COD ఆర్డర్లకు కూడా మీ నుండి అదనపు ఛార్జీ వసూలు చేస్తున్నారా? కేంద్రం కీలక నిర్ణయం

Cash on Delivery: క్యాష్-ఆన్-డెలివరీ (CoD) ఆర్డర్‌లపై అదనపు రుసుములు వసూలు చేస్తున్న ఈ-కామర్స్ కంపెనీలపై ప్రభుత్వం దర్యాప్తు ప్రారంభించింది. ఈ విషయాన్ని కేంద్ర వినియోగదారుల వ్యవహారాల మంత్రి ప్రహ్లాద్ జోషి శుక్రవారం ప్రకటించారు. Xలో పోస్ట్ చేసిన ఆయన, ఆఫర్ హ్యాండ్లింగ్ ఫీజులు, చెల్లింపు హ్యాండ్లింగ్ ఫీజులు, ప్రొటెక్ట్ ప్రామిస్ ఫీజులు వంటి వివిధ వర్గాల కింద ఈ-కామర్స్ ప్లాట్‌ఫారమ్‌లు దాచిన లేదా తప్పుదారి పట్టించే ఛార్జీలను వసూలు చేస్తున్నాయని వినియోగదారుల వ్యవహారాల మంత్రిత్వ శాఖకు ఫిర్యాదులు వచ్చాయని చెప్పారు. ఈ ఛార్జీల గురించి తమకు కూడా తెలియదని, చెక్అవుట్ సమయంలో వారు తరచుగా వాటి గురించి తెలుసుకుంటారని వినియోగదారులు అంటున్నారు.

ఇది కూడా చదవండి: Viral Video: సీటు కోసం గొడవ.. మెట్రోలో పొట్టు పొట్టు కొట్టుకున్న ఇద్దరు ప్రయాణికులు!

“ఈ-కామర్స్ ప్లాట్‌ఫారమ్‌లు క్యాష్-ఆన్-డెలివరీ కోసం అదనపు రుసుములు వసూలు చేస్తున్నట్లు వినియోగదారుల వ్యవహారాల శాఖకు ఫిర్యాదులు అందాయి. దీనిని ఒక చీడార్క్ ప్యాటర్న్‌గా పిలుస్తారు. ఇది వినియోగదారులను తప్పుదారి పట్టించి దోపిడీ చేస్తుంది. ఈ ప్లాట్‌ఫారమ్‌లను నిశితంగా పరిశీలించడానికి చర్యలు తీసుకుంటున్నారు మంత్రి. భారతదేశంలో అభివృద్ధి చెందుతున్న ఈ-కామర్స్ రంగంలో పారదర్శకతను నిర్ధారించడానికి, న్యాయమైన పద్ధతులను నిర్వహించడానికి వినియోగదారుల హక్కులను ఉల్లంఘించే వారిపై కఠిన చర్యలు తీసుకుంటారు అని ఆయన తన పోస్ట్‌లో పేర్కొన్నారు.

ఇది కూడా చదవండి: FASTag: మీకు ఫాస్టాగ్‌ లేదా.. మీకో గుడ్‌న్యూస్‌.. కేంద్రం ఊరట..!

డార్క్ ప్యాటర్న్ అంటే ఏమిటి?

డార్క్ ప్యాటర్న్ అనేది ఆన్‌లైన్ సైట్‌లలో కస్టమర్లను మోసగించడానికి లేదా ఒత్తిడి చేయడానికి రూపొందించిన ఒక వ్యూహం. ఇది ఉద్దేశపూర్వకంగా వినియోగదారులను తప్పుదారి పట్టించడానికి ప్రయత్నిస్తుంది. డార్క్ ప్యాటర్న్‌లలో దాచిన ధరలు చెక్అవుట్ వద్ద కనిపిస్తాయి. ఇది ఆన్‌లైన్‌లో షాపింగ్ కార్ట్‌కు వేరే వస్తువును వివేకంతో జోడించే వ్యూహం. కొన్నిసార్లు అంగీకరించే ఆప్షన్‌ బటన్ బ్లింక్‌ అవుతూ ఉంటుంది. కానీ తిరస్కరించే ఆప్షన్‌ మాత్రం కనిపించదు. ఇది కుకీల ద్వారా సబ్‌స్క్రిప్షన్‌లను బలవంతం చేసేలా ఉంటుంది. ఇంకా ఈ ప్రోడక్ట్‌ ఇంకా ఒక్కటే మిగిలి ఉంది.. లేదా పరిమిత సమయ ఆఫర్లు వంటి ఆఫర్ల ద్వారా కూడా ఆకర్షితులవుతారు. చివరికి కంపెనీకి ప్రయోజనం చేకూరుస్తుంది.

The Department of Consumer Affairs has received complaints against e-commerce platforms charging extra for Cash-on-Delivery, a practice classified as a dark pattern that misleads and exploits consumers.

A detailed investigation has been initiated and steps are being taken to… https://t.co/gEf5WClXJX

— Pralhad Joshi (@JoshiPralhad) October 3, 2025

ఇది కూడా చదవండి: Viral Video: దొంగల ప్లాన్‌ అట్టర్‌ ప్లాప్‌.. షాపులోకి రాగానే కనిపించకుండా పోయారు.. ఫాగింగ్ యంత్రంతో బెడిసికొట్టింది!

మరిన్ని బిజినెస్ వార్తల కోసం ఇక్కడ క్లిక్ చేయండి