Marutu Suzuki: వాహనదారులకు షాక్‌.. ఈ కారు ధర రూ.62 వేలు పెంపు.. ఏ మోడల్‌కు ఎంత పెరిగిందంటే..
Marutu Suzuki: మారుతి సుజుకి 3 నెలల్లో మూడోసారి ధరలను పెంచింది. మార్చి 17న, కంపెనీ ఏప్రిల్ 2025 నుండి 4% వరకు పెరుగుదలను ప్రకటించింది. అంతకుముందు జనవరిలో 4% పెరుగుదల ఉంది. దీనిని డిసెంబర్‌లో ప్రకటించారు. ఇది కాకుండా ఫిబ్రవరిలో కంపెనీ మళ్లీ ధరలను..
పెరుగుతున్న ఇన్‌పుట్ ఖర్చులు, నిర్వహణ ఖర్చులు, నియంత్రణ మార్పులు, ఫీచర్ చేర్పుల కారణంగా భారతదేశంలోని అతిపెద్ద కార్ల తయారీ సంస్థ మారుతి సుజుకి బుధవారం ఏప్రిల్ 8 నుండి అన్ని మోడళ్లలో ధరల పెంపును ప్రకటించింది. ధరలను సమతుల్యంగా ఉంచడానికి, వినియోగదారులపై భారాన్ని పరిమితం చేయడానికి కంపెనీ కృషి చేస్తున్నప్పటికీ, పెరిగిన ఖర్చులో కొంత భారం ఖచ్చితంగా వినియోగదారులపై పడుతుందని కూడా పేర్కొంది.
మారుతి సుజుకి 3 నెలల్లో మూడోసారి ధరలను పెంచింది. మార్చి 17న, కంపెనీ ఏప్రిల్ 2025 నుండి 4% వరకు పెరుగుదలను ప్రకటించింది. అంతకుముందు జనవరిలో 4% పెరుగుదల ఉంది. దీనిని డిసెంబర్‌లో ప్రకటించారు. ఇది కాకుండా ఫిబ్రవరిలో కంపెనీ మళ్లీ ధరలను పెంచింది. దీనిలో ఎంపిక చేసిన మోడళ్ల ధరలను రూ.1,500 నుండి రూ.32,500కి పెంచారు. ఏప్రిల్‌లో ధరల పెరుగుదల మారుతి సుజుకి గ్రాండ్ విటారాపై అతిపెద్ద ప్రభావాన్ని చూపుతుంది. దీని ధర రూ. 62,000 వరకు పెరుగుతుంది.
ఇది కూడా చదవండి: Govt Scheme: ఆ రాష్ట్రంలో మహిళల కోసం అద్భుతమైన స్కీమ్‌.. ఏడాదికి రూ.10 వేలు!
అత్యధిక అమ్మకాల్లో వాగన్ఆర్
మారుతి సుజుకి వ్యాగన్ఆర్ 2024-25 ఆర్థిక సంవత్సరంలో భారతదేశంలో అత్యధికంగా అమ్ముడైన కారుగా నిలిచింది. గత ఆర్థిక సంవత్సరంలో మొత్తం 1,98,451 యూనిట్ల కారు అమ్ముడైంది. ఇది మాత్రమే కాదు, మారుతి సుజుకి వ్యాగన్ఆర్ వరుసగా 4 సంవత్సరాలు భారతదేశంలో అత్యధికంగా అమ్ముడైన కారుగా నిలిచింది. భారతదేశంలో అత్యధికంగా అమ్ముడైన కారుగా తన ప్రస్థానం కొనసాగిస్తూ, వ్యాగన్ఆర్ నమ్మకమైన, విశాలమైన, ఫీచర్లతో నిండిన, ఇంధన-సమర్థవంతమైన హ్యాచ్‌బ్యాక్‌గా ప్రసిద్ధి చెందింది. అందుకే దేశంలోని లక్షలాది మంది ప్రజల మొదటి ఎంపిక ఇది.
| కారు మోడల్ | ఎంత పెరిగింది |
| మారుతి సుజుకీ గ్రాండ్ విటరా | రూ.62 వేలు |
| మారుతి సుజుకి ఈకో | రూ.22,500 |
| వ్యాగన్ఆర్ | రూ.14 వేలు |
| ఎర్టిగా | రూ.12,500 |
| మారుతి ఎక్స్‌ఎల్‌ 6 | రూ.12,500 |
| డిజైర్‌ టూర్‌ ఎస్‌ | రూ.3 వేలు |
| మారుతి ఫ్రాంక్స్‌ | రూ2,500 |
మారుతి వాగన్ఆర్ నమ్మకానికి మరో పేరు:
ఈ విజయంపై మారుతి సుజుకి ఇండియా లిమిటెడ్ మార్కెటింగ్ అండ్‌ సేల్స్ సీనియర్ ఎగ్జిక్యూటివ్ ఆఫీసర్ పార్థో బెనర్జీ మాట్లాడుతూ.. వ్యాగన్ఆర్ సాధించిన ఈ విజయం కస్టమర్లు దీనిని ఎక్కువగా విశ్వసిస్తున్నారని, 25 సంవత్సరాలుగా ఈ ధర వద్ద ఇది అద్భుతమైన కారుగా ఉందని అన్నారు. దాని ఆవిష్కరణ, వినియోగదారు కేంద్రీకృత విధానం కారణంగా భారతీయ కుటుంబాలకు WagonR మొదటి ఎంపికగా నిలిచింది. ప్రత్యేకత ఏమిటంటే ప్రతి నలుగురు కారు కొనుగోలుదారులలో ఒకరు వ్యాగన్ఆర్‌ను ఇష్టపడుతున్నారు. దీని వల్ల దాని భారీ డిమాండ్ కనిపిస్తుంది.
ఇది కూడా చదవండి: IPL 2025: ఐపీఎల్‌ ప్రియులకు గుడ్‌న్యూస్‌.. 90 రోజుల ఉచితం జియో హాట్‌స్టార్ సబ్‌స్క్రిప్షన్ ప్లాన్ గడువు పొడిగింపు!
మరిన్ని బిజినెస్ వార్తల కోసం ఇక్కడ క్లిక్ చేయండి