Whatsapp Pay: వాట్సాప్ యూజర్లకు గుడ్‌న్యూస్.. త్వరలోనే బిల్ పేమెంట్ ఫీచర్..!
ఇటీవల కాలంలో యువత ఎక్కువగా స్మార్ట్ ఫోన్లు వాడుతున్నారు. ముఖ్యంగా స్మార్ట్ ఫోన్స్‌లో వాట్సాప్ లేని ఫోన్ లేదంటే అతిశయోక్తి కాదు. అయితే మారుతున్న టెక్నాలజీకు అనుగుణంగా వాట్సాప్‌లో ఎప్పటికప్పుడు కొత్త ఫీచర్స్ అందుబాటులోకి వస్తున్నాయి. ఇప్పటివరకు వాట్సాప్‌లో వాట్సాప్ పే మాత్రమే అందుబాటులో ఉంది. తాజాగా వాట్సాప్‌లో బిల్ పేమెంట్ ఫీచర్ కూడా రాబోతుందని నిపుణులు చెబుతున్నారు.
Srinu |
Updated on: Feb 09, 2025 | 7:00 AM
మెటా యాజమాన్యంలోని వాట్సాప్ త్వరలో తన ప్లాట్‌ఫామ్‌లో ‘బిల్ పేమెంట్’ ఫీచర్‌ను ప్రవేశపెట్టే అవకాశం ఉందని ఆండ్రాయిడ్ అథారిటీ నివేదిక పేర్కొంది. ఈ ఫీచర్ కేవలం భారతీయ వినియోగదారుల కోసం ఉద్దేశించి రూపొందించారని నిపుణులు చెబుతున్నారు. ముఖ్యంగా తమ యూజర్లకు వాట్సాప్ మరింత రిచ్ ఫీచర్లను అందుబాటులోకి తీసుకురావాలనే ప్రయత్నంలో భాగంగా ఈ ఫీచర్‌ను రూపొందించారని తెలుస్తుంది. వాట్సాప్ ద్వారా ఇకపై ప్రజలు తమ యుటిలిటీ బిల్లులను చెల్లించే సదుపాయం ఉంటుంది. భారతదేశంలోని 500 మిలియన్లకు పైగా వాట్సాప్ యూజర్లకు ఇది చాలా పెద్ద అప్‌డేట్ అని టెక్ నిపుణులు పేర్కొంటున్నారు. ప్రస్తుతం ఈ ఫీచర్ ఆండ్రాయిడ్ యూజర్ల లేటెస్ట్ బీటా వెర్షన్‌లో పరీక్షల దశలో ఉంది.
వాట్సాప్ బిల్ పేమెంట్ ఫీచర్ ద్వారా యూజర్లు విద్యుత్ బిల్లులు, మొబైల్ ప్రీపెయిడ్ రీఛార్జ్‌లు, ఎల్‌పీజీ గ్యాస్ చెల్లింపులు, వాటర్ బిల్స్, అద్దె చెల్లింపులు, ల్యాండ్‌లైన్ బిల్లులు వంటి చెల్లింపులను వాట్సాప్ యాప్ ద్వారానే చేసే సౌలభ్యం ఉంటుంది. ముఖ్యంగా సాధారణ స్థాయి వినియోగదారులను ఆకట్టుకోవడమే లక్ష్యంగా ఈ బిల్ పేమెంట్ ఫీచర్ రూపొందించారని నిపుణులు వివరిస్తున్నారు. వినియోగదారుల కోసం వాట్సాప్‌లో ఈ ఫీచర్ అందరికీ అందుబాటులోకి వచ్చే సమయానికి బిల్లు పేమెంట్స్ మరిన్ని ఫీచర్స్ అందుబాటులోకి వస్తాయని అంచనా వేస్తున్నారు. ప్రస్తుతానికి వాట్సాప్ భారతదేశంలోని తన వినియోగదారులను యూపీఐ ద్వారా కాంటాక్ట్‌లకు డబ్బు పంపడానికి, వ్యాపారాలకు చెల్లింపులు చేయడానికి అనుమతిస్తుంది.
వాట్సాప్ కొత్త బిల్ చెల్లింపు వ్యవస్థ ఫీచర్ ఈ సేవలకు పొడిగింపుగా భావిస్తున్నారు. ఈ కొత్త ఫీచర్ ఎప్పుడు ప్రారంభిస్తారో? స్పష్టంగా తెలియరాలేదు. ఈ కొత్త ఫీచర్ 2025 చివరి వరకు వినియోగదారులకు అందుబాటులో ఉంటుందని నిపుణులు అంచనా వేస్తున్నారు. నేషనల్ పేమెంట్స్ కార్పొరేషన్ ఆఫ్ ఇండియా ఇటీవల వాట్సాప్ పే యూజర్ ఆన్ బోర్డింగ్ పై పరిమితిని ఎత్తివేసింది. దీంతో భారతదేశంలోని 500 మిలియన్ల కంటే వినియోగదారులకు వాట్సాప్ ఆర్థిక సేవలను అందించగలదు. వాట్సాప్‌లోని బిల్ పేమెంట్ ఫీచర్ వాట్సాప్ పే ద్వారా చెల్లించడానికి వినియోగదారులకు పెద్ద ప్రోత్సాహకంగా మారే అవకాశం ఉందని నిపునులు అంచనా వేస్తున్నారు.
మరిన్ని బిజినెస్ వార్తల కోసం క్లిక్ చేయండి..
