Gold Price Today: బంగారం వెండి ధరలు ఎలా ఉన్నాయి? రానున్న రోజుల్లో తగ్గుతాయా? పెరుగుతాయా?

గత కొన్ని వారాలుగా బంగారం, వెండి ధరలు తీవ్ర హెచ్చుతగ్గులకు లోనవుతున్నాయి. కొన్ని రోజుల వ్యవధిలో గోల్డ్‌, సిల్వర్‌ రెండూ కుప్పకూలి, ఇప్పుడు పెరుగుతున్నాయి. జనవరిలో రికార్డు స్థాయిని తాకిన తర్వాత ఒక్కసారిగా తగ్గిన ధరలు ఇప్పుడు మళ్లీ పుంజుకున్నాయి. అయినప్పటికీ గరిష్టం కంటే ఇప్పటికీ తక్కువగానే ట్రేడవుతున్నాయి.

భౌగోళిక రాజకీయ ఉద్రిక్తతలు తగ్గి, పరిస్థితి మెరుగుపడటంతో ధరలు కాస్త తగ్గాయి. అదే సమయంలో అధిక స్థాయిలలో లాభాల బుకింగ్ బంగారం, వెండి ధరలను అదుపులో ఉంచుతుంది. ఇటీవల బంగారం, వెండి ధరలు అన్ని రికార్డులను బద్దలు కొట్టాయి, బంగారం 10 గ్రాములకు రూ.2 లక్షలకు చేరుకుంది, వెండి ధరలు ఇప్పటికే కిలోకు రూ.4 లక్షలను దాటాయి. అప్పటి నుండి బంగారం, వెండి ధరలు తగ్గాయి, కానీ స్వల్పకాలిక అస్థిరత ఇక్కడే ఉన్నప్పటికీ దీర్ఘకాలిక బుల్ రన్ ఇంకా మొదలుకాలేదని నిపుణులు అభిప్రాయపడుతున్నారు. అంటే భవిష్యత్తులో ధరలు ఇంకా పెరుగుతాయన్న మాట.

అమెరికా అధ్యక్షుడు డొనాల్డ్ ట్రంప్ ఫెడరల్ రిజర్వ్ చైర్ పదవికి తన నామినేట్‌ను ప్రకటించిన తర్వాత జనవరి 30, ఫిబ్రవరి 2 తేదీలలో వరుసగా రెండు సెషన్లలో బంగారం ధర బాగా తగ్గింది. ఇటీవలి దిద్దుబాటు ఉన్నప్పటికీ, పెరుగుతున్న భౌగోళిక రాజకీయ ఉద్రిక్తతలు, నిరంతర ఆర్థిక అనిశ్చితి మద్దతుతో ఈ సంవత్సరం ఇప్పటివరకు బంగారం 17.5 శాతం పెరిగింది. కాగా ఫెడరల్ రిజర్వ్ మరింత దూకుడుగా రేటు కోత విధించనుందనే అంచనాలు పెరగడంతో బుధవారం బంగారం, వెండి ధరలు పెరిగాయి. బుధవారం ముగింపు బులియన్ ధరలు ఇలా ఉన్నాయి.. 22 క్యారెట్ల 1 గ్రాము బంగారం రూ.14,965, 24 క్యారెట్ల 1 గ్రాము బంగారం రూ.16,325లు ఉండగా, కిలో వెండి రూ.2,77,000 లకు చేరుకుంది.

మరిన్ని బిజినెస్ వార్తల కోసం ఇక్కడ క్లిక్ చేయండి