Aadhaar Numbers: ఒకే మొబైల్ నంబర్‌కు ఎన్ని ఆధార్ నంబర్‌లను లింక్ చేయవచ్చు!

డిజిటల్ టెక్నాలజీ నేడు రోజువారీ జీవితంలో ముఖ్యమైన పాత్ర పోషిస్తుంది. ప్రతి ప్రభుత్వ, ప్రైవేట్ ఉద్యోగానికి ఆధార్ కార్డు తప్పనిసరి. ఆధార్ కార్డు లేకుండా ఎలాంటి అధికారిక పని జరగదు. ఆధార్ కార్డ్ ఎలా అవసరమో అదే విధంగా మీ మొబైల్ నంబర్‌ను ఆధార్‌తో లింక్ చేయడం చాలా అవసరం. ఎందుకంటే ఇది డిజిటల్ సేవల కోసం సురక్షితమైన ఓటీపీ (OTP) ఆధారిత ప్రమాణీకరణను అందిస్తుంది. EQYC, ప్రభుత్వ విధులు, బ్యాంకింగ్ లావాదేవీల వంటి ఆన్‌లైన్ సేవలకు ఆధార్ లింక్‌తో కూడిన మొబైల్ నంబర్‌కు ఓటీపీ అవసరం. ఈ ఓటీపీ ఆధార్ వివరాలను నిర్ధారిస్తుంది. అదనంగా మొబైల్ కనెక్టివిటీ సేవలను సులభతరం చేస్తుంది. డిజిటల్ పనిలో ఎక్కువ పారదర్శకతను అందిస్తుంది. అవసరమైన సేవలకు అనుకూలమైన, సురక్షితంగా ఉంచడంలో ముఖ్యమైన పాత్ర పోషిస్తుంది.

ఒకే మొబైల్ నంబర్‌కు ఎన్ని ఆధార్ నంబర్‌లను లింక్ చేయవచ్చు?

డేటా ప్రకారం, మొబైల్ నంబర్‌కు ఎన్ని ఆధార్ నంబర్‌లను లింక్ చేయవచ్చనే దానిపై ఎటువంటి పరిమితి లేదు. అయితే మీ స్వంత మొబైల్ నంబర్ లేదా మీరు సురక్షితమని భావించే నంబర్‌తో ఆధార్‌ను లింక్ చేయాలని UIDAI సిఫార్సు చేస్తుంది. ఎందుకంటే లింక్ చేసిన మొబైల్ నంబర్‌కు పంపిన ఓటీపీ ఆధారంగా మీ ఆధార్‌కు రక్షణగా ఉంటుంది.

ఆధార్ ఆధారంగా జరిగే ఏదైనా ఆన్‌లైన్ లావాదేవీకి ప్రామాణీకరణ కోసం ఓటీపీ అవసరం. మీరు మీ లింక్ ఉన్న మొబైల్ నంబర్‌కు ఓటీపీని అందుకుంటారు. అందుకే ఆధార్‌తో లింక్ చేయబడిన ప్రైమరీ మొబైల్ నంబర్ చాలా ముఖ్యమైనది. డిజిటల్ సేవల విషయంలో మీ ఓటీపీ మీకు భద్రతతో పాటు ప్రమాణీకరణను అందిస్తుందని గుర్తుంచుకోండి.

ఆధార్ కార్డుతో మొబైల్ నంబర్‌ను ఎలా లింక్ చేయాలి?

ఆధార్ కార్డు కోసం దరఖాస్తు చేసుకునే సమయంలో మీరు మీ మొబైల్ నంబర్‌ను నమోదు చేసుకోకపోతే, మీరు మీ మొబైల్ నంబర్‌ను ఆధార్ సేవా కేంద్రంలో నమోదు చేసుకోవాలి. మీ మొబైల్ నంబర్ మార్చుకోవాలంటే ఆధార్ సర్వీస్ సెంటర్ ద్వారా మార్చుకోవాలి. మీరు https://bhuvan-app3.nrsc.gov.in/aadhaar ద్వారా ఆధార్ సేవా కేంద్రాల కోసం సెర్చ్‌ చేయవచ్చు.

ఇది కూడా చదవండి: Jio: జియో దిమ్మదిరిగే ఆఫర్‌.. కేవలం రూ.601తో ఏడాది పాటు 5జీ నెట్‌!

మరిన్ని బిజినెస్ వార్తల కోసం ఇక్కడ క్లిక్ చేయండి