Gold Price Today: ఇప్పట్లో బంగారం కొనలేం.. పైపైకి ఎగబాకుతోన్న పుత్తడి! తులం గోల్డ్‌ ధర ఎంతుందంటే

హైదరాబాద్‌, జనవరి 31: పుత్తడిని ఇష్టపడని మగువలు ఉండరు. వేడుక ఏదైనా ఒంటి నిండా అందంగా అలంకరించుకుని అద్దంలో తమను తాము చూసుకుని మురిసిపోతుంటారు. ఇక పండగలు, ఫంక్షన్లకు కొత్త కొత్త డిజైన్లు కొనేందుకు అమితాశక్తి కనబరుస్తుంటారు. ధరెంతైనా చెల్లించి నచ్చిన నగలు కొంటుంటారు. అయితే కొందరు మాత్రం స్టాక్‌ మార్కెట్లో చోటు చేసుకునే పరిణామాలు జగ్రత్తగా పరిశీలిస్తూ ధరలు తగ్గినప్పుడు మదుపు చేసిన సొమ్మును వెచ్చింది బంగారం, వెండి ఆభరణాలు కొనేందుకు ఆసక్తి కనబరుస్తారు. అందుకు నిత్యం పుత్తడి, వెండి ధరల్లో వచ్చే హెచ్చు తగ్గులపై ఓ కన్నేసి ఉంచుతారు. తాజా ధరలు పరిశీలిస్తే గత వారం రోజులుగా బంగారం ధరలు పైపైకి ఎగబాకుతున్న సంగతి తెలిసిందే. బుధవారం కూడా అదేబాటలో దూసుకుపోతున్నాయి. జనవరి 31 మన దేశంలో బంగారం ధరలు ఎలా ఉన్నాయంటే.. 22 క్యారెట్ల బంగారం గ్రాము ధర రూ.5,800 ఉండగా.. 24 క్యారెట్ల బంగారం రూ.6,327 వద్ద కొనసాగుతోంది. నిన్నటి ధరలతో పోల్చితే ఈ రోజు 22 క్యారెట్ల బంగారం గ్రాముకు రూ.20 పెరిగాయి. 24 క్యారెట్ల బంగారం గ్రాముకు రూ.22లకు పెరిగింది.

ఆలెక్కన 22 క్యారెట్ల బంగారం 10 గ్రాముల ధర రూ.58,000 ఉండగా.. 24 క్యారెట్ల బంగారం 10 గ్రాముల ధర రూ.63,270 గా ఉంది. 18 క్యారెట్ల గోల్డ్‌ గ్రాముకు రూ.16 పెరిగి రూ.4,745 వద్ద ధరలు కొనసాగుతున్నాయి. 10 గ్రాములు ధర రూ.47,450గా ఉంది.

నేడు రెండు తెలుగు రాష్ట్రాల్లో బంగారం ధరలు ఒకే విధంగా ఉన్నాయి. హైదరాబాద్‌లో బంగారం ధరలు ఇలా..

• 18 క్యారెట్ల బంగారం 10 గ్రాములు ధర రూ.47,450
• 22 క్యారెట్ల బంగారం 10 గ్రాములు ధర రూ.58,000
• 24 క్యారెట్ల బంగారం 10 గ్రాములు ధర రూ.63,270

విజయవాడలో బంగారం ధరలు ఇలా..

• 18 క్యారెట్ల బంగారం 10 గ్రాములు ధర రూ.47,450
• 22 క్యారెట్ల బంగారం 10 గ్రాములు ధర రూ.58,000
• 24 క్యారెట్ల బంగారం 10 గ్రాములు ధర రూ.63,270

దేశంలోని ప్రధాన నగరాల్లో బంగారం ధరలు ఇలా..

ఢిల్లీలో 22 క్యారెట్ల 10 గ్రాముల బంగారం ధర రూ.58,150 ఉంటే.. 24 క్యారెట్ల ధర రూ.63,420 గా ఉంది. ముంబైలో 22 క్యారెట్ల బంగారం రూ.58,000, 24 క్యారెట్ల ధర రూ.63,270, చెన్నైలో 22 క్యారెట్ల ధర రూ.58,600, 24 క్యారెట్ల ధర రూ.63,930, బెంగళూరులో 22 క్యారెట్ల బంగారం ధర రూ.58,000, 24 క్యారెట్ల ధర రూ.63,270 ఉంది. కోల్‌కతా, ముంబై, కేరళ, పూణెలలో కూడా ఇవే ధరలు ఉన్నాయి.

ఇవి కూడా చదవండి

ఆన్‌లైన్‌లో పరిచయం.. ఓ విద్యార్ధిని నిండు జీవితం బలి!

మదనపల్లిలో నాటు తుపాకీ కాల్పుల కలకలం.. మహిళకు గాయాలు

భార్యపై అనుమానం.. పురుగుల మందు తాగి సూసైడ్‌ చేసుకున్న భర్త!

6 గంటలు పని చేయించుకుని రూ.74 వేల బిల్లు ఎగవేసింది? ఇదేం న్యాయం

ఇక వెండి ధరల విషయాని కొస్తే.. వెండి కిలో నిన్నటి కంటే ఈ రోజు రూ. 300 మేర పెరిగి.. రూ.76,500 లుగా కొనసాగుతోంది. హైదరాబాద్‌లో కిలో వెండి రూ.78,000, విశాఖపట్నంలో రూ.78,000, చెన్నైలోనూ రూ.78,000 ధరల పలుకుతోంది. బెంగళూరులో రూ.74,000, ముంబైలో76,500లుగా ఉంది.

మరిన్ని బిజినెస్‌ వార్తల కోసం క్లిక్‌ చేయండి.