోటల్స్ ఏమి ఉన్నాయో మీకు చెబుతాయి. దీంతో మీకు మంచి డీల్ దొరుకుతుంది. ఇలా చేస్తే ఆ సైట్ మీకు ఎప్పటికప్పుడు ఎలార్ట్ పంపిస్తుంది
ఏదైనా బుకింగ్ సైట్ లో మీరు ప్రైస్ ఎలర్ట్ ఆప్షన్ ఎంచుకునే అవకాశం ఉంది. ఇలా చేస్తే మీకు తక్కువ ధరల్లో హోటల్ రూమ్ లభ్యత ఉన్నపుడు ఆ బుకింగ్ సైట్ మీకు ఎలర్ట్ మెసేజ్ పంపిస్తుంది. ఇలా మీకు తక్కువ టారిఫ్ లో రూమ్ దొరికినప్పుడు బుక్ చేసుకోవచ్చు. మీరు ఒకే బుకింగ్ సైట్ నుంచి ఎక్కువగా బుకింగ్స్ చేస్తే మీకు రివార్డ్ పాయింట్స్ దొరుకుతాయి. వాటిని మీరు తరువాతి బుకింగ్స్‌లో ఉపయోగించుకోవచ్చు. మీరు తరచూ ప్రయాణాలు చేస్తూ ఉంటే కనుక మీరు ఏదైనా హోటల్ చైన్ లాయల్టీ ప్రోగ్రాంలో చేరవచ్చు. అదేవిధంగా మీరు ఒకే బుకింగ్ సైట్ నుంచి ఎక్కువగా బుకింగ్స్ చేస్తే మీకు రివార్డ్ పాయింట్స్ దొరుకుతాయి. వాటిని మీరు తరువాతి బుకింగ్స్‌లో ఉపయోగించుకోవచ్చు.
కొన్ని పెద్ద హోటల్ చైన్స్ బ్యాంకులతో కలిసి తమ క్రెడిట్ కార్డ్ ఫెసిలిటీ ఇస్తాయి. దీనిని మీరు తీసుకున్నట్టయితే టారిఫ్‌లో రాయితీలు పొందవచ్చు. రివార్డ్ పాయింట్స్ కూడా దీనితో వస్తాయి. వాటిని మీరు తదుపరి బుకింగ్స్‌లో ఉపయోగించుకోవచ్చు. దీంతో పాటు కొన్ని వెబ్ సైట్ ల ద్వారా మీరు హోటల్ బదులుగా అదే టారిఫ్ తో పూర్తి ఇల్లు లేదా ఫ్లాట్ బుక్ చేసుకోవచ్చు. దీంతో పాటు కొన్ని వెబ్ సైట్ ల ద్వారా మీరు హోటల్ బదులుగా అదే టారిఫ్ తో పూర్తి ఇల్లు లేదా ఫ్లాట్ బుక్ చేసుకోవచ్చు ఒకవేళ మీకు ప్రత్యామ్నాయ వసతి ఉన్నట్లయితే, మీరు చివరి క్షణంలో హోటల్‌ను సంప్రదించవచ్చు. వేరొకరు బుకింగ్‌ను రద్దు చేసిన వెంటనే మీరు హోటల్‌ను సంప్రదించినట్లయితే చాలా సార్లు మీరు మంచి హోటళ్లలో భారీ తగ్గింపులను పొందవచ్చు. అయితే మీకు ప్రత్యామ్నాయ వసతి ఉన్నట్లయితే మాత్రమే ఈ హ్యాక్‌ని ప్రయత్నించండి.
మీరు ఒకే రోజులో పరిమిత సంఖ్యలో గంటలపాటు హోటల్‌లను కూడా బుక్ చేసుకోవచ్చని మీకు తెలుసా. మీ ఫ్లైట్, రైలు లేదా బస్సు సాయంత్రం వేళలో ఉంటే, మీకు రోజంతా హోటల్ గది అవసరం లేకుంటే, మీరు గంటల వారీగా ఎన్ని గంటలైనా హోటల్ గదిని బుక్ చేసుకోవచ్చు. మీ ఫ్లైట్ రైలు లేదా బస్సు సాయంత్రం వేళలో ఉంటే, మీకు రోజంతా హోటల్ గది అవసరం లేకుంటే, మీరు కొన్ని గంటలపాటు హోటల్ రూమ్‌ని hourlyrooms.comలో బుక్ చేసుకోవచ్చు.
మీరు తిరిగి చెల్లించలేని గదిని బుక్ చేసి, మీ ప్లాన్ చివరి నిమిషంలో రద్దు చేయబడితే, మీరు ఆ గదిని మరొకరికి బదిలీ చేయవచ్చు.
మీరు రిఫండ్ ఇవ్వని హోటల్ లో గదిని బుక్ చేసి, మీ ప్లాన్ చివరి నిమిషంలో రద్దు అయితే, మీరు ఆ గదిని మరొకరికి బదిలీ చేయవచ్చు. roomertravel.comలో మీరు ఆ గది బుకింగ్‌ను కొద్దిగా తగ్గింపుపై వేరొకరికి బదిలీ చేయవచ్చు. ఉదాహరణకు మీరు రూ. 1,000 పెట్టి గదిని బుక్ చేశారనుకుందాం. మీ ప్లాన్ రద్దు అయిందని అనుకుందాం. అప్పుడు, రూ. 700 లేదా 800తో మీరు ఆ గది బుకింగ్‌ను వేరొకరికి బదిలీ చేయవచ్చు. ఈ విధంగా మీరు మీ నష్టాలను తగ్గించుకోవచ్చు. అలాగే, అవతలి వ్యక్తి కూడా కొద్దిగా తగ్గింపుతో హోటల్ గది సౌకర్యాన్ని పొందుతారు. హోటల్ రూమ్‌లను బుక్ చేసుకునేటప్పుడు ఈ చిట్కాలు చాలా వరకు డబ్బును ఆదా చేయడంలో మీకు సహాయపడతాయి.
Read Also.. Private Employees: ప్రైవేటు ఉద్యోగులకు అదిరిపోయే ఆఫర్.. భారీగా పెరగనున్న వేతనాలు..!